ரஹீம் கஸாலி

பதிவர்களுக்கு கூகுள் அடித்த ஆப்பு- சமாளிப்பது எப்படி?

2012-02-01T11:34:00.002+05:30

யாரும் எதிர்பாராவண்ணம், எந்த ஒரு முன்னறிவிப்புமின்றி கூகுள் தன் அதிரடியை ஆரம்பித்து பதிவர்கள் வயிற்றில் புளியை கரைத்திருக்கிறது. இதுவரை blogspot.com என்பதை blogspot.in என்று சப்தமில்லாமல் மாற்றிவிட்டது.
இரு பதிவர்கள் சந்தித்து கொண்டாலும், தொலைபேசிக்கொண்டாலும் முதலில் கூகுளின் இந்த (ஏ)மாற்றத்தை பற்றி பேசுவிட்டுதான் நலம் விசாரித்து கொள்ளுமளவிற்கு இது விவாதத்திற்கு உரியதாகவே நேற்றிலிருந்து ஆகிவிட்டது.

இதனால், சில பிரபல பதிவர்களின் அலெக்சா ரேங்க், தமிழ்மணம் ட்ராபிக் ரேங்க் என்று எல்லாமே ஒரே நாளில் பாதாளத்திற்கு சென்று விட்டது. தமிழ்மணம் ரேங்க்(blog traffic rank), அலக்சா ரேங்க்(alexa) என்று தரவரிசையை குறிவைத்து எழுதிகுவித்த பதிவர்களெல்லாம் நேற்றிலிருந்து மன உளைச்சலுக்கு ஆளாகியிருப்பார்கள் என்றே நினைக்கிறேன். இனி, மீண்டும் முதலில் இருந்து ஆரம்பிக்க வேண்டுமே.....

மீண்டும் தமிழ்மணத்தில் இணைத்து, அலெக்சா ரேங்கை உயர்த்தும் போது, கூகுள் மறுபடியும் இதைப்போல் ஒரு இடியை இறக்காது என்று என்ன நிச்சயம்?

இப்போது blogspot.com என்பதை blogspot.in என்று மாற்றிவிட்டது போல் இதையும் எதிர்காலத்தில் blogspot.net என்று மாற்றாது என்று சொல்ல முடியுமா?
மறுபடியும் மறுபடியும் நம் உழைப்பு வீணாவதோடு மன உளைச்சலுக்கும் ஆளாவோம்.

இதை தவிர்க்கவேண்டுமானால், கூகுள் தரும் கஸ்டம் டொமைனை(custom domain) பயன்படுத்துவதுதான் சிறந்த வழியாக தெரிகிறது.இதுவரை சொந்தமாக வாங்கப்பட்ட டொமைன் மீது கைவைக்கவில்லை கூகுள் என்பதே இதற்கு சாட்சி.

வருடத்திற்கு ரூபாய் 500 சிலவு செய்தாலே போதும். நம் வலைத்தளத்தை காப்பாற்றிக்கொள்ளலாம். மற்ற தளங்கள் நமக்கான டொமைன்களை ரூபாய் 500-க்கு குறைவாக கொடுத்தாலும் கூகுளில் வாங்குவதே உத்தமம். காரணம், தனியாரில் டொமைன் வாங்கினால்....ஒரு குறிப்பிட்ட அளவிற்கு மேல் அப்லோட்(upload) செய்யமுடியாது.
கூகுளில் அந்த பிரச்சினை இல்லை. இப்போது போலவே பயன்படுத்தலாம். கூகுள் டேஷ்போர்ட்(dashboard) நமக்கு பழகி விட்டதால் மற்றவர்கள் தரும் டேஷ்போர்ட் நமக்கு பழகுவதற்கு கஸ்டமாக இருக்கும்.

எதிர்காலத்தில் கூகுள் சில மாற்றங்களையும் சலுகைகளையும் கொண்டுவந்தால், கூகுளில் டொமைன் வாங்கியிருந்தால் அந்த சலுகைகளை பெற நமக்கு பிரச்சினை இருக்காது. html போன்ற கோடிங்(code) இணைப்பதிலும் கூகுளில் சிக்கல்கள் இருக்காது.
மற்ற தளங்களானால் நாம் சொந்தமாகத்தான் கோடிங் எழுதவேண்டும் என்கிறார்கள்.

எவ்வளவோ சிலவு செய்கிறோம். நம் எண்ணங்களை மற்றவர்களுடன் பகிர்ந்து கொள்ள ஐநூறு ரூபாய் சிலவழிப்பதில் தவறிருப்பதாக தெரியவில்லை. அப்போதுதான் எதிர்காலத்தில் கூகுள் தரும் இலவச சேவைகளில் மாற்றம் ஏற்பட்டாலும் அது நம்மை பாதிக்காமல் இருக்கும்.

இன்னும் 45 ஆண்டுகளில் அழியப்போகும் காங்கிரஸ்- ஒரு ஆரூடம்

2012-01-31T13:20:00.003+05:30

இன்னும் நாற்பத்தைந்து ஆண்டுகளானாலும் தமிழகத்தில் காங்கிரஸ் ஆட்சிக்கு வரவே முடியாது என்று தன் திருவாய் மலர்ந்துள்ளார் மணிசங்கர் அய்யர். அதென்ன 45 வருடம் என்று விளங்கவில்லை. ஒருவேளை 2050-க்கு பின் காங்கிரஸ் என்ற கட்சியே தமிழ் நாட்டில் இருக்காது என்பதைத்தாம் இப்படி சொல்லாமல் சொல்கிறாரோ என்னவோ.....அதுசரி....இன்னும் 45 ஆண்டுகளுக்கு காங்கிரஸ் கட்சி நீடித்து இருக்குமா என்பதே சந்தேகம்தான். எப்படியோ நல்லது நடந்தா சரி.....

======================

தி.மு.க., ஆளுங்கட்சியாக இருக்கும் போது அண்ணா.தி.மு.க., செய்த வேலையை இப்போது தி.மு.க., செய்கிறது...அதாங்க....சட்டசபையில் இருந்து வெளி நடப்பு செய்வதைத்தான் சொல்கிறேன். ஆளுங்கட்சியாக இருந்தால்தான் சபையில் இருப்போம். மக்கள் பிரச்சினையை பேசுவோம். இல்லாவிட்டால் வெளியில் நடப்போம் என்று சொல்வது ஜனநாயகத்திற்கு ஆபத்தே....அப்படியானால், எதிர்கட்சிக்கு வாக்களித்த மக்கள் பிரச்சினையை எப்படி, எங்கே பேசுவதாம்?..

======================

நேற்றுவரை பிளாக் எல்லாம் blogspot.com என்ற பொது URL -இல் இயங்கிவந்தது. ஆனால், இன்றுமுதல் blogspot.in என்ற முகவரிக்கு மாறிவிட்டதாகவே தெரிகிறது. இதில் in என்பது இந்தியாவிலிருந்து இயக்கப்படும் வலைத்தளத்தின் பொதுவான URL.அதாவது india என்பதன் சுருக்கம்தான் இந்த in. இதுவே மலேசியாவாக இருந்தால் my என்று முடியும்.
ஆனால், இது எல்லா நாடுகளுக்கும் பொதுவான முகவரியாக இருக்க வாய்ப்பில்லை.இந்த மாற்றம் இந்தியாவில் இருக்கும் domain-க்கு மட்டும்தானா...மற்ற நாட்டிலிருக்கும் domain-னுக்குமா என்று தெரியவில்லை. ஒருவேளை அப்படி ஒவ்வொரு நாட்டிற்கும் .in, my என்பதுபோல் மாறினால் அதுவும்கூட ஒரு வகையில் நன்மைக்கே...
காரணம், இப்போதெல்லாம் நிறைய சர்ச்சைக்குரிய வலைப்பதிவுகள் நிறைய வந்துவிட்டது. அது எந்த நாட்டில் இருந்து இயங்குகிறது அல்லது பதியப்பட்டிருக்கிறது என்று தெரிந்துவிட்டால் நன்றாக இருக்கும். ஏதோ ஒரு நாட்டில் இருக்கும் நண்பர்களை நாம் குற்றம் சொல்ல வேண்டிய அவசியமும் இருக்காது.

ஆனால், இதனால் தமிழ்மணம் திரட்டிக்குத்தான் அதிக வேலை. தமிழ்மணத்தில் மீண்டும் ஒரு முறை அங்கீகாரம் வாங்கவேண்டும். மற்ற திரட்டிகளுக்கு இந்த பிரச்சினையில்லை. தமிழ்மணம் blog traffic rank 1, 2, 3, என்று போட்டுக்கொண்டவர்கள் இனி கடைசி எண்ணிலிருந்து துவங்க வேண்டும். அதேபோல்தான் அலெக்சா ரேங்கும்....
மேலதிக விபரங்களுக்கு...இங்கே கிளிக்செய்யவும்.

==================
உலவு வாக்குப்பட்டை எலவு வாக்குப்பட்டையானதால் அதை தற்காலிகத்திற்கு நீக்கி வைத்துள்ளேன்.

முடிந்தது எம்.ஜி.ஆர்., கதை........

2012-01-30T13:10:00.002+05:30

முந்தைய பாகங்கள் 1, 2, 3, 4, 5, 6,7,

காங்கிரசோடு அண்ணா.தி.மு.க., கூட்டணி அமைத்தது. நாடாளுமன்றத் தேர்தலுடன் தமிழக சட்டமன்றத்தேர்தலும் நடத்தப்படும் என்று எதிர்பார்த்தார் எம்.ஜி.ஆர்.
ஆனால், நாடாளுமன்றத்திற்கும் மட்டுமே தேர்தல் அறிவிக்கப்பட்டது. எம்.ஜி.ஆர்., ஏமாற்றம் அடைந்தார். இருந்தாலும் மனம் தளராமல் கூட்டணி அமைக்கும் முயற்சியில் ஈடுபட்டார். இந்திய கம்யூனிஸ்டும் எம்.ஜி.ஆரின் கூட்டணிக்கு வந்தது.
அண்ணா.தி.மு.க.,கூட்டணியில்,

அண்ணா.தி.மு.க = 20 இடங்களிலும்
இந்திரா காங்கிரஸ் = 16 இடங்களிலும்
இ.கம்யூனிஸ்ட் = 3 இடங்களிலும் போட்டியிட்டது.

தி.மு.க.,கூட்டணியில்
தி.மு.க = 19 இடங்களிலும்
ஜனதா =18 இடங்களிலும்
மார்க்சிஸ்ட் கம்யூனிஸ்ட் = 2 இடங்களிலும் போட்டியிட்டது.

இதில்
அண்ணா.தி.மு.க = 18 இடங்களிலும்
இந்திரா காங்கிரஸ் = 14 இடங்களிலும்
இ.கம்யூனிஸ்ட் = 3 இடங்களிலும் வெற்றிபெற்றது.

தி.மு.க.,கூட்டணியில்
தி.மு.க = 1 இடத்திலும்
ஜனதா = 3 இடங்களிலும் வெற்றிபெற்றது.
தி.மு.க.சார்பில் வடசென்னையில் போட்டியிட்ட ஏ.வி.பி. ஆசைத்தம்பி மட்டுமே வெற்றிபெற்றார் என்பது குறிப்பிடத்தக்கது.

அதேநேரம் இந்திய அளவில் ஜனதா கட்சிக்கு 269 இடங்களும், காங்கிரசுக்கு 152 இடங்களும் வெற்றிபெற்றது.
தமிழகத்தில் அதிக இடங்களை பிடித்தும் அண்ணா.தி.மு.க,விற்கு உபயோகமில்லை. மத்தியில் ஜனதாவே ஆட்சியமைத்தது.

அதைத்தொடர்ந்து தமிழக சட்டசபைக்கு ஜூன் 12, 14 என இருகட்டங்களாக தேர்தல் அறிவிக்கப்பட்டது.
கடந்த நாடாளுமன்றத்தேர்தல் கூட்டணி இப்போது மாறியிருந்தது. கடந்த தேர்தலில் தி.மு.க.,கூட்டணியில் இருந்த மார்க்சிஸ்ட் கம்யூனிஸ்ட் இப்போது அண்ணா.தி.மு.க.,கூட்டணிக்கு இடம் பெயர்ந்தது. மிகப்பெரிய தோல்வியை சந்தித்த தி.மு.க.,வுடன் கூட்டணியை முறித்திருந்தது ஜனதா கட்சி.
இந்திய கம்யூனிஸ்ட் காங்கிரசுடன் தொடர்ந்தது.
தி.மு.க.,தனித்து போட்டியிட முடிவு செய்தது. ஆனால், மணலி கந்தசாமி தலைமையிலான தமிழ்நாடு கம்யூனிஸ்ட் கட்சி தி.மு.க., வுடன் கூட்டணியில் இணைந்தது.
திராவிடர் கழகமும் தி.மு.க.,வை ஆதரித்தது. ஆக, மூன்றே மாதங்களில் காட்சி மாறியிருந்தது.

இதில் அண்ணா.தி.மு.க., கூட்டணியில்
அண்ணா.தி.மு.க., = 200 தொகுதிகளிலும்
மார்க்சிஸ்ட் கம்யூனிஸ்ட் = 20 தொகுதிகளிலும் இதர கட்சிகள் 14 இடங்களிலும் போட்டியிட்டது.

தி.மு.க.,கூட்டணியில்
தி.மு.க.= 230 தொகுதிகளிலும்
தமிழ் நாடு கம்யூனிஸ்ட் கட்சி = 4 இடங்களிலும் போட்டியிட்டது.

காங்கிரஸ் கூட்டணியில்
காங்கிரஸ் = 198 இடங்களிலும்
இ.கம்யூனிஸ்ட் = 32 தொகுதிகளிலும் போட்டியிட்டது

அதே நேரம் மத்தியில் ஆளுங்கட்சியாக இருந்த ஜனதா கட்சி 233 தொகுதிகளிலும் போட்டியிட்டது.

தேர்தல் நடந்து முடிவுகள் அறிவிக்கப்பட்டது.
அண்ணா.தி.மு.க = 130 இடங்களை பிடித்து அபார வெற்றிபெற்றது. அந்த கூட்டணியில் இருந்த மார்க்சிஸ்ட் கம்யூனிஸ்ட் 12 இடங்களில் வென்றது.

தி.மு.க., = 48 இடங்களை பிடித்து எதிர்கட்சி வரிசையில் அமர்ந்தது.
காங்கிரஸ் = 27 இடங்களை பிடித்தது. அந்த கூட்டணியில் இருந்த இ.கம்யூனிஸ்ட் = 5 இடங்களை பிடித்திருந்தது. ஆனால், அனைத்து தொகுதியிலும் போட்டியிட்ட ஜனதா கட்சிக்கு 10 இடங்களே கிடைத்தது. 120 தொகுதிகளில் டெபாசிட் இழந்திருந்தது. பார்வார்டு பிளாக், முஸ்லிம்லீக் ஆகிய கட்சிகளுக்கு தலா ஒரு இடம் கிடைத்தது.

கடந்த சட்டசபைதேர்தலில் பரங்கிமலை தொகுதியிலிருந்து தி.மு.க.,சார்பில் போட்டியிட்டு வென்ற எம்.ஜி.ஆர்., இப்போது அண்ணா.தி.மு.க.சார்பில் அருப்புக்கோட்டை தொகுதியில் போட்டியிட்டு 43065 வாக்குகள் பெற்று வென்றிருந்தார்.

1977-ஆம் ஆண்டு ஜூன் 30- ஆம் தேதி தமிழக முதல்வராக எம்.ஜி.ஆருக்கு பதவி பிரமாணம் செய்துவைத்தார் ஆளுனர் பிரபுதாஸ் பட்வார். முதல்வரான எம்.ஜி.ஆர்.,
காவல்துறை, சுகாதாரம், தொழில் துறையை தன்வசமே வைத்துக்கொண்டார்.
அவருடன் அமைச்சர்களாக பொறுப்பேற்றுக்கொண்டவர்களின் பட்டியல்

பெயர்	இலாகா
நாஞ்சில் மனோகரன்	நிதி
நாரயணசாமி முதலியார்	சட்டம்
ஜி.ஆர்.எட்மண்ட்	உணவு
பன்ரூட்டியார்	பொதுப்பணி
ஆர்.எம்.வீரப்பன்	செய்தி, விளம்பரம்
அரங்கநாயகம்	கல்வி
காளிமுத்து	உள்ளாட்சி
சௌந்தரபாண்டியன்	தாழ்த்தப்பட்டோர் நலம்
எஸ்.ராகவானந்தம்	தொழிலாளர் நலம்
பொன்னையன்	போக்குவரத்து
பி.டி.சஸ்வதி	சமூக நலம்
ப.குழந்தைவேலு	விவசாயம்
ராஜா முகம்மது	கைத்தறி
முனுஆதி	சபாநாயகர்
எஸ்.திருநாவுக்கரசு	துணை சபாநாயகர்

இத்துடன் முற்றும்.

இது எம்.ஜி.ஆர்., தி.மு.கவிலிருந்து விலகி, ஆட்சியை பிடித்தவரை நடந்த வரலாற்றின் சுருக்கம். நண்பர் செங்கோவி கேட்டதற்கினங்க இது தொகுக்கப்பட்டது.

பிரபுதேவா- நயந்தாரா பிரிஞ்சுட்டாங்களாமே......

2012-01-29T10:59:00.001+05:30

வாய்யா.....என்ன ஏதோ பரபரப்பா செய்தி கொண்டுவருகிறதுபோல தெரியுது?

ஒன்னுமே இல்லப்பா....

என்ன ஒன்னுமே இல்லேங்கறே..... நயனும் பிரபு தேவாவும் பிரிஞ்சுட்டதா சேதி வருதே?

அட...அவங்க பிரிஞ்சா என்ன? சேர்ந்தா என்ன இதையெல்லாம் பார்க்கறதுதான் நம்ம் வேலையா?

இல்லேப்பா...சும்மா கேட்டேன்....

இதெல்லாம் சினிமாக்காரங்கட்ட சகஜம்பா...இதைப்பார்த்தா நம்ம பொழப்பு ஓடாது....

சரி...சரி... நீ என்னவோ புத்தக கண்காட்சிக்கு போனத ரெண்டு பாகமா போட்டிருந்தியே....அதோட நிறுத்திட்ட....அடுத்த பாகம் எப்போ?

அதை நான் மறந்தே போயிட்டேன்பா.....நல்ல வேளையா ஞாபகப்படுத்தினே....

அதுவும் இரண்டாம் பாகத்துல பெரிய சவால் கிவால்ன்னு சஸ்பென்செல்லாம் வச்சிருந்தே?

அது சும்மா பிலடப்புக்குப்பா....

அப்படினா...சவால் ஏதும் இல்லையா?

இல்லேப்பா.....சிராஜ் புக் வாங்கினானா?

எந்த சிராஜ்?

அந்த டீக்கடை பதிவ்ருப்பா...வடைபஜ்ஜிலாம் விற்பானே?

அவரு சென்னையில டீக்கடை வச்சிருக்காரா?

விளங்கிரும்....அவன் வலைப்பதிவோட பேருதான் டீக்கடை....அவன் வேலை செய்யறது சாஃப்ட்வேர் இஞ்சினியரா?

அப்படியா...சரி சரி மேலே சொல்லு?

புத்தக கண்காட்சியில் நிறைய புக் வாங்கினான்பா....அந்த புக்கே மூணு பேக் வந்திருச்சுன்னா பார்த்துக்கவே?

என்ன மூனு பேக்கா....அப்படினா வளைச்சு வளைச்சு வாங்கினாருன்னு சொல்லு

ஆமாப்பா...அதெல்லாம் 11000 ரூபாய் பில் வந்துடுச்சு....

சிராஜ் வாங்கிய புத்தகங்களில் ஒரு பகுதி

அப்ப சரிதான். சரி அடுத்து....

அவ்வளவு புக்கையும் எப்படி கொண்டு போறதுன்னு எனக்கு ஒரே கவலையா போச்சு..

இருக்காதா பின்னே....

நம்ம மெட்ராஸ் பவன் சிவக்குமாரும், பிலாசபி பிரபாகரனும் என்னை கிண்டல் பன்ன ஆரம்பிச்சுட்டாங்க

எதுக்கு?

ஏன்னா... நாங்க போனது பைக்கில...சிராஜ் நிம்மதியா பைக் ஓட்டிக்கு போவான். பின்னாடி உட்கார்ந்திருக்க நாந்தானே எல்லா பேக்கையும் பத்திரமா வச்சிக்கனும்....

அதைத்தான் போன பாகத்துல் சவால்ன்னு சொன்னியோ

அதே....

அப்புறம்?

அப்புறமா? அதை வீடு போய் சேர்க்கறதுக்குல போதும் போதும்ன்னு ஆச்சு.... முதுகுல ஒரு பேக்கை மாட்டிக்கிட்டேன். ரெண்டு கைலையும் ரெண்டு பேக் வச்சுக்கிட்டேன். தோள் கடுமையா வலிக்க ஆரம்பிச்சுருச்சு...சும்மாவா ஒரு இருபது கிலோமீட்டர் தூரம் அப்படியே தூக்கிட்டு போகனுமே....

ரொம்ப பெரிய சவால்தான். அப்புறம்?

வீடு போய் சேர்ந்ததுதான் நிம்மதி.

அதுசரி..... அங்கே சென்னைபித்தன் அய்யாவா பார்த்ததா அவரு ஒரு பதிவில் சொல்லியிருந்தாரே?

ஆமாப்பா.... அடுத்த நாள் நான் ஊருக்கு கிளம்பனும்...அதற்கிடையில் அவரையும் பார்க்கலாம்ன்னு நினைச்சேன். ஆனா போன் நம்பர் இல்லை. பிரபாகரன்கிட்ட கேட்டேன். அவரு மேதை படம் பார்த்துக்கு இருந்திருப்பார் போல....இருந்தாலும் போன் நம்பர் கொடுத்தாரு...அதை வாங்கி சென்னை பித்தன் அய்யாவை தொடர்புகொண்டு பேசிட்டு மதியம் அவரை பார்க்க வருவதாக சொன்னேன். அதைப்போல் நானும் சிராஜும் போய் பார்த்தோம். ஒரு கால் மணி நேரம்தான் பேசிட்டு இருந்தோம். அது ஒரு இனிமையான சந்திப்பு.

அடுத்து யாரையும் பார்க்கலியா?

நேரம் இல்லைப்பா.....அன்னிக்கு நைட்டே கிளம்பி ஊருக்கு வந்துட்டேன்.

அடுத்த பாகத்துல இதையெல்லாம் எழுதிடுவியா?

எழுதுறதா? அதான் உங்கிட்ட சொல்லிட்டேன்... இனிமே அதை தனியாவேற சொல்லனுமா?

வேற ஏதும் விஷேசம்?

ஒன்னும் இல்லைப்பா....

அப்படின்னா...இதை சொல்லத்தான் வந்தியா?

அப்படித்தான் வச்சுக்கவே....

இந்த அரசியல்வாதிகளுக்காகத்தான் இந்தப்பாடலோ?............

2012-01-28T10:49:00.002+05:30

.

இப்போதுள்ள சூழ் நிலையில் இந்தப்பாடல்கள் தான் இவர்களுக்கு பொருந்தும் என்றே நினைக்கிறேன்.

சசிகலா: குற்றம் புரிந்தவன் வாழ்க்கையில் நிம்மதி

ராவணன்: ஆடாதடா ஆடாதடா மனிதா ரொம்ப ஆட்டம் போட்டா அடங்கிடுவே மனிதா

திவாகரன்: கண்ணாமூச்சி ரே...ரே... கண்டுபிடி ரே...ரே...

நடராஜன்: எங்களுக்கும் காலம் வரும் காலம் வந்தால் வாழ்வு வரும்

ஜெயலலிதா: இன்னும் எத்தனை காலம் தான் ஏமாற்றுவார் இந்த நாட்டிலே

மன்மோகன் சிங்: உள்ளம் என்பது ஆமை, அதில் உண்மை என்பது ஊமை.

ப.சிதம்பரம்: சொல்லாதே யாரும் கேட்டால் சொன்னால் அதை தாங்க மாட்டார்

ஆ.ராசா: ராஜா என்பார், மந்திரி என்பார் ராஜியம் இல்லை ஆள....

மந்திரி- எந்திரி- மீண்டும் மந்திரி- ஜெயாவின் சடுகுடு.....

2012-01-27T11:22:00.001+05:30

இங்கு வருகைதரும் அண்ணன் அவர்களை வருக...வருக...என்று வரவேற்கிறேன்

ஆஹா....வரவேற்பெல்லாம் பலமா இருக்கே....என்ன விஷயம்?

ஒரு விஷயமும் இல்லை. சும்மாதான். சரி..எங்கே போனீங்க ஆளையே காணலை

ரெண்டு மூணு நாளா என் ஃபிரண்டோட ஊர் சுத்தப்போயிட்டேம்பா...அதான்.

உங்களுக்கென்னண்ணே.... நீங்கள்லாம் மந்திரி மாதிரி...ஜாலியா இருக்கலாம்...

யோவ்..யாருய்யா சொன்னது மந்திரின்னா ஜாலியா இருக்கலாம்னு....மந்திரியா இருக்கவங்களுக்குத்தான் அந்த பயம் தெரியும். அது தலைக்கு மேல தொங்குற கத்தி மதிரின்னு

என்ணண்ணே...கோபப்படுறீங்க?...

பின்னே என்னய்யா....பாவம் நம்ம மந்திரிகளெல்லாம் எப்ப யாருக்கு மந்திரிப்பதவி போகுமோன்னு பயந்து போய் இருக்காங்க....

அப்படின்னா.... நித்திய கண்டம்..பூரண ஆயுசுன்னு சொல்லுங்க....

நீ சொல்றதுல ஒரு பாதி உண்மை.அதாவது நித்திய கண்டம் தான் ஆனா, பூரண ஆயுசில்லை. அல்பாயுசு....மந்திரி பதவிகளுக்கு... நேத்துக்கூட ரெண்டுபேரை நீக்கி, ரெண்டுபேரை சேர்த்திருக்காங்க ஜெயலலிதா....

ஆமாம்...காலைல நியூஸ்ல சொன்னாங்க...எதுக்கு இப்படி?

யாருக்குத்தெரியும்?...எல்லாம் ஜெயாவுக்குத்தான் வெளிச்சம். அவங்க மந்திரிசபை...உக்காருன்னா மந்திரி...எந்திரின்னா மாஜி

அதுக்காக இப்படியா? எட்டுமாசத்துக்கு ஏழுதடவை மாத்துவாங்க? சிவபதிய மூனு மாசத்துக்கு முன்னாடித்தான் பதவிலேர்ந்து தூக்கினாங்க...இப்ப மறுபடியும் சேர்த்திருக்காங்க....இது எத்தனை நாளைக்கோ?

எல்லாம் அவங்க இஷ்டம்....இதுல நம்ம என்ன கேக்கறது?

இதுமாதிரி மக்களுக்கும் ரீகால் வசதி இருந்தா எப்படி இருக்கும்?

என்ன ஆறுமாசத்துக்கு ஒரு முதலமைச்சரை மாற்றி மாற்றி விளையாடலாம். அதுக்குத்தான் நமக்கு கொடுப்பினை இல்லையே....

அதுசரி....இந்த அக்ரி கிருஷ்ணமூர்த்திய போன வாரம்தானே இலாகா மாத்துனாங்க...இப்ப டிஸ்மிஸ் பன்னிருக்காங்களே...இதை போனவாரமே செஞ்சிருக்கலாமே?

செஞ்சிருக்கலாம் தான். நம்ம கவர்னர் சும்மாதானே இருக்கார். வாராவாரம் வேலை வைப்பமேன்னு இப்படி பன்றாங்க போல...

கவர்னருக்கு நல்ல வேலைதான் கொடுத்திருக்காங்க....

அனைவரும் அறிந்துகொள்ள வேண்டிய குடியரசு தகவல்கள்

2012-01-26T10:13:00.001+05:30

1947 இல் இந்தியா சுதந்திரம் அடையும்வரை ஆங்கிலேயர்கள் தங்களுக்கு சாதகமாக அமைத்திருந்த சட்டங்களே இந்தியாவின் சட்டங்களாக இருந்தது. அதன்பின் இந்தியாவைக் குடியரசு நாடாகப் பிரகடனம் செய்வதற்காக இந்திய அரசியல் சட்டத்தை உருவாக்குவதில் இந்திய அரசு ஈடுபட்டது. அதற்காக அரசியல் நிர்ணய சபை அமைக்கப்பட்டது.

புதிய அரசியல் சட்டத்தைத் தயாரிக்கும் பொறுப்பு டாக்டர் அம்பேத்காரிடம் ஒப்படைக்கப்பட்டது.

டாக்டர் அம்பேத்கார் உருவாக்கிய அரசியல் சட்டத்தை 1949 நவம்பரில் அரசியல் நிர்ணய சபை அங்கீகரித்தது. அதன்படி 1950 ஜனவரி 26 முதல் இந்தியா குடியரசு நாடாகியது. இந்தியக் குடியரசின் முதல் ஜனாதிபதியாக கவர்னர் ஜெனரல் ராஜாஜி பொறுப்பேற்க வேண்டும் என்று நேரு விரும்பினார். ஆனால் இந்தி பேசும் மாநிலங்களைச் சேர்ந்த தலைவர்கள் இதை எதிர்த்தனர். 1942 இல் நடைபெற்ற வெள்ளையனே வெளியேறு இயக்கத்தை ராஜாஜி எதிர்த்தார். எனவே அவரை ஜனாதிபதி ஆக்கக்கூடாது என்று அவர்கள் கூறினார்கள்.

1942 இல் பாகிஸ்தான் பிரிவினை கோரிக்கையையையும் ராஜாஜி ஆதரித்தார். இதைக் காங்கிரஸ் எதிர்த்ததால் காங்கிரஸ் நடத்திய போராட்டங்களில் கலந்து கொள்ளாமல் ராஜாஜி விலகி இருந்தார். இதன் காரணமாக ராஜேந்திர பிரசாத் இந்தியாவின் முதல் ஜனாதிபதியாகப் பதவி ஏற்றார். கவர்னர் ஜெனரல் என்ற பதவி அன்றுடன் முடிவடைந்தது.

இந்தியா சந்தித்த குடியரசுத்தலைவர்கள்

1)டாக்டர் ராஜேந்திர பிரசாத் - 1950-1962

2)டாக்டர் ராதாகிருஷ்ணன் - 1962-1967

3)டாக்டர் ஜாகிர் ஹுசேன் - 1967-1969

4)வி.வி.கிரி - 1969( மே மாதத்திலிருந்து ஜூலை வரை தற்காலிகமாக)

5)ஹிதாயத்துல்லாஹ் 1969( ஜூலை லிருந்து ஆகஸ்ட் வரை

தற்காலிகமாக)

6)வி.வி.கிரி - 1969-1974

7)பகுருதீன் அலி அஹமத் 1974-1977

8)பி.டி. ஜாட்டி - 1977 ( பிப்ரவரியிலிருந்து ஜூலை வரை தற்காலிகமாக)

9)நீலம் சஞ்சீவ ரெட்டி - 1977-1982

10)கியானி ஜெயில் சிங் - 1982- 1987

11)ஆர்.வெங்கட்ராமன்- 1987-1992

12)டாக்டர் சங்கர் தயாள் சர்மா - 1992-1997

13)கே.ஆர்.நாராயணன் - 1997-2002

14)டாக்டர் ஏ.பி.ஜெ.அப்துல் கலாம்- 2002-2007

15)பிரதீபா பாட்டில் - 2007 -(ஜூலையிலிருந்து)

வரும் தேர்தலுக்குள் உலகம் அழிந்துவிடும்- டாக்டர் ராமதாஸ் சூசகம்......

2012-01-23T13:46:00.001+05:30

நேற்று வெளிவந்த நக்கீரனில் மருத்துவர் ராமதாசிடம் கேட்கப்பட்ட கேள்வியும், அதற்கான பதிலையும் படித்ததிலிருந்து ஒரே மரண பயம் என்னை ஆட்கொண்டுள்ளது... 
வரும் நாடாளுமன்றத்தேர்தலுக்குள் உலகம் அழிந்து விடுமோ என்ற அச்சத்தில் நேற்று இரவு தூக்கமே வரவில்லை. அப்படி என்ன சொல்லிவிட்டார் ராமதாஸ்...இப்படி பயப்படும் அளவிற்கு என்று கேட்கறீங்களா? கீழே படிங்க புரியும்....

ராமதாசிடம் கேட்கப்பட்ட கேள்வி: திராவிட கட்சிகளுடன் இனி கூட்டணி இல்லை என பா.ம.க., பகிரங்க படுத்துவது பிரசவ வைராக்கியம் போல் இருப்பதாகவும், தேர்தல் வந்தால் திராவிட கட்சிகளுடன் கூட்டணி வைக்கிற நிலையிலேயே பா.ம.க.,வின் பலம் இருப்பதாகவும் அரசியல் ஆலோசகர்களால் விமர்சிக்கப்படுகிறதே?

ராமதாசின் பதில்: கார்(மேகம்) உள்ளளவும், கடல் நீர் உள்ளளவும், பார்(உலகம்) உள்ளளவும், பைந்தமிழ் உள்ளளவும், பா.ம.க.,எடுத்த முடிவில் இனி மாற்றம் இருக்கப்போவதில்லை. திராவிட கட்சிகளுடன் கூட்டணி இல்லை என்பது காலம் இட்ட கட்டளை.

இனி நான்: இப்போது சொல்லுங்கள், தேர்தல் வருவதற்குள் உலகம் அழிந்துவிடும்தானே......

=============================

சென்னையை சேர்ந்த சாந்தவேல் என்பவர் கேரளாவிற்கு சென்றபோது மலையாளிகள் அவர் மீது வெண்ணீர் ஊற்றி கொலை செய்தார்கள். அவரின் உடலை வலுக்கட்டாயமாக ஆம்புலன்ஸில் ஏற்றிய போலிசார் அம்பத்தூர் மின்சார சுடுகாட்டில் தகனம் செய்துள்ளார்கள் என்ற செய்தியை படித்ததும் என் மனதில் தோன்றிய ஒரு ஜோக்....( நான் ஜோக் என்று சொல்லியதால் மன்னிக்கவும்... வேறு வழி இல்லாமல் இதை ஜோக் என்று குறிப்பிட்டுள்ளேன்).

அந்த போலீஸ் ஸ்டேசன் முன்பு எதுக்கு பிணத்தைப்போட்டு போராட்டம் நடத்தறாங்க? லாக்கப் மரணமா?

அதெல்லாம் இல்லை. இப்பல்லாம் போலீசே பிணத்தை எரிக்கறதால் இந்த அனாதை பிணத்தையும் அவங்களையே எரிக்க சொல்லி போராடுறாங்க...

======================

மேதைக்கு அழைத்த மாமேதைகளிடமிருந்து நான் தப்பிய கதை(புத்தக கண்காட்சி பாகம்-2)......

2012-01-20T09:57:00.004+05:30

இந்த கட்டுரையின் முதல்பாகத்தை படிக்க இங்கே போங்க....

பாலகுமாரனிடம் கேள்விகேட்கும் சிவா

பாலகுமாரனை நெருங்கிய சிவா அந்த வரலாற்று சிறப்புமிக்க கேள்வியை கேட்டார்.
"சார் நீங்க ஜென்டில்மேன் படத்துக்கு வசனம் எழுதி இருந்தீங்க. எனக்கு ஒரு சின்ன சந்தேகம். டிக்கிலோனா, ஸ்பூன்லிங்...அதெல்லாம் கூட நீங்க எழுதுனதா? இல்ல கவுண்டமணி - செந்திலுக்கு ட்ராக் எழுதுற வீரப்பன் எழுதுனதா?" என்று கேட்டார்.

அதற்கு பாலகுமாரன்,
”நாந்தான் எழுதனேன். நிறைய பேர் என்னை சீரியசான ஆளுன்னு நெனைக்கறாங்க. அப்படி இல்ல. நான் ஜாலியான ஆள்தாம்பா" என்று பதில் சொன்னதாக சிவா சொன்னார். ஆனால், அவர் முகம் வெளிறியிருந்தது. பாலகுமாரன் அந்த பதிலைத்தான் சொன்னாரா? அல்லது வேறேதும் சொன்னாராவென்று சிவாவிற்குத்தான் வெளிச்சம். ஆனால், அவர் அப்படித்தான் பதில் சொன்னதாக சிவா சொன்னார். நாங்களும் நம்பிட்டோம்.

ஞாநியும், மனுஷ்யபுத்திரனும்

அப்படியே அடுத்த வரிசைக்கு வந்தோம். அங்கு ஞாநியும், மனுஷ்யபுத்திரனும் எழுத்தாளர் வாசகர் கலந்துரையாடலில் இருந்தனர். நமக்குத்தான் இலக்கியத்தில் ஒரு எலவும் தெரியாதே...அப்புறம் எந்த லட்சனத்தில் அவர்களிடம் கெள்வி கேட்பது? அப்படியே ஜூட் விட்டேன்.

ஆட்டோகிராப் போடும் கேபிள்

அடுத்ததாக டிஸ்கவரி புக் பேலஸ் போனோம். அங்கே கேபிள் சங்கர், தான் எழுதிய புத்தகங்களை வாங்கிய வாசகர்/ரசிகர்களுக்கு ஆட்டோகிராப் போட்டு தந்தபடியே இருந்தார். அவரை சுற்றி அவரது ரசிகர்கள் மொய்த்தபடி இருந்தார்கள்.( கேபிள் சார்.... நீங்க சொன்னபடியே எழுதிட்டேன். திருப்தியா?) அத்துடன் மின்னல்வரிகள் கணேஷ் சார் விடைபெற்றார்.


புத்தக வெளியீடெல்லாம் இல்லேங்க...சும்மா ஒரு விளம்பரம்.

சிவா, நான், கேபிள், பிரபா,சிராஜ்

பின்னர், நான், சிராஜ், சிவா, பிரபா ஆகியோர் கேபிளின் புத்தகங்களை கையில் வைத்துக்கொண்டு அவரோடு புகைப்படம் எடுத்துக்கொண்டோம். டிஸ்கவரி புக் பேலசில் புத்தகம் வாங்கவந்த கூட்டத்தை விட எங்கள் கூட்டமே மிகுதியாக இருந்தது. நல்லவேளையாக டிஸ்கவரி ஓனர் வேடியப்பன் அவர்கள் கேடியப்பனாக மாறி எங்களை திட்டவில்லை.

இவர்தான் அண்ணன் வேடியப்பன்

அப்படியே கேபிளுடன் கிழக்கு பதிப்பகம் சென்று சில புத்தகங்களை வாங்கினோம். கேபிளுடன் சென்றதும் ஒருவகையில் நல்லதாக போய்விட்டது. அவருக்கு கிழக்கில் 30 சதவீதம் தள்ளுபடியாம். அவருடன் சென்றதால் அந்த தள்ளுபடி எங்களுக்கும் கிடைத்தது.

புத்தகம் அடுக்கும் சிராஜும், மேதை ஸ்டில் பார்க்கும் நானும்

இதற்கிடையில் நிறைய ஸ்டால்களில் சிராஜ் வாங்கிய புத்தகங்களை ஒரு கடையில் சேமித்துவைத்திருந்தான். அதையெல்லாம் எடுப்பதற்காக அங்கு சென்றோம். நீண்ட நேரம் நடந்ததால் கால் கடுக்க ஆரம்பித்தது, அசதியாகவும் இருந்தது. அங்கிருந்த ஒரு சேரில் அக்கடா என்று உட்கார்ந்தேன். அங்கு கிடந்த ஏதோ ஒரு மாலை பேப்பரை புரட்டினேன். அதில் ராமராஜனின் மேதை பட விளம்பரம் இருந்தது. அதை பார்த்தேன். வந்தது விணை.

நான் பார்த்த நேரத்தில் அதைப்பார்த்த ராமராஜன் ரசிகர் மன்றத்தின் அறிவிக்கப்படாத தலைவர் சிவாவும், கொள்கை பரப்பு செயலாளர் பிரபாவும் நாளைக்கு இந்த படத்திற்கு போவோம் என்று என்னை அழைத்தார்கள். இந்த இடத்தில் ஒரு பிளாஷ்பேக்.....

கடந்த முறை நான் சென்னை வந்து சிவாவையும், பிரபாவையும் சந்தித்தபோது, அப்போது வெளியாகியிருந்த உலக சினிமாவான பொன்னர் சங்கருக்கு கதற கதற என்னை அழைத்துப்போய்விட்டார்கள். அப்போது நான் அவர்களுக்குஎந்தக் கெடுதலும் செய்யாமலேயே பழி வாங்கப்பட்டேன்.(கடந்த ஆண்டு நான் பார்த்த ஒரே சினிமா பொன்னர் சங்கர் மட்டும்தான். அந்த படம்பார்த்த அதிர்ச்சியிலேயே நான் வேறு படத்திற்கு போகவேயில்லை. அந்த படத்தின் விமர்சனம் படிக்க இங்கே போகவும். நான் எழுதிய ஒரே சினிமா விமர்சனமும் அதுதான்).

இப்போதும் விட்டகுறை தொட்டகுறையாக, மீண்டும் ஒரு பழிவாங்கும் படலத்தை ஆரம்பிக்க நினைத்தார்கள் பாவிகள். ஆனால், நான் பிடி கொடுக்கவேயில்லை. ஆரம்பத்தில் நீங்களும் வரவேண்டும் என்று கெஞ்சினார்கள். அது சரிப்பட்டு வரவில்லை என்றதும் நீங்கள் படம்பார்க்க வரவில்லை என்றால் சென்னையிலிருந்து ஊருக்கு உயிரோடவே போகமுடியாது என்று மிரட்ட ஆரம்பித்து விட்டார்கள். படம்பார்க்க வராவிட்டால் மட்டுமல்ல, படம் பார்க்க வந்தாலும், நான் சென்னையிலிருந்து ஊருக்கு உயிரோடு போக முடியாதுதான் என்றேன் அச்சத்துடன். பிறகு என்ன நினைத்தார்களோ தெரியவில்லை. பாவம் போனால் போகட்டும் என்று விட்டுவிட்டார்கள்.

அதென்னவோ தெரியவில்லை. நான் சென்னை விஜயம் செய்து இவர்களை சந்திக்கும்போதெல்லாம் பொன்னர் சங்கர், மேதை போன்ற உலக சினிமாக்கள் வெளியாகிறது.

அதன்பின் ஒரு பெரிய சவால் எனக்காக காத்திருந்தது.

(தொடரும்)

புத்தக கண்காட்சியும் பொதி சுமந்த நானும்.....(பாகம்-1)

2012-01-19T13:20:00.003+05:30

புத்தக கண்காட்சியில் கலந்துகொள்ளுமாறு நண்பன் வடைபஜ்ஜி சிராஜின் அழைப்பையேற்று வெள்ளிக்கிழமை காலை சென்னையை வந்தடைந்தேன்.
வந்ததும் என்னிடம் இருந்த சென்னை நண்பர்களின் தொலைபேசி எண்ணுக்கு தொடர்புகொண்டேன். நான் சென்னை வந்திருக்கும் விஷயத்தைமுதலில் கே.ஆர்.பி. செந்திலிடம் சொன்னேன். மகிழ்ச்சி தெரிவித்த அவர் மாலை புத்தக கண்காட்சியில்தான் இருப்பேன் வாங்க சந்திக்கலாம் என்றார். அடுத்ததாக, மெட்ராஸ்பவன் சிவக்குமார், பிலாசபி பிரபாகரன் ஆகியோரிடம் பேசினேன்.

இன்று வெள்ளிக்கிழமை வேலை இருப்பதால் நாளை பார்க்கலாம் என்றார்கள். சரி, நாம் மட்டும் போவோம் என்று முடிவுசெய்து மாலை கிளம்பினோம். அரங்கை அடைந்தோம்.

அங்கு டிஸ்கவரி புக் பேலசில் நண்பர் கே.ஆர்.பி., கேபிள் சங்கர் ஆகியோர் இருந்தார்கள். . அப்போது கேபிள் நானே உங்களுக்கு போன் செய்ய நினைத்தேன். நீங்கள் வந்துவிட்டீர்கள் என்றார். ஏன் என்றேன் புரியாமல். வரும் வாரத்திலிருந்து யுடான்ஸ் நட்சத்திரமாக உங்களை தேர்வு செய்திருக்கிறோம். அதற்காக உங்களை பற்றிய விபரம் வேண்டும் என்றார். சரி என்று சொல்லி அதற்குறிய விதிமுறைகளை கேட்டுவிட்டு சில நிமிடங்கள் அவர்களிடம் உரையாற்றிவிட்டு புத்தக தேடலில் இறங்கினோம்.

சில புத்தகங்களை வாங்கிவிட்டு கிளம்பினோம். அடுத்த நாள் சனிக்கிழமை மீண்டும் அனைவரிடமும் தொடர்பு கொண்டு இன்று சந்திப்போம் என்று நேரம் குறித்தோம்.

இவர்தான் பிராப்ள பதிவர் வடைபஜ்ஜி சிராஜ்

அதன்பின் நண்பர் கவிதைவீதி சௌந்தரை தொடர்புகொண்டு கேட்டபோது, அவரும் வேடந்தாங்கல் கருனும் வருவதாக சொன்னார்.

மதிய உணவிற்கு பின் நானும் சிராஜும் கிளம்பி கண்காட்சி நடக்கும் இடத்தை அடைந்தோம். அங்கு மெட்றாஸ்பவன் சிவாவும் எங்களுடன் இணைந்துகொண்டார். கவிதைவீதி சௌந்தரை தொடர்புகொண்டபோது முகப்பில் புதிய தலைமுறை மேடை அருகில் நிற்பதாக சொன்னார். அங்கு போய் அவரையும், கருனையும் சந்தித்து உரையாற்றிக்கொண்டிருக்கும்போது ஓ மனிதா என்று ஒரு குரல், திரும்பிப்பார்த்தால் பிரபாகரன் நின்றிருந்தார்.

சௌந்தர்-கருன்

பிரபா-சௌந்தர்

அங்கு சிறிது நேரம் பொழுதுபோனது. சிவாவும், பிரபாவும் உள்ளே தீராத விளையாட்டு பிள்ளை ஆர்.வி.எஸ் அவர்கள் காத்திருப்பதாகவும் போய் பார்த்துவிட்டு வருகிறோம் என்று கிளம்பினார்கள்.

சிவா- ஆர்விஎஸ்

ஆர்.வி.எஸ்- பிரபாகரன்

நான், சிராஜ், சௌந்தர்,கருன் ஆகியோர் அங்கிருந்து கிளம்பி ஒரு டீ(மாதிரி) குடித்துவிட்டு அரங்கினுள் நுழைந்தோம். நான் சில புத்தகங்களை வாங்கினேன். சிராஜ் வளைத்து வளைத்து வாங்கினான். ஏறக்குறைய பத்தாயிறம் ரூபாயை தாண்டியது பில்.

கருன், சௌந்தருடன் நான்

அடுத்த சில நிமிடங்களில், சௌந்தரும்,கருனும் விடபெற்றார்கள். அடுத்ததாக எங்களுடன் இணைந்தார் மின்னல்வரிகள் கணேஷ் சார்.

பிரபா- கணேஷ்

பின் அவரோடு சுற்றிவந்தோம். அப்போது எழுத்தாளர் பாலகுமாரன் ஒரு ஸ்டாலில் உட்கார்ந்திருந்தார். அவரிடம் சிவா சில கேள்விகளை கேட்கவேண்டும் என்று முடிவு செய்தார்.

பாலகுமாரன்

அவர் கேட்க நினைத்த கேள்விகளில் வில்லங்கம் இருந்ததால் அய்யோ சிவாவிற்கு ஏன் இந்த விபரீத ஆசை என்று ஒருவர் முகத்தை ஒருவர் பார்த்துக்கொண்டோம். இருந்தாலும் சிவா தன் முடிவில் உறுதியாக இருந்ததால் மகனே உன் சமர்த்து என்று விட்டுவிட்டோம். சிவாவும் தைரியமாக பாலகுமாரனை நோக்கி முன்னேறினார்.

தொடரும்

நரேந்திரமோடி மீது சோ ராமசாமியின் கோபமும், ஜெயாவின் அவசரமும்......

2012-01-18T13:23:00.004+05:30

ஜெயலலிதா- சசிகலா பிரிவிற்கு பின் போயஸ் கார்டனில் எல்லாம் சோ மயமாகிவிட்டதாக சொல்கிறார்கள்.சசிகலாவின் இடத்தை பிடித்துக்கொண்டு கிட்டத்தட்ட ஜெயலலிதாவின் ஆலோசகராக சோ செயல்படுவதாகவே தெரிகிறது.

சமீபத்தில் நடந்த துக்ளக் விழாவில், பா.ஜ.க.,ஆட்சியமைக்க முடியாத பட்சத்தில் ஜெயலலிதாவை பிரதமராக்க வேண்டும் என்று தன் ஆசையை வெளிப்படுத்தியுள்ளார் சோ, அதுவும் அடுத்த பிரதமர் கனவில் மிதக்கும் மோடியை அருகில் வைத்துக்கொண்டே....இதைகேட்ட மோடி ரசித்திருப்பாரா? நெளிந்திருப்பாரா என்று அவருக்கே வெளிச்சம்.
ஒரு உறையில் இரு கத்தி எப்படி இருக்கமுடியும்?. நரேந்திரமோடி மீது சோவிற்கு அப்படி என்ன கோபமோ தெரியவில்லை. இல்லாவிட்டால் மோடியை பக்கத்தில் வைத்துக்கொண்டே இப்படி ஒரு குண்டை போடுவாரா சோ....

ஜெயாவை பிரதமராக பார்க்க சோ ஆசைப்படுவதில் தப்பில்லை. ஆனால், அதற்கு தமிழ்நாட்டிலிருக்கும் 39 எம்.பி.க்கள் மட்டும் போதுமா?. மற்ற மாநிலங்களில் இருப்பவர்கள் ஒத்துழைக்க வேண்டாமா?. முதலில் பி.ஜே.பி., ஒத்துழைக்க வேண்டுமே?. தமிழ் நாட்டிலும் அண்ணா.தி.மு.க.,விற்கு 39 எம்.பி.க்கள் மொத்தமாக கிடைக்குமா என்பதே சந்தேகமே.

பி.ஜே.பி.,யில் மோடியை தவிர யாருக்கும் ஜெயா மேல் நல்ல அபிப்ராயம் இருக்காதென்றே நினைக்கிறேன்.ஜெயாவிடம் கடந்த கால வரலாற்றில் இருந்து பாடம் கற்றிருப்பார்கள் வாஜ்பாயிம், அத்வானியும்..
யாருக்கும் செலெக்டிவ் அம்னீசியா இருக்காது.

ஒருவேளை இந்தியாவின் பிரதமராக ஜெயா வருவாரென்று என்று வைத்துக்கொள்வோம். என்ன பெரிதாக நடந்துவிடப்போகிறது?
கடந்த எட்டு மாதங்களாக மின்வெட்டு, பால், பஸ் கட்டணம் விலையேற்றம் என்று தமிழகத்தை கதறவைத்தது போல இந்தியாவையும் கதறவைப்பார் ஜெயா. தன் எம்.பி.க்கள் அனைவரையும் சுழற்சி முறையில் மத்திய அமைச்சராக்கி அழகுபார்ப்பார். இதை தவிர என்ன மாற்றம் நடந்து விடப்போகிறது?
ஆனால்,அப்படி ஜெயலலிதா பிரதமராக இருக்கும் பட்சத்தில் ஒன்று மட்டும் நிச்சயம்..... இந்தியாவின் ராஜகுருவாக சோ இருப்பார்.அதற்கு தானே ஆசைப்படுகிறார் சோ /////

----------------

நடைபெற இருக்கும் சங்கரன்கோவில் இடைத்தேர்தலில் அண்ணா.தி.மு.க.,வேட்பாளரை அறிவித்திருக்கிறார் ஜெயா.

கடந்த உள்ளாட்சி தேர்தலில் போட்டியிட்டு வென்ற சங்கரன்கோவில் நகராட்சி தலைவர் முத்துசெல்வி என்பவரை வேட்பாளராக்கி இருக்கிறார்.

யாரோடவாவது கூட்டணி வைத்திருந்தாலே அவர்களை மதிக்காமல் முந்திக்கொண்டு வேட்பாளரை அறிவிப்பது ஜெ ஸ்டைல். ஆனால், யாரிடமும் இப்போது கூட்டணி இல்லை என்பதால் சொல்லவும் வேண்டுமா?
தேர்தல் ஆனையம் இன்னமும் தேர்தல் தேதியை அறிவிக்காமல் இருக்கும்போதே இவ்வளவு அவசரம் காட்டியிருக்கிறார் ஜெ....

அதுசரி.....தேர்தல் ஆனையம் தேதியை அறிவித்து, வேட்புமனு தாக்கல் முடியும் முன் எப்படியும் ஒரு பத்துபேரையாவது வேட்பாளராக அறிவித்து வழக்கம்போல் மாற்றிவிடுவார் ஜெ.
அதற்கு இப்போதிலிருந்தே ஆரம்பித்தால் தானே சரியாக இருக்கும்?

எம்.ஜி.ஆரும் ’பச்சை’யும்.....

2012-01-17T12:40:00.002+05:30

முந்தைய பாகங்கள் 1, 2, 3, 4, 5, 6

எமர்ஜென்சியை அறிவித்த இந்திராகாந்தி மாநில கட்சிகளை தடை செய்யப்போவதாக ஒரு செய்தி அல்லது வதந்தி பரவியது. உடனே சுதாரித்த எம்.ஜி.ஆர்., அண்ணா.தி.மு.க.,என்ற கட்சியை அனைத்திந்திய அண்ணா.தி.மு.க., என்று மாற்றம் செய்து தேசிய கட்சியாக அறிவித்தார்.

அடுத்ததாக தன் கட்சியினர், வேறு கட்சிக்கு செல்லாமல் தடுக்க ஒரு உத்தியை கையாண்டார். தன் கட்சியினர் அனைவரும் அண்ணா.தி.மு.க.,கொடியை தன் கையில் பச்சை குத்திக்கொள்ளுமாறு கட்டளையிட்டார். தொண்டர்கள் ஆர்வத்துடன் பச்சை குத்திக்கொள்ள முன்வந்தாலும், இரண்டாம் கட்ட தலைவர்களுக்கு அது பிடிக்கவில்லை. குறிப்பாக,
ஆர்.எம்.வீரப்பன், ஹண்டே, கோவை செழியன் போன்றோர்களுக்கு அறவே பிடிக்கவில்லை. தங்களை ஆலோசிக்காமல் கட்சியின் பெயரையும் மாற்றிவிட்டார். இப்போது பச்சை குத்திக்கொள்ளவும் சொல்கிறார் எம்.ஜி.ஆர்., என்று புகைச்சல் கிளம்பியது. இதை எம்.ஜி.ஆரிடம் கேட்டே விட்டார் ஆர்.எம்.வீ.,

உடனே, கடுப்பான எம்.ஜி.ஆர்., யாரைக்கேட்டு புது கட்சி துவங்கினேன்? யாரைக்கேட்டு அண்ணா.தி.மு.க., என்று பெயரிட்டேன்? இப்போது கட்சியின் பெயரை மாற்றினேன், பச்சை குத்திக்கொள்ள சொல்கிறேன்.இதற்கு மட்டும் யாரை கேட்கவேண்டும்? இந்த கட்சியை எப்படி நடத்துகிறேன், கட்சி நடத்த எப்படி சிலவு செய்கிறேன்? என்று யாராவது என்னிடம் கேட்டிருக்கிறார்களா? இப்போது மட்டும் கேட்கிறார்கள். இதையெல்லாம் யாரும் என்னிடம் கேட்கவில்லை. இப்போது,நானும் யாரிடமும் கேட்க தேவையில்லை என்று சூடாக பதிலடி கொடுத்தார்.

ஆனாலும், புகைச்சல் அடங்கவில்லை. கோவை செழியன், ஜி.விஸ்வனாதன், விருதுநகர் சீனிவாசன் போன்றோர் எம்.ஜி.ஆருக்கு ஒரு கடிதம் எழுதினார்கள்.
பச்சை குத்திக்கொள்வதென்பது பகுத்தறிவிற்கு எதிரானது. பச்சை குத்துவதால் சில நோய்கள் வரக்கூடும் என்று மருத்துவம் சொல்கிறது. இஸ்லாம், பவுத்தம், கிறிஸ்துவம் போன்ற மதங்களில் பச்சை குத்தக்கூடாது. பச்சை குத்துவதென்பது சுதந்திரமாக பணியாற்றும் நம் கட்சி தொண்டர்களை கொத்தடிமையாக்கும் செயல். என்று அக்கடிதத்தில் குறிப்பிட்டனர்.

உடனே, கோபமான எம்.ஜி.ஆர்., கடிதம் எழுதிய மூவரையும் கட்சியிலிருந்து நீக்கினார். விருப்பம் உள்ளவர்கள் பச்சை குத்திக்கொள்ளலாம். கட்டாயமில்லை என்றும் அறிவித்து அந்த பிரச்சினைக்கு முற்றுப்புள்ளி வைத்தார்.

இதனிடையே படிப்படியாக எமெர்ஜென்சியை தளர்த்தினார் இந்திரா. 1977 மார்ச் மாதம் நாடாளுமன்றத்தேர்தலை நடத்த திட்டமிட்டார்.
காங்கிரசோடு அண்ணா.தி.மு.க., கூட்டணி அமைத்தது. நாடாளுமன்றத் தேர்தலுடன் தமிழக சட்டமன்றத்தேர்தலும் நடத்தப்படும் என்று எதிர்பார்த்தார் எம்.ஜி.ஆர்.
ஆனால், நாடாளுமன்றத்திற்கும் மட்டுமே தேர்தல் அறிவிக்கப்பட்டது. எம்.ஜி.ஆர்., ஏமாற்றம் அடைந்தார்.

இன்னும் வ(ள)ரும்..........

கண்ணதாசனின் வனவாசமும்- ஆட்டோ சங்கரின் மரண வாக்குமூலமும்.......

2012-01-16T11:21:00.004+05:30

35-ஆவ்து புத்தக ~~கண்காட்சியை~~ திருவிழாவை நடத்தும் BAPASI கூட யாரையும் இப்படி அழைத்திருக்காது, அதை விட அதிகமாகவே என்னை அழைத்தான் பிரபல பதிவர் வடை பஜ்ஜி தள அதிபர் நண்பன் சிராஜ். தினமும் போன் போட்டபடி இருந்தான்.
சரி, புத்தக திருவிழாவிற்கு போவோம் என்று ஒருவழியாக முடிவுசெய்து, வியாழக்கிழமை எங்கள் ஊரிலிருந்து சென்னைக்கு கிளம்பினேன். சில புத்தகங்கள் வாங்கவேண்டும் என்ற பட்டியலுடன்.

வெள்ளிக்கிழமை காலை சிராஜுடன் அவன் இல்லம் சென்றேன்.மதியத்திற்கு பின் புத்தக கண்காட்சி நடக்கும் இடத்திற்கு நாங்கள் இருவரும் சென்றோம். வார நாட்களிலும் கடுமையான கூட்டம். இன்று இணையத்தளங்களில் பல புத்தகங்கள் pdf ஃபைலாக கிடைத்தாலும், அதையெல்லாம் மீறி, மக்களிடம் வாசிப்பு பழக்கம் இன்னும் குறையவில்லை என்று பார்த்தவுடன் புரிந்தது. அனைவர் கைகளிலும் புத்தகங்களை தாங்கிய பை சின்னதும், பெரிதுமாய்.....
வாசிப்பு பழக்கம் வாழ்க...

அங்கு யார் யாரை சந்தித்தேன் என்று அடுத்தடுத்த பதிவுகளில் பார்ப்போம்.

இப்போது, நான் வாங்கிய புத்தகங்களை பார்த்துவிடுவோம்.

புத்தகத்தின் பெயர்	ஆசிரியர்	வெளியீடு	விலை
பொன்னியின் செல்வன்	கல்கி	நக்கீரன்	275
மரண வாக்குமூலம்	ஆட்டோ சங்கர்	நக்கீரன்	225
ஒரு புளியமரத்தின் கதை	சுந்தர ராமசாமி	சுதர்சன் புக்ஸ்	35
வனவாசம்	கண்ணதாசன்	கண்ணதாசன் பதிப்பகம்	120
மனவாசம்	கண்ணதாசன்	கண்ணதாசன் பதிப்பகம்	80
தாயார் சன்னதி	சுகா	சொல்வனம்	180
மூங்கில் மூச்சு	சுகா	விகடன்	95
பொக்கிஷம்	ரவிபிரகாஷ்,ராஜா(தொகுப்பாளர்)	விகடன்	180
காலப்பெட்டகம்	ரவிபிரகாஷ்,ராஜா(தொகுப்பாளர்)	விகடன்	180
எம்.ஜி.ஆர்.,ஜெயா..இருவர்கதை	திருநாவுக்கரசர்	நக்கீரன்	65
தெர்மாக்கோல் தேவதைகள்	கேபிள் சங்கர்	உ பதிப்பகம்	50
அழிக்கப்பிறந்தவன்	யுவகிருஷ்ணா	உ பதிப்பகம்	50

(அனைத்து புத்தகங்களுக்கும் 10% தள்ளுபடி உண்டு)

கண்ணதாசனின் வனவாசம் புத்தகத்தை நீண்ட நாட்களாக தேடிக்கொண்டிருந்தேன். (இதை நான் முன்பே படித்திருந்தாலும், தொலைந்துவிட்டது) .அந்த புத்தகம் டிஸ்கவரி புக் பேலசில்(ஸ்டால் எண்: 334) கிடைத்ததில் மகிழ்ச்சி. அதைப்போல ஆட்டோ சங்கரின் மரண வாக்குமூலம். நக்கீரனில் அப்போது தொடராக வெளிவந்து மிகுந்த பரபரப்பை கிளப்பியது. நான் அப்போதே தொடர்ச்சியாக படித்திருந்தாலும், ஒரு தொகுப்பாக இப்போது கிடைத்தது. அதையும் வாங்கிக்கொண்டேன். இந்த இரு புத்தகங்களும் நான் முன்பே எழுதிக்கொண்டுபோன பட்டியலில் இல்லாதது.

இன்னும் ~~கொல்~~ சொல்வோம்ல.......

===============================

நாங்க இதுக்கெல்லாம் பயந்துடுவோமா என்ன?

2012-01-14T12:12:00.001+05:30

தயவுசெய்து இருபது வினாடிகள் இமைக்காமல் பார்க்கவும். ஒரு த்ரில் அனுபவம் கிடைக்கும்.

அறிவிப்பு: கடந்த இரு நாட்களாக சென்னையில்தான் இருக்கிறேன். இன்றும் மதியத்திற்கு மேல் புத்தக கண்காட்சிக்கு செல்கிறேன். பதிவுலக நண்பர்களை சந்திக்க ஆசை. தொடர்புகொண்டால் சந்திப்போம்.
என் தொலைபேசி: 90924 27226

பொற்கால ஆட்சியை கொடுத்தது காமராஜரா? அண்ணாவா?

2012-01-13T10:30:00.001+05:30

சமீபத்தில் ஒரு நண்பருடன் பேசிக்கொண்டிருந்த போது... எல்லோரும் காமராஜர் ஆட்சியமைப்போம் என்றுதான் சொல்கிறார்கள். ஏன் யாரும் அண்ணா ஆட்சியமைப்போம் என்று சொல்வதில்லை? காமராஜர்தான் பொற்கால ஆட்சியை கொடுத்தாரா? அண்ணா தரவில்லையா? என்று கேட்டார்.

இது வழக்கமாக எல்லோருக்கும் ஏற்படும் கேள்விதான் என்றாலும் என்னால் சரியான விளக்கம் தரமுடியவில்லை. இருந்தாலும் சமாளித்துவைப்போம் என்று சில விளக்கங்களை கொடுத்தேன். அதாவது.....

தமிழ்நாட்டில் காமராஜர் முதல் அமைச்சராக இருந்தது 1954-லிருந்து 1963 வரை 9 ஆண்டுகள். அண்ணாவோ 1967-லிருந்து 1969 வரை இரண்டு ஆண்டுகள் தான். ஆகவே, தமிழ்நாட்டை அதிக ஆண்டுகள் ஆட்சி செய்தது அண்ணாவை விட காமராஜரே..... அப்படி அதிக நாட்கள் ஆட்சியிலிருந்ததால் அவருக்கு நல்லது செய்யவும் வாய்ப்புகள் அதிகம் இருந்தது. ஆனால், அண்ணாவோ மிக குறுகிய காலமே ஆட்சிப்பொறுப்பில் இருந்தார். அப்படியிருக்கும்போது அண்ணா சிறந்த ஆட்சியை கொடுத்தாரா? காமராஜர் சிறந்த ஆட்சியை கொடுத்தாரா என்ற கேள்வி எழவே கூடாது. ஒரு வேளை காமராஜரை விட, அண்ணா அதிக ஆண்டுகள் முதல்வராக இருந்திருந்தால் நிறைய செய்திருப்பாரோ என்னவோ? என்ன நான் சொன்ன பதில் சரிதானே.

காமராஜர் ஆட்சி பொற்கால ஆட்சி என்பதற்கான சில காரணங்கள்.

காமராஜர் தண்ணீருக்கே அதிக முக்கியத்துவம் கொடுத்தவர். அதனால்தான்.....
பரம்பிக்குளம்-ஆழியாறு அணை
கீழ்பவானி நீர்த்தேக்கம்
சாத்தனூர் நீர்த்தேர்க்கம்
மணிமுத்தாறு திட்டம்
வைகை அணைக்கட்டு திட்டம்
போன்றவைகள் காமராஜர் ஆட்சிக்காலத்தில் நிறைவேற்றப்பட்டது.

மேலும்,
திருச்சி பாய்லர் தொழிற்சாலை,
ஆவடி ராணுவ டாங்கி தொழிற்சாலை,
நெய்வேலி நிலக்கரி கார்ப்பரேஷன்
பெரம்பூர் ரயில்பெட்டி தொழிற்சாலை
நீலகிரி ஃபிலிம் தொழிற்சாலை
கிண்டி ஹிந்துஸ்தான் டெலிபிரிண்ட் தொழிற்சாலை
அம்பத்தூர், ராணிப்பேட்டை தொழிற்பேட்டை
முதலியவை காமராஜர் ஆட்சிக்காலத்தில் நிறைவேற்றப்பட்டவைகள் தான்.

கெட்டுப்போன சட்டம் ஒழுங்கும், சி.பி.,செந்தில்குமாரும்......

2012-01-12T12:29:00.002+05:30

ஜெயலலிதா ஆட்சிக்கு வந்தால் தமிழகமே அமைதி பூங்காவாக மாறிவிடும். சந்துக்கு சந்து சட்டம் ஒழுங்கு சிரிக்கும் என்றெல்லாம் சொன்னார்கள். ஆனால், நடப்பதோ வேறு மாதிரியாக இருக்கிறது.
நக்கீரன் பிரச்சினையில் ஆளுங்கட்சி ச.ம.உ.,வே தலைமையேற்று வன்முறையை தூண்டிவிடுமளவிற்கு சட்டம் ஒழுங்கு சந்தி சிரிக்கிறது. சட்டம் ஒழுங்கு பிரச்சினையை காரணம் காட்டி கைதுசெய்வதென்பதெல்லாம் தி.மு.க.,வினரை மட்டும்தான் போல

முணுக்கென்றால் கலவர நெருப்பு பற்றிக்கொள்ளும் தென்மாவட்டங்களில், பரமக்குடி பற்றவைத்த கலவர நெருப்பு லேசாக அணைந்திருந்தது. இப்போது மீண்டும் பெட்ரோல் ஊற்றியிருக்கிறார்கள் பசுபதி பாண்டியன் கொலை மூலம். இப்படியே போனால் தமிழகம் அமைதி பூங்காவாக மாறுமோ இல்லையோ.... வன்முறை பூங்காவாக மாறிவிடும் போல.....

அடுத்து மின்சாரம், ஜெயலலிதா ஆட்சிக்கு வந்தால் மின்சாரம் தட்டுப்பாடின்றி கிடைத்து, தமிழகமே ஜொலிக்கும் என்றும் சொன்னார்கள். ஆனால், தமிழ் நாடு ஒளிர்வதுபோல் தெரியவில்லை. நாளுக்கு நாள் இருள்கிறது. ஒரு நாளைக்கு ஏறக்குறைய ஒன்பது அல்லது பத்து மணி நேரம் மின்வெட்டு இருக்கிறது. இது குளிர்காலம் என்பதால் ஓரளவிற்கு வியர்ப்பதில்லை. இதுவே கோடை காலமாக இருந்தால் நினைக்கவே உடம்பு எரிகிறது. கடந்த தி.மு.க., ஆட்சியில் மூன்று மணி நேரம் மட்டுமே மின்வெட்டு இருக்கும் போது, அய்யோ தமிழகம் இருட்டில் தத்தளிக்கிறது, கற்காலத்திற்கு திரும்புகிறது என்றெல்லாம் எழுதி குவித்த பதிவர்கள் இப்போது என்ன செய்கிறார்கள் என்றே தெரியவில்லை.
இலவசமாக மிக்சி, கிரைண்டர் கொடுப்பதற்கு பதிலாக ஒரு இன்வெர்ட்டர் கொடுத்தால் ஓரளவு மின்வெட்டிலிருந்து மீளலாம். இதை சோ தான் ஜெயலலிதாவிடம் சொல்லனும்.

ஆமா இதையெல்லாம் பார்ப்பதற்கு எங்கே ஜெயலலிதாவிற்கு நேரம் இருக்கிறது என்றுதானே சொல்லுகிறீர்கள். உண்மைதான்.மழை விட்டும் தூவானம் விடாதகுறையாக அவருக்குத்தான் மன்னார்குடி குடும்பத்துடன் தொடர்பு வைத்திருக்கும் கட்சிக்காரர்களை கண்காணித்து நீக்குவதற்கே நேரம் சரியாக இருக்கிறதே.....

-----------------------

நேற்று சி.பி.செந்தில்குமார் அவர்கள் தனது ஆயிரமாவது பதிவை எழுதியுருந்தார். அவர் தளத்திலேயே பின்னூட்டம் வாயிலாக வாழ்த்துசொல்லலாம் என்றிருந்தேன். ஆனால், அப்படி பத்தோடு பதினொன்றாக வாழ்த்த மனம் வரவில்லை. அதுதான் இந்த கிளைப்பதிவு.

இந்த ஒன்றரை வருடங்களில் 1000 பதிவு என்பதே ஒரு அசாத்திய சாதனைதான். அடப்போப்பா.... ஒரு நாளைக்கு நாலு பதிவு போட்டால் யார்தான் குறுகிய காலத்தில் 1000 பதிவை போடமுடியாது என்று குற்றம் சொல்பவர்களுக்கு....

ஏனோ தானோ வென்று எழுதினால் ஒரு நாளைக்கு நாலு பதிவென்ன நாற்பது பதிவு கூட போடலாம்தான். ஆனால், அத்தனையிலும் குவாலிட்டி இருக்கிறதா என்றுதான் பார்க்கவேண்டும். ஒரு பதிவிற்காக அவர் எடுக்கும் சிரத்தை அதிகம். சும்மா வந்தோம் எழுதினோம் சென்றோம் என்றில்லாமல், மிகவும் சிரத்தையுடன் ஒவ்வொரு பதிவிற்கும் மிகுந்த கவனம் எடுத்துக்கொள்கிறார் என்றால் அது மிகையில்லை. அவரது ஞாபக சக்திக்கு சினிமா விமர்சனத்தில் வரும் வசனங்களே சாட்சி.

நாமெல்லாம் ஒரு நாளைக்கு தொடர்ந்து இரண்டு படம் பார்த்தால் கதையையே மறந்துவிடுவோம். ஆனால் ஒரு நாளுக்கு நான்கு படம் பார்த்தாலும், வசனங்களை நினைவில் நிறுத்தி, அதை துல்லியமாக தன் எழுத்தில் கொண்டுவரும் திறமை மிக்கவர்.

சில நேரங்களில் சில சர்ச்சை பதிவுகளை போட்டாலும், வலையுலகில் அனைவருடனும் நட்பு பாராட்டுபவர் சி.பி.,
இவரைப்பற்றி எப்படி எழுதினாலும் கோபப்படாமல் ஹி...ஹி..என்றே பதில் சொல்வார். இவரது பொறுமையும் நிதானமும் மற்ற பதிவர்களுக்கு ஒரு பாடம்.

இவரிடம் எனக்கு சில குறைபாடுகள் உண்டு.....

சினிமா விமர்சனம் எழுதும்போது முடிந்தவரை கவர்ச்சி படங்களை தவிருங்கள். அது போல்... இரட்டை அர்த்தங்கள் வரும் வார்த்தைகளை கையாளுவதையும் தவிருங்கள்.
இதுமாதிரியான குறைகள் இருந்தால் பெண்கள் உங்கள் தளத்திற்கு வருவதற்கு சங்கோஜப்படுவார்கள்.

சர்ச்சைக்குரிய பதிவிடும்போது (உதாரணம்: பதிவர்களில் கேபிள் குரூப்- ஜாக்கி குரூப்) இரு தரப்பு பிரச்சினைகளையும் ஆராய்ந்தே போடுங்கள். ஒரு யூகத்தின் அடிப்படையில் எழுதுவதென்பது உங்கள் தகுதிக்கும், நீங்கள் இருக்கும்உயரத்திற்கும் அழகல்ல....

சி.பி. இன்னும் பல்லாயிரம் பதிவுகளிட்டு பல்லாண்டு காலம் வலையுலகில் நீடித்திருக்க ஒரு சக வலையுலக நண்பனாக வாழ்த்துகிறேன்

சபாஷ்....சரியான பதிலடி இதுதான்.....

2012-01-11T11:37:00.002+05:30

பக்கத்துவீட்டுக்காரரை
பாருங்கள்
அவரு பொண்டாட்டியை
வாராவாரம்
சினிமாவுக்கு கூட்டிப்போறாரு.....

எதிர் வீட்டுக்காரரை
பாருங்கள்
அவரு பொண்டாட்டியை
மாசாமாசம்
வெளியூரு கூட்டிப்போறாரு....

அவங்க ரெண்டுபேரும்

அவங்கவங்க பொண்டாட்டிக்கு

நகையும்,புடவையும்

வாங்கி குவிக்கிறாங்க...

நீங்க எதுக்குத்தான்

லாயக்கோ
எனக்குன்னு வந்து
வாச்சிருக்கீங்களே.....
என்று அவ்வப்போது
என்னை திட்டும்
என் மனைவி

இப்போதெல்லாம்

அவர்களைப்பற்றி
வாயை திறப்பதேயில்லை....

எதிர்வீட்டுக்காரரும்
பக்கத்து வீட்டுக்காரரும்
கூட்டணி போட்டு
வேலைக்காரியிடம்
சில்மிஷம் செய்து
மாட்டிக்கொண்டதிலிருந்து.....

டிஸ்கி:இது ஒரு திருத்தப்பட்ட மீள்பதிவு...

எங்காவது பார்த்ததுண்டா இப்படி ஒரு பாலத்தை?.....

2012-01-10T11:13:00.001+05:30

வழக்கமாக ஆற்றின்மேல் பாலத்தை பார்த்திருப்பீர்கள். பாலத்தின் மேல் ஆறு பார்த்திருக்கிறீர்களா? அல்லது கேள்வியாவது பட்டிருக்கிறீர்களா?
பாலத்தின் மேல் தண்ணீர் ஒடும் உல்டாவான பாலத்தைத்தான் இப்போது பார்க்கப்போகிறோம்.

பார்க்க ஒரு அணைக்கட்டு போல காட்சியளிக்கும் இந்தப்பாலத்தின் மேல்புறம் தண்ணீர் ஓடும். அப்படியானால் கீழே?.... விவசாயத்திற்காக இந்த பாலத்தின் மேல் ஓடும் நீரை இரு மதகுகளின்(shutter) வழியே திறக்கப்பட்டு அது கீழே ஊற்றும். அதுவும் ஒரு பக்கம் மட்டுமே... மற்ற பக்கங்களில் ஆடு, மாடு மேய்ந்து கொண்டிருக்கும். அப்படி ஒரு வித்தியாசமான பாலம் இது.

மதகு வழியாக தண்ணீர் திறந்துவிடப்பட்டு ஊற்றுகிறது

விவசாயத்திற்காக, திறந்து விடப்படும் நீர் ஒரு குறிப்பிட்ட உயரத்திலிருந்து ஒரு நீர்வீழ்ச்சியைப்போல ஊற்றும். அதில் தலையை நனைத்தால் மினி குற்றாலத்தில் குளிப்பதுபோல இருக்கும். இதை படித்ததும் அப்படிப்பட்ட பாலம் எங்கிருக்கிறதென்று அறிய ஆவலாக இருக்கிறதா? அந்த பாலத்தை பார்க்க ஆசையாக இருக்கிறதா?

இது பாலத்தின் கீழ் புறம்

அப்படியானல் நீங்கள் எங்கள் ஊரான அரசர்குளத்திற்குத்தான் வரவேண்டும். ஆம்...அப்படிப்பட்ட பாலம் எங்கள் ஊரில் தான் இருக்கிறது. ஏறக்குறைய எட்டு மாதம் இப்படி தண்ணிர் ஓடும். தினமும் எங்கள் குளியல் இங்குதான். ஆர்ப்பரிப்புடன் ஓடும் இந்த தண்ணீரை எதிர்த்து நீந்துவதே ஒரு உடற்பயிற்சிதான். இங்கு குளித்தால் நேரம் போவதே தெரியாது. கரை ஏறவும் மனம் வராது.

பாசனத்திற்காக மேட்டூரில் திறக்கப்படும் தண்ணீர் கல்லணையை வந்தடைந்து அங்கிருந்து பல கிளை ஆறுகளாக பிரியும். அப்படி பிரியும்
எத்தனையோ கிளை ஆறுகளில் எங்கள் ஊர் ஆறும் ஒன்று....எங்கள் ஊர் வழியாக செல்லும் இந்த ஆறு, பக்கத்தில் 15 கிலோமீட்டர் தூரத்தில் இருக்கும் கடலில் கலக்கிறது. இத்தனை அருமையான இந்த பாலம் வெள்ளையர் ஆட்சிக்காலத்தில் கட்டப்பட்டது என்பது குறிப்பிடத்தக்கது.

ஏன் என்னாச்சு விகடனுக்கு? or விகடனுக்கு ஒரு வேண்டுகோள்.....

2012-01-09T11:07:00.002+05:30

விகடன் குழுமத்திலிருந்து இலவசமாக இணையத்தில் கொடுக்கப்படும் இணைய இதழ் யூத்ஃபுல் விகடன் எனப்படும் இளமை விகடன்.
இந்த தளத்தில் கதை, கட்டுரை என்று என் எழுத்துக்களை நிறையவே வெளிவரச்செய்து எனக்கு களம் அமைத்துக்கொடுத்தது. இன்று வலைப்பதிவராக நான் வலம் வர அச்சாரமிட்டதும் யூத்ஃபுல் விகடன் தான். ஆம்.....இந்த இதழில் வெளிவரும் குட்பிளாக்ஸ் பகுதியை பார்த்ததற்கு பிறகுதான் வலையுலகம் என்றொரு தனியுலகம் இயங்குவதே எனக்கு தெரியும். அதன்பிறகே நானும் பதிவராக மாறி, உங்களை நோகடிக்க ஆரம்பித்தேன்.

இங்கு வெளிவரும் படைப்புகளுக்கு சன்மானம் இல்லையென்றாலும், ஒரு அங்கீராத்திற்காக்வே எழுதுபவர் பலர். அப்படிப்பட்ட தளம் இப்போது ஏறக்குறைய முடங்கிவிட்டதாகவே தெரிகிறது. முன்பெல்லாம் தினமும் தளத்தை புதுப்பித்தபடி(அப்டேட்) இருப்பார்க்ள். தினம் தினம் புதிய எழுத்தாளர்களின் படைப்புகள் அலங்கரிக்கும். ஆனால், இப்போதோ.... அதை விகடன் கண்டுகொண்டதாகவே தெரியவில்லை. புதுப்பிக்கவேண்டும் என்பதற்காக மாதம் ஒரு முறை அல்லது இரண்டு மாதத்திற்கு ஒரு முறைதான் அப்டேட் செய்கிறார்கள். எதற்காக விகடனுக்கு இப்படி ஒரு சுணக்கம் என்று புரியவில்லை.

நான் விரும்புவதெல்லாம்..... மீண்டும் புதுப்பொலிவுடன் யூத்ஃபுல் விகடன் வரவேண்டும். தினமும் அப்டேட் செய்யாவிட்டாலும் பரவாயில்லை. வாரந்தோறுமாவது அப்டேட் செய்யவேண்டும். இதை விகடனுக்கு கோரிக்கையாகவே வைக்கிறேன். செய்யுமா விகடன்?

முந்தைய பதிவு

தாக்கப்பட்ட நக்கீரனும்....தறிகெட்ட அ,தி.மு.க.,வினரும்......

2012-01-07T18:03:00.005+05:30

ஜனநாயகத்தின் முக்கிய தூண்களின் ஒன்றான பத்திரிகைகள், எப்போதும் ஜனநாயகத்தப்பற்றியெல்லாம் கவலைப்பட்டதில்லை. அது கவலைப்படுவதெல்லாம் எதை எழுதினால் கல்லா கட்டலாம், எதை எழுதினால் காசு பார்க்கலாம் என்பதைப்பற்றித்தான்.

ஒரு வாசகர் கொடுக்கும் காசுக்கு கொஞ்சமாவது உபயோகமான செய்தியை கொடுக்கவேண்டும் என்ற எண்ணத்தை காற்றில் பறக்கவிட்டுவிட்டு, வாய் புளித்ததோ, மாங்காய் புளித்ததோ என்ற ரீதியில்தான் செய்திகள் வெளியிட்டு காசு சம்பாதித்து விடுகின்றன....

பெரும்பாலான பத்திரிகைகள், எப்போதும் இரு நிலைப்பாடுகளைத்தான் கொண்டிருக்கும். ஒன்று....ஆளுங்கட்சி ஆதரவு நிலை, மற்றொன்று ஆளுங்கட்சி எதிர்ப்பு நிலை. ஆனால், அதில் நக்கீரன் மட்டும் எப்போதும் விதிவிலக்கு. அ.தி.மு.க.,ஆட்சியில் இருந்தாலும், இல்லாவிட்டாலும் ஜெயலலிதா எதிர்ப்பு நிலைப்பாடுதான். இது இன்று, நேற்றல்ல...ஜெயலலிதா முதன்முதலில் முதல்வரானதிலிருந்து இந்த கீரி பாம்பு விளையாட்டு துவங்கிவிட்டது.
(தனக்கும் ஜெயலலிதாவிற்கும் என்ன பகையென்று தன் நக்கீரனில் யுத்தம் தொடர்மூலம் எழுதியும் வருகிறார் கோபால் என்பது வேறு கதை)

ஜெயலலிதா எப்போதெல்லாம் ஆளுங்கட்சியாக வருகிறாரோ அப்போதெல்லாம் நக்கீரனுக்கு உற்சாகம் வந்துவிடும். நம்பகத்தன்மை பற்றியெல்லாம் கவலைப்படாமல் ஜெயலலிதாவிற்கு எதிராக எதையாவது எழுதி காசு பார்த்துவிடுவார்கள்.ஜெயலலிதாவை பற்றி செய்தி கிடைக்கவில்லை என்றால் இருக்கவே இருக்கிறது நடிகைகள் பற்றிய கிசுகிசுக்கள். ஒரு மஞ்சள் பத்திரிகை ரேஞ்சுக்கு இறங்கி எழுதுவார்கள்.

இன்று காலையும் அப்படித்தான்

மாட்டுக்கறி சாப்பிடும் மாமி நான்..விவரிக்கும் ஜெயலலிதா

என்ற தலைப்பை முகப்பில் தாங்கி ஒரு செய்தியை வெளியிட்டிருந்தது நக்கீரன்.

செய்தியை படிக்க படத்தை கிளிக் செய்யவும்

இந்த செய்தியை படித்ததும் ரத்தம் கொதித்துவிட்டது ரத்தத்தின் ரத்தங்களுக்கு.... நக்கீரன் பத்திரிகையை வாங்கி கொளுத்த ஆரம்பித்தன்ர். நக்கீரன் அலுவலகமும் தாக்கப்பட்டது. ஆங்காங்கே வன்முறையும் வெடித்தது. மக்கள் பிரதி நிதிகளான எம்.எல்.ஏ.,க்கள் தலைமை தாங்கி வன்முறையை கட்டவிழ்த்து விடுமளவிற்கு நிலமை மோசமாகிவிட்டது.

இப்படி ஒரு செய்தியை இப்போது வெளியிடும் அளவிற்கு அப்படி என்ன அவசியம் வந்தது நக்கீரனுக்கு?
இந்த செய்தியால் நாட்டிற்கு என்ன பலன்?
ஒன்றுமில்லை...அந்த பத்திரிகை அலுவலகம் தாக்கப்பட்டதை தவிர்த்து...

ஒரு ஆட்சிக்கு எதிராக...அவர்கள் செய்யும் ஊழலையும், குற்றங்களையும் வெளிக்கொண்டுவருவதுதானே ஒரு பொறுப்பான பத்திரிகையின் நோக்கமாக இருக்கவேண்டும். அதை விடுத்து, அவர் என்ன சாப்பிடுகிறார்? என்ன குடிக்கிறார் என்றெல்லாமா செய்தி வெளியிடுவது?

பத்திரிகைகளுக்கு எழுத்து சுதந்திரம் இருப்பதற்காக என்ன வேண்டுமானாலும் எழுதிவிடலாமா?

சரி.... நக்கீரன் தான் இப்படி புத்திகெட்டுப்போய் எழுதிவிட்டது என்றால் அ.தி.மு.க., தொண்டர்களுக்கு எங்கே போனது புத்தி? அதற்காக வன்முறையையா கையில் எடுப்பது?
பொது வாழ்க்கைக்கு வந்துவிட்டால் எல்லா வகையான விமர்சனமும் வரத்தான் செய்யும். அதற்கான தீர்வு வன்முறைதானா? சட்டரீதியாக நக்கீரன் பிரச்சினையை அணுகியிருக்கலாமே.....

இதில் இன்னொரு முக்கியமான விஷயம்......இந்த பிரச்சினைக்கு கலைஞர் கண்டனம் தெரிவித்திருப்பதுதான்.
தன் ஆட்சிக்காலத்தில் தினகரனுக்கு எதிராக கிளம்பிய உடன்பிறப்புக்களின் வன்முறை வெறியாட்டத்திற்கு மூன்று உயிர்கள் பலியானதே....அப்போது என்ன சொன்னார் கலைஞர்? என்ன நடவடிக்கை எடுக்கப்பட்டது. இதுவரை அந்த பிரச்சினை கிணற்றில் போட்ட கல்லாகத்தானே இருக்கிறது.அப்போதெல்லாம் அமைதியாக இருந்துவிட்டு இப்போது தன் ஊதுகுழல் ~~இன்னொரு முரசொலியாக செயல்பட்ட~~ நக்கீரன் தாக்கப்பட்டதும் கண்டனம் தெரிவிப்பது வேடிக்கை
கண்டனம் தெரிவிப்பது தவறென்று சொல்லவில்லை. கலைஞருக்கு அந்த தகுதி இல்லை என்றுதான் சொல்கிறேன்.

தடி எடுத்தவனெல்லாம் தண்டல்காரன் என்பது போல்.... ஆளுங்கட்சிக்காரர்களும், பத்திரிகையும் நடந்துகொள்வதென்பது நாட்டிற்கும், ஜனநாயகத்திற்கும் பேராபத்து.

ஒன்று மட்டும் விளங்குகிறது.... ஜெயா மீது நக்கீரனும், நக்கீரன் மீது ஜெயாவும் கொண்டிருக்கிற வெறுப்பே இத்தனைக்கும் காரணம் என்பதை மறுப்பதற்கில்லை. எப்படியோ நக்கீரன் கோபாலுக்கு யுத்தம் தொடருக்கான அடுத்த அத்தியாயத்திற்கு விஷயம் கிடைத்துவிட்டது.

இதற்கு பொருத்தமானஒரு அல் குர்ஆன் வசனத்துடன் முடிக்கிறேன்.

ஒரு சாரார் மீது நீங்கள் கொண்டிருக்கும் வெறுப்பு உங்களை நீதியிலிருந்து பிறழ செய்து விட வேண்டாம். நீங்கள் ஒரு போதும் நீதி தவறாதீர்கள்.( 4:135)

ஏன் அவளை கொல்லனும்?

2012-01-07T11:57:00.001+05:30

"மணி இங்கவா நீ இந்த கத்திய பிடி, ராஜ் நீ இந்த அருவாவ எடுத்துக்கோ, கண்ணா நீ எதுக்கும் இந்த பிஸ்ட்டல வச்சுக்கோ. இன்னும் கொஞ்ச நேரத்துல இருட்ட ஆரம்பிச்சுடும். பஸ்சும் வந்துடும். அதிலேர்ந்து நம்ம பரம எதிரி நளினி வந்து இறங்குவா. அவ பின்னாடியே போறீங்க. அவ அந்த தென்னந்தோப்பை தாண்டித்தான் வீட்டுக்கு போவா. அங்கே வச்சு காரியத்தை முடிச்சுடறீங்க. கண்ணா நீ போயி முதல்ல அந்த தென்னந்தோப்புக்குள்ள ஒளிஞ்சுக்க. ராஜ் நீதான் அவள துரத்திக்கு போயி வெட்டணும். உன்கிட்டேர்ந்து அவ மிஸ் ஆகிட்டான்னா மணி அந்த கத்திய நேர அவ கழுத்தை குறி பார்த்து வீசுறே. அதிலும் அவ தப்பிச்சுட்டான்னா கடைசியாத்தான் கண்ணா நீ சுடணும். ஆனா உன் துப்பாக்கிக்கு வேலையிருக்காதுன்னு நினைக்கிறேன். நீ சைலன்சரை மாட்டியே வச்சுக்கோ. அப்பதான் துப்பாக்கி வெடிக்கற சத்தம் கேக்காது. எந்த தடையமும் விட்டுறக்கூடாது. சப்போஸ் யாராவது இதுல போலீஸ்ல மாட்டினாக்கூட என் பேரு வெளிய வரக்கூடாது சொல்லிட்டேன். என்ன சரியா? காரியத்தை முடிச்சதும் நீங்க யாரும் என்னை பார்க்க வரவேணாம். போனும் போடக்கூடாது. உங்களுக்கு சேரவேண்டிய பணம் உங்க அக்கவுண்டுல விழுந்துடும். ஓகே. நான் கிளம்பறேன். ஜாக்கிரதை." - கிஷோர் காரில் கிளம்பினான்.

”ஏப்பா....எனக்கொரு சந்தேகம்?..... நளினியை கொலை பன்ற அளவுக்கு நம்ம பாசுக்கு என்ன மோட்டிவ்?” மணியிடம் கேட்டான் ராஜ்

“இங்கே பாரு..... நாமெல்லாம் கூலிக்கு வேலை பார்க்கறவங்க....சொன்ன வேலைய மட்டும்தான் செய்யனும் எதிர் கேள்விலாம் கேக்ககூடாது”

“இல்லை....சும்மா தெரிஞ்சுக்கலாம்ன்னுதான்”

“அதான் சொல்லிட்டேன்ல....” என்று கோபமானான் மணி....அப்போது அவனை இடைமறித்தான் கண்ணா...

“கோபப்படாதே மணி...ஏதோ தெரிஞ்சுக்க ஆசைப்படறான் சின்னப்பய...சொல்லிடுவோம்....ஏப்பா...ராஜ்...இப்ப எதுக்கு அந்த நளினிய போட்டுத்தள்ள சொல்லி கிஷோர் சார் சொன்னாருன்னு உனக்கு தெரியனும் அவ்வளவுதானே....சொல்றேன்.... மூனு மாசத்துக்கு முன்னாடி வரை கிஷோர் சாருட்ட வேலை பார்த்தவள்தான் இந்த நளினி. ஒரு சின்ன பிரச்னையால் இங்கேருந்து விலகி கிஷோர் சாரோட எதிரி கம்பெனியில் வேலைக்கு சேர்ந்த்ட்டாள். கிஷோர் சாரோட கம்பெனி விஷயங்களெல்லாம் அவளுக்கு அத்துப்படிங்கறதால, சாருக்கு கிடைக்க வேண்டிய அத்தனை கான்ட்ரக்டையும் இவள் தன் திறமையால் எதிர் கம்பெனிக்கு கொண்டு போய்விட்டாள். இவளை இப்படியே விட்டால் தன் கம்பெனியை இழுத்து மூட வேண்டியதுதான் என்று நினைத்த நம்ம சார் அவளை போட்டுத்தள்ள முடிவு பன்னிட்டாரு....போதுமா...இப்ப தெரிஞ்சுருச்சா?”

அவர்கள் நளினிக்காக காத்திருந்தார்கள்.பஸ் வரும் சப்தம் கேட்டதும் பரபரப்பானார்கள்.

பஸ் நின்றது. ஆனால் பஸ்சிலிருந்து நளினி இறங்கவில்லை. ஒருவர் முகத்தை ஒருவர் பார்த்துக் கொண்டனர்.

"டே பஸ்சுல அவ வரலையே இப்ப என்னடா பண்றது?"

"எனக்கென்ன தெரியும் பாஸுக்கு போன் போடு"

மணி கிஷோருக்கு போன் செய்தான்.

"பாஸ் நான் மணி பேசறேன்."

"முட்டாள், இப்பதான் சொல்லிட்டு வந்தேன், எனக்கு போன் போடாதீங்கன்னு. அதுக்குள்ளே மறந்து போச்சா?"

"அதில்லே பாஸ். நளினி அந்த பஸ்சுல வரல."

"என்ன சொல்லறே? நல்லா பார்த்தீங்களா?"

"நல்ல பார்த்துட்டோம் பாஸ். அவ இந்த பஸ்சுல வரல. வேணும்னா ராஜ்கிட்ட கேட்டுப்பாருங்க."

"அதான் நீ சொல்லிட்டியே? அவன்ட்ட வேற தனியா கேட்க்கணுமா?"

"இப்ப என்ன பண்றது பாஸ்?"

"ஏதாவது வேலையா இருந்திருக்கும். அதான் அவ இந்த பஸ்ல வரலேன்னு நினைக்கிறேன். சரி அடுத்த பஸ் எப்பன்னு விசாரி"

"யார்ட்ட பாஸ் விசாரிக்கிறது?"

" ஆங்... போக்குவரத்து அமைச்சர்க்கு போன் போட்டு கேளேன். யார்டா நீ சரியான கேனயனா இருக்கே. அங்கே இருக்கிற பெட்டிக்கடையில விசாரிடா முட்டாள்.

அய்யய்யோ... அங்கே விசாரிக்க வேணாம். அது எங்கப்பன் குதிருக்குல இல்லைங்கற கதையாகிடும். எப்படியும் அடுத்த பஸ் இன்னும் அரைமணி நேரத்துல வந்துடும். அதுவரைக்கும் வெய்ட் பண்ணுங்க."

"ஓகே பாஸ்"

அரைமணி நேரம் கழிந்தது. அடுத்த பஸ் வந்தது. அதிலிருந்து நளினி இறங்கினாள்.

இன்னும் இருட்டாக இருந்தது. தென்னந்தோப்பு வழியாக நடக்க ஆரம்பித்தாள். சிறிது இடைவெளிவிட்டு அவர்களும் அவளை பின் தொடர்ந்தார்கள். இவர்களின் காலடி சப்தம் கேட்டு திரும்பி பார்த்தவள் அதிர்ந்தாள். ஏதோ விபரீதம் நடக்க போகிறது என்று

நினைத்துக்கொண்டு ஓடலானாள். அவர்களும் விடாமல் அவளை துரத்திப்போய் மறித்தார்கள். ராஜ் அரிவாளை ஓங்கியவாறு அவளின் கழுத்தை நோக்கி இறக்கினான்.

நளின் ”ஆஆஆ” என்ற அலறலுடன் சரிந்தாள்.

டப்பிங் தியேட்டர் ஸ்க்ரீனில் மிகவும் பரபரப்பாக ஓடிக்கொண்டிருந்த அந்தக் காட்சி அத்துடன் நிறுத்தப்பட்டது.

நளினிக்காக டாப்பிங் பேசிய அந்த ஆர்ட்டிஸ்டை அழைத்தார் இயக்குனர் ஹரீஷ்....

“என்னம்மா....கத்தறே....ஆஆஆன்னு என்னவோ ஊசி போடுற மாதிரி.... அருவாள கழுத்தில இறக்கும்போது இப்படியா கத்துவாங்க....உயிர் பயத்துல அடி வயிற்றிலிருந்து சத்தம் வரனும். இன்னொரு தடவை நல்லா அலறும்மா....” என்றபடி மீண்டும் அந்த காட்சிக்கு டப்பிங் பேச அவளை அனுப்பினார் இயக்குனர்.

அம்மாவின் அதிரடி.....

2012-01-06T12:35:00.002+05:30

வேகமாக போய்க்கொண்டிருந்த பொன்னம்மாவை வழி மறித்துக்கேட்டாள் கற்பகம் பாட்டி

“எங்கே பொன்னம்மா இம்புட்டு வேகமா போறே?”

“வயசானவங்களுக்கு அரசாங்கம் இலவசமா பணம் கொடுக்குதில்ல....அதுக்கு இன்னைக்கு புதுசா பதியறாங்களாம். அதான் போறேன்.”

“எங்கே பதியிறாங்க?”

“ நம்ம ஊரு பஞ்சாயத்து கொட்டாயிலதான்”

“இருடி.... நானும் வாறேன்”

“ நீ அங்கே வந்து என்ன செய்யப்போறே?...இது புள்ள குட்டி இல்லாதவங்களுக்குத்தான் அரசாங்கம் பணம் கொடுக்கும்....உனக்குத்தான் ஒண்ணுக்கு மூனு புள்ளைங்க இருக்காங்களே?”

“போடி...பொச கெட்டவளே....புள்ளைங்க இருந்து என்னடி புண்ணியம்?... யாரும் தான் எனக்கு கஞ்சி தரமாட்டேன்னுட்டாங்களே....அவங்க தந்தா நான் ஏண்டி இப்படி திரியப்போறேன்”

”என்னமோக்கா.... எனக்கு எதுவும் தெரியாது. எல்லாரும் சொன்னத நான் சொன்னேன். அதுக்குமேல கேக்குறதா இருந்தா பதியிற ஆபீசருட்ட கேட்டுக்க”

பொன்னம்மாவுடன் கற்பகம் பாட்டியும் நடக்க ஆரம்பித்தாள்.

பஞ்சாயத்து ஆபிசில் கனிசமான வயசானவர்கள் குழுமியிருந்தனர்.
வழக்கமான சம்பிரதாய கேள்விகளை எல்லோரிடமும் கேட்டார் அங்கே நியமிக்கப்பட்டிருந்த அதிகாரி...

இது கற்பகம் பாட்டியின் முறை.

“அம்மா...உங்க பேரு?”

“கற்பகம்”

”வயசு?”

“ஒரு அறுபது...எழுபது இருக்கும்”

“இப்படி சொன்னா எப்படிம்மா....சரியான வயசு சொல்லுங்க”

“ அய்யா.... நான் படிக்காத தற்குறிங்க...அந்த காலத்துல யாருங்க இதையெல்லாம் பதிஞ்சு வச்சிக்கிட்டது? எல்லாம் ஒரு ஊகத்துல தான் சொல்றோம்”

“சரிம்மா.... உங்களுக்கு வீடு, நிலம் ஏதாவது இருக்கா”

“எல்லாம் இருந்துச்சு.....இப்ப இல்லை”

”இல்லையா? என்னாச்சும்மா”

“அந்த கதைய எதுக்குய்யா கேக்குறீங்க.... எனக்கு கலியாணம் ஆகி ஒரு பத்து வருஷத்துல.... என் புருஷன் செத்துப்போயிட்டாருங்க....அப்ப எனக்கு குஞ்சும் குளுவானுமா மூனு புள்ளைங்க....அதை படிக்கவச்சு, கலியாணம் செஞ்சுக்கொடுக்க எனக்கு இருந்த நிலம் நீச்செல்லாம் வித்துப்புட்டேன். கடைசியா கொஞ்சம் நிலம் இருந்துச்சு...அதையும் என் புள்ளங்க பறிச்சுக்கு என்னை விரட்டி விட்டுட்டாங்க”

“அம்மா...மன்னிச்சுக்கங்க....குழந்தை இல்லாதவங்களுக்காக அரசாங்கம் இலவசமா மாசா மாசம் பணம் கொடுக்கும். உங்களுக்கு மூனு புள்ளைங்க இருக்கதால இந்த பணம் உங்களுக்கு கிடைக்காது”

“அய்யா...எனக்கு மூனு புள்ளைங்க இருந்தும் நான் அனாதையாத்தான் இருக்கேன்.அவங்க இருக்கதும் ஒன்னுதான். இல்லாததும் ஒன்னுதான். அவங்க செத்துப்போயிட்டதாவே கணக்குல வச்சிக்கங்க.எனக்கும் பணம் கிடைக்க ஏற்பாடு செய்யுங்கய்யா...”

அதிரடியாய் சொன்னாள் கற்பகம்.

தை பிறந்தால் வழி பிறக்கும்- உண்மையா?

2012-01-05T12:26:00.001+05:30

நண்பர்களே இந்தப்பதிவு நான் கேட்டதை,படித்ததை, படித்ததில் பிடித்ததை பகிர்ந்துகொள்வதற்காகவே....

நான் கேட்டது.....

ஒரு பட்டிமன்றத்தில் நான் கேட்டது...
பந்திக்கு முந்து, படைக்கு பிந்து என்ற பழமொழியின் உண்மையான அர்த்தம் என்ன தெரியுமா?
பந்திக்கு முந்து.....அதாவது சாப்பிடுவதற்காக பந்தியில் உட்கார்ந்திருக்கும்போது, இலையில் இருக்கும் சாப்பாட்டை சாப்பிடுவதற்காக குனியும்போது நம் உடல் சற்று இலையை நோக்கி முன்னேறும். அதாவது முந்தும். அதுதான் பந்திக்கு முந்து.

படைக்கு பிந்து....அதாவது, படைவீரன் போர் புரியும் போது, வில்லில் பூட்டியிருக்கும் அம்பை விடுவதற்காக வில்லின் நாணை இழுப்பான். அப்படி இழுக்கும்போது அவன் உடல் சற்று பின்னேறும். அதாவது பிந்தும். அதுதான் படைக்கு பிந்து.
இதைத்தான் நம் ஆட்கள் பந்திக்கு முந்தி போகவேண்டும், படைக்கு பிந்திப்போகவேண்டும் என்று திரித்துவிட்டார்கள்.

======================

நான் படித்தது.....

சமீபத்தில் ஒரு பத்திரிகையில் படித்த விளக்கம்....
தை பிறந்தால் வழி பிறக்கும் என்ற பழமொழிக்கு அர்த்தம் என்னவென்றால்....
வழக்கமாக, மார்கழி மாதம் அதிகாலையில் பனி அதிகமாக இருந்து, எதிரில் இருக்கும் ஆட்களைக்கூட தெரியாமல் செய்துவிடும். வழி(பாதை)யும் தெரியாது. ஆனால், அதற்கடுத்த தை மாதத்தில், பனியின் கடுமை குறைந்து வழி நம் கண்களுக்கு புலப்படும். அதாவது வழி(பாதை) தெரியும் அல்லது பிறக்கும். இதுதான் தை பிறந்தால் வழி பிறக்கும் என்பதாகும்.

மேலும் பழமொழிகளின் விளக்கம் அறிய சுட்டி

==============================

படித்ததில் பிடித்தது....

நான் சமீபத்தில் துரை டேனியல் என்ற பதிவரின் தளத்தை படித்தேன். மிக அற்புதமாக எழுதுகிறார். அவரின் அவிழ்க்க முடியாத முடிச்சுகள்
என்ற கவிதை ஒன்றைப்படித்தேன். சிம்பிளாக, அருமையாக இருந்தது....படித்ததும் பிடித்தது. நீங்களும் படித்துப்பாருங்களேன்...

நான் போடவில்லை
ஆனாலும்
விழுந்துகொண்டேதான் இருக்கின்றன
முடிச்சுகள்

ஒருபக்கம்
ஒவ்வொன்றாய்
அவிழ்த்துக்கொண்டே இருக்கிறேன்
நான்

மறுபக்கம்
கொத்துக் கொத்தாய்
போட்டுக்கொண்டே இருக்கிறது
வாழ்க்கை.

அவரின் தள முகவரி: துரை டேனியல்

இந்த விருதுகளுக்கு இவர்கள் தகுதியானவர்கள் தானா?

2012-01-04T11:03:00.001+05:30

கடந்த 2011- ஆம் ஆண்டின் சிறந்த விருதுகள் அறிவிக்கப்பட்டிருக்கிறது. இந்த விருதுகளுக்கு இவர்கள் தகுதியானவர்கள் தானா என்று படித்துவிட்டு சொல்லுங்கள் நண்பர்களே....

சிறந்த தலையாட்டி பொம்மை விருது....

மன்மோகன் சிங்

சிறந்த மக்களை ஏமாற்றியவர் விருது
ஜெயலலிதா

சிறந்த ஓய்வு கொடுக்கப்பட்டவர் விருது

கலைஞர்

சிறந்த சிறைப்பறவை விருது
ஆ.ராசா

சிறந்த நித்தியகண்டம் பூர்ண ஆயுசு விருது

ப.சிதம்பரம்

சிறந்த சிறை மீண்டவர் விருது

கனிமொழி

சிறந்த காணாமல் போனவர் விருது

அழகிரி

சிறந்த கூண்டோடு கைலாசம் விருது
சசிகலா & கோ

சிறந்த வாயைக்கொடு வாங்கிக்கட்டு விருது
ஈ.வி.கே.எஸ். இளங்கோவன்

சிறந்த இனிமேல் நானும் ரவுடிதான் விருது

சோ ராமாசாமி

ஜெயலலிதாவிடம் ஏமாந்தவர்கள் விருது

விஜயகாந்த், வைகோ, சீமான்

சிறந்த காமெடியர்கள் விருது
ராமதாஸ், அன்புமணி (அடுத்து தமிழகத்தில் பா.ம.க.,ஆட்சிதான் என்று அடிக்கடி காமெடி செய்வதால்)

எப்போதுமே ஏமாறுபவர்கள் சிறப்பு விருது
தமிழக வாக்காளர்கள்.

விருதுக்கு தகுதியானவர்களை நீங்கள் பின்னூட்டத்தில் சொல்லலாம்.

எமெர்ஜென்சியும் எம்.ஜி.ஆரின் பங்கும்.......

2012-01-03T11:11:00.001+05:30

முந்தைய பாகங்கள் 1, 2, 3, 4, 5

உத்திரப்புரதேசம் மா நிலத்தில் இருக்கும் ரேபராலி நாடாளுமன்றத்தொகுதியில் இந்திராகாந்தி வெற்றிபெற்றது செல்லாது என்று உத்தரவிட்டது அலகாபாத் நீதிமன்றம்.
இந்ததீர்ப்பிற்கு பின்பும், பிரதமர் பதவியில் இந்திரா நீடித்ததால், அவர் ராஜினாமா செய்யவேண்டும் என்று ஜெயப்பிரகாஷ் நாராயணன், மொரார்ஜி தேசாய் போன்ற தலைவர்கள் நாடெங்கும் போராட்டத்தில் குதித்தனர்.

நிலமையை சமாளிக்க 1975 ஜூன் 12-ஆம் தேதி எமெர்ஜென்சி என்னும் அடக்குமுறையை அறிவித்தார். தன்னை எதிர்க்கும் தலைவர்களையெல்லாம் மிசா(MISA) அதாவது Maintenance of Internal Security Act என்ற சட்டத்தின் கீழ் கைதுசெய்து சிறையில் அடைத்தார். தமிழகத்தில் தி.மு.க.,வின் முன்னணி தலைவர்களெல்லாம் கைது செய்யப்பட்டனர்.

இந்த நிலையில், அண்ணா.தி.மு.க.,வின் செயற்குழுவை கூட்டினார் எம்.ஜி.ஆர்., எமெர்ஜென்சியை கொண்டு வந்ததற்காக இந்திராவை பாராட்டி தீர்மானம் போடப்பட்டது செயற்குழுவில். அந்த தீர்மானத்தின் நகலை டெல்லிக்கே கொண்டு சென்று பிரதமர் இந்திராவிடம் கொடுத்தார் எம்.ஜி.ஆர்.,

ஆனால், தி.மு.க., எமெர்ஜென்சியை எதிர்த்ததால், தமிழகத்தில் தி.மு.க,வின் ஆட்சியை கலைத்தார் இந்திரா. இந்த ஆட்சிக்கலைப்பை வரவேற்றார் எம்.ஜி.ஆர்.
தி.மு.க.,அரசு கலைக்கப்பட்ட இந்த தைரியமான நடவடிக்கையை அண்ணா.தி.மு.க., வரவேற்கிறது, ஜனநாயகத்தை(?) காப்பாற்ற பிரதமர் இந்திரா எடுக்கும் அனைத்து நடவடிக்கைகளுக்கும் அண்ணா.தி.மு.க,வின் முழு ஆதரவு எப்போதும் உண்டு என்றும் அறிவித்தார்.

இதற்கிடையில், 1972-ஆம் ஆண்டு, தி.மு.க,வை விட்டு நீக்கப்பட்ட எம்.ஜி.ஆர்., தி.மு.க., அமைச்சரவை மீது ஊழல் குற்றச்சாட்டுக்களை ஜனாதிபதியிடம் கொடுத்திருந்தா அல்லவா.....அந்த குற்றச்சாட்டுக்களை விசாரிக்க, இப்போது அதாவது தி.மு.க.,ஆட்சி கலைக்கப்பட்ட பிறகு, சர்க்காரியாவை தலைவராக கொண்டு ஒரு விசாரணை கமிஷனை அமைத்தார் இந்திரா. அதற்கு சாட்சிசொல்வதற்கு தயாரானார் எம்.ஜி.ஆர்.,

அப்போது ஒரு வதந்தி கிளம்பியது. கிளம்பிய வதந்தி விஸ்வரூபமெடுத்து எம்.ஜி.ஆரையே அசைத்தது.......

இன்னும் வ(ள)ரும்....

சூப்பர்ஹிட் அரசியல் பதிவுகள்- 2011

2012-01-02T11:23:00.002+05:30

கடந்த வருடம் சட்டமன்றத்தேர்தல், உள்ளாட்சித்தேர்தல்,ஆட்சி மாற்றம், கூட்டணி மாற்றம், மத்திய மாநில மந்திரிகளின் பதவி பறிப்பு என்று தமிழக அரசியல் களம் பரபரப்பாகவே இருந்தது. பத்திரிகைகளுக்கு இணையாக பதிவர்களும் எழுதி குவித்தனர். நான் மட்டும் விதிவிலக்கா என்ன.....
நானும் சில அரசியல் பதிவுகள் எழுதினேன். அதில் பெரும் வரவேற்பை பெற்று ஹிட்டான சில அரசியல் பதிவுகள்.

ஆனந்தவிகடனின் தேர்தல் கணக்கும், கூட்டிக்கழித்து பார்த்த நானும்....

ஜெயலலிதாவிடம் கேப்டன் சோல்ஜரான சோர வரலாறு

விஜயகாந்த் + அண்ணா தி.மு.க-கூட்டணி= பலமா? பலவீனமா?

முடிவுக்கு வரும் மூன்றாவது அணி நாடகம்(அரசியல் பக்கங்கள்)

அய்யய்யோ....108 ஆம்புலன்சை "அதுக்கு" பயன்படுத்தாதீங்க...

தி.மு.க-வை வீழ்த்திய ஐம்பெரும் சக்திகளும், நமக்கு உணர்த்தும் பாடமும்....

முதல்வர் செல்வி ஜெ.ஜெயலலிதாவிற்கு ஒரு பகிரங்க கடிதம்....

ஜெயலலிதா முதல்வராகி விட்டார்.....இனி இப்படியெல்லாம் நடக்கலாம்?.........

இத்தாலி அன்னையும், கொலம்பியா மருமகனும், பின்னே தமிழக காங்கிரசும் .....

ஜெயலலிதாவுக்கு அண்ணா நூற்றாண்டு நூலகம் எழுதிய கடிதம்......

தெளிந்த கேப்டனும், ஏமாந்த மக்களும்.....

காங்கிரசின் வாய்சவடால் வீரர்களும், பதப்படுத்தப்பட்ட மம்மியும்.......

ஜரூராய் அரங்கேறிய ஜெயா-சசி நாடகமும், மொட்டை போடப்பட்ட ரத்தத்தின் ரத்தங்களும்....

ஜெயலலிதா புனிதரா? கைப்பாவையா?... சில சந்தேகங்கள்.....

நானும் சொல்லிக்கிறேனுங்கோ......

2012-01-01T17:38:00.001+05:30

ஹாய்....எப்படி இருக்கீங்க?....கடந்த வருடம் சந்தித்தது. மீண்டும் உங்களை சந்திப்பதில் பெரும் மகிழ்ச்சி.

வலைப்பூ நண்பர்கள் அனைவருக்கும் புத்தாண்டு வாழ்த்துக்களை நானும் சொல்லிக்கிறேனுங்கோ....

உங்கள் வாழ்வில் அனைத்து வளங்களையும் பெற இந்த ஆண்டு உதவட்டும் என்று இறைவனை வேண்டுகிறேன்.

கனத்த இதயத்துடன் நான் விடைபெறுகிறேன் நண்பர்களே.....

2011-12-31T11:11:00.003+05:30

இதுவரை
நான் உங்களில் சிலருக்கு
மகிழ்ச்சியை தந்திருக்கலாம்
சிலருக்கு சோகத்தை தந்திருக்கலாம்
சிலருக்கு வேதனையை தந்திருக்கலாம்
சிலருக்கு சந்தோசத்தை தந்திருக்கலாம்
சிலருக்கு சங்கடத்தை தந்திருக்கலாம்
சிலருக்கு ரணத்தை தந்திருக்கலாம்..
சிலருக்கு இழப்பை தந்திருக்கலாம்.
சிலருக்கு இழப்பை தந்திருக்கலாம்
அதற்காக உங்கள்
அனைவரிடமும் மன்னிப்பு
கேட்டுக்கொள்கிறேன்.
அதெற்கெல்லாம் வரும்
ஆண்டாவது உங்களுக்கு
மருந்திடும் என்று நம்பிக்கையில்
புறப்படுகிறேன்...
இனி உங்கள் வாழ்நாளில்
நான் உங்களைத்தேடி
மீண்டும் ஒருமுறை
வரவே மாட்டேன்.
கனத்த இதயத்துடன்......
இன்றோடு நான்
விடைபெறுகிறேன்

இப்படிக்கு
2011

டிஸ்கி: சனியன் விட்டுச்சுன்னு வந்திருந்தீங்கன்னா.... அதுக்கு கம்பெனி பொறுப்பல்ல....என்னடா இவன் போன வருஷம் போட்ட பதிவையே, இப்போது கொஞ்சம் மாற்றி மீண்டும் போட்டுட்டானே என்று நினைக்கவேண்டாம். ஏனெனில், நான் வருடத்திற்கு ஒரு பேச்சு பேசுபவன் அல்ல. எப்போதும் ஒரே பேச்சுதான்.

நம் புகைப்படங்களை வைத்து விதவிதமாக காலண்டர் செய்ய.....

2011-12-30T11:24:00.002+05:30

சமீபத்தில் ஒரு அருமையான தளம் என் பார்வையில் பட்டது. நமக்கு பிடித்தமானவர்களின் புகைப்படத்தை வைத்து காலண்டர் செய்யும் தளம் அது. புதுவருடம் பிறக்கப்போகும் இவ்வேளையில் நண்பர்களுக்கு பயனளிக்குமே என்று இதை பகிர்ந்துகொள்கிறேன். அந்த தளத்தின் மூலம் என் பையனின் புகைப்படத்தை வைத்து நான் செய்த காலண்டர் கீழே....

இதோ அந்த தளத்திற்கு செல்வதற்கான சுட்டி

இன்றே கடைசி....

மேல் விபரங்களுக்கு

எம்.ஜி.ஆர்., சாகல....இன்னும் உயிரோடுதான் இருக்கார்....- ஒரு ஃபிளாஷ்பேக்...

2011-12-26T11:59:00.004+05:30

அப்போது எனக்கு பத்து வயசு இருக்கும். ஒரு நாள் காலை வழக்கம்போல் தண்ணீர் பிடிக்க குழாயடிக்கு போன என் அம்மாவோடு நானும் போயிருந்தேன். அங்கே ஒரே பரபரப்பு...
கூடியிருந்த பெண்களெல்லாம்
”எம்.ஜி.ஆரு செத்துப்போயிட்டாராம்” என்று பேசிக்கொண்டு இருந்தனர்.

”நீ வேற அவரு செத்துருக்கமாட்டாரு இது அந்த சூரிய கச்சி கருணாநிதியோட பொய்யா இருக்கும்” என்று ஜெயலலிதாவின் ஜெராக்ஸ் போலவே பேசினார் ஒரு பெண்மணி.

இன்னொரு பெண்ணோ...எம்.ஜி.ஆரெல்லாம் சாகற ஆளா?...அவரு சாகல...உயிரோடதான் இருக்காரு..ன்னு சொன்னார்.

”போடி போக்கத்தவளே....காலையில ரேடியாக்காரன் சொன்னான். பொய்யா சொல்லிருக்கப்போறான்”.
மெல்ல மெல்ல விஷயம் காட்டித்தீ போல பரவியது.
எனக்கும் எம்.ஜி.ஆரை தெரியும். எப்படி தெரியுமா எனக்கு எம்.ஜி.ஆர்., அறிமுகமானார்?

1984-ஆம் ஆண்டில் எங்கள் அறந்தாங்கி தொகுதியில் திருநாவுக்கரசு (இப்போது திருநாவுக்கரசர்) போட்டியிட்டபோது, எங்கள் ஊருக்கு திற்ந்தவெளி ஜீப்பில் பிரச்சாரத்துக்கு வந்தார். அதில் எம்.ஜி.ஆர்.,படம் ஒட்டியிருக்கும். எனக்கு அப்போது தெரியாது இவர்தான் எம்.ஜி.ஆர்.என்று. இருந்தாலும் திருநாவுக்கரசு ஜீப்பிற்கு பின்னாடிப்போவேன். ஆங்காங்கே ஆராத்தி எடுக்கும் மக்களுக்கு ஒரு ஐந்து ரூபாய் சலவை தாளை கையில் திணிப்பார்கள். எனக்கும் அப்படி ஒரு ஐந்து ரூபாய் கிடைத்தது. ஒரு டீ முப்பது காசு விற்றகாலத்தில் ஐந்து ரூபாய் என்பது எவ்வவளவு பெரிய காசு..அந்த பணத்தை சிலவே செய்யாமல் பாட புத்தகத்தின் நடுவே மயிலிறகிற்கு பக்கத்தில் இதையும் வைத்து வைத்து பார்த்துக்கொண்டிருந்தேன். சரி.... விஷயத்திற்கு வருகிறேன்.

அந்த பிரச்சார ஜீப்பில் ஒட்டப்பட்டிருக்கும் எம்.ஜி.ஆர்., படத்தை காட்டி இது யாரு என்று தெரியாமல் ஒருவரிடம் கேட்டு தொலைந்துவிட்டேன்.
உடனே அவரு கோபமாகி இவரைத்தெரியாதா? இவருதான் எம்.ஜி.ஆரு.... நீ எல்லாம் என்னத்தை படிச்சியோ? என்றார்.
நான் என்னவோ அந்த ஏழு வயசில் கலக்டருக்கு படிச்சிட்டதா நினைச்சிருப்பார் போல...
அண்ணே இவரா எம்.ஜி.ஆரு?....படம்லாம் நடிப்பாரே அவரா இவரு?....என்ன இப்படி கண்ணாடி தொப்பிலாம் போட்டிருக்காரு?... படத்துல இப்படி இருக்கமாட்டாரே?....ன்னு கேள்விக்கணைகளால் துளைத்தெடுத்தேன். (நிஜம்தான் எம்.ஜி.ஆர்., ஒரு ஹீரோவாக, மிகவும் அழகாக, தொப்பி கண்ணாடி இல்லாதவராகவே சினிமாவில் பார்த்திருந்ததால் எனக்கு அவரின் பிம்பம் அப்படித்தான் நினைவில் இருந்தது)

அடே...அது சினிமாவுலடா... இப்ப அவரு இப்படித்தான் இருப்பாரு...ன்னு சொன்னார் அந்த அண்ணன்.
இருந்தாலும் எனக்கு நம்பிக்கை வரவில்லை. அரசியல்வாதி எம்.ஜி.ஆர்.,வேறு....சினிமா நடிகர் எம்.ஜி.ஆர் வேறு என்றே நினைத்திருந்தேன். வீட்டிற்கு வந்ததும் என் சட்டை பையில் இருந்த தொப்பி,கண்ணாடி அணிந்த எம்.ஜி.ஆர்., படத்தை எடுத்து, வீட்டில் இருந்த ஏதோ ஒரு (படத்தில் பெயர் நினைவில் இல்லை) எம்.ஜி.ஆர்., பட போஸ்டரை . (தினத்தந்தி கடைசி பக்கத்தில் வரும் ஸ்டாம்ப் சைஸ் பேப்பர் கட்டிங்க்) எடுத்து வைத்து ஒப்பிட்டு பார்த்தேன். லேசாக வித்தியாசம் தெரிந்தது. இருந்தாலும் திருப்தி இல்லை.

அரசியல்வாதி எம்.ஜி.ஆருக்கு என் பென்சிலை எடுத்து மீசை வைத்துப்பார்த்தேன். தொப்பியையும் கையை வைத்து மறைத்துவிட்டேன். லேசாக புலப்பட்டது...அந்த அண்ணன் சொன்னது சரிதான். அவருதான் இவரு...இவருதான் அவரு....என்ன கதை திசை திரும்பிருச்சோ?

சரி ஃபிளாஷ்பேக் முடிந்தது... இனி....எம்.ஜி.ஆர். மரணத்திற்கு போகலாம்...

எம்.ஜி.ஆரின் மறைவு செய்தி எல்லோருக்கும் எட்டியது. ரேடியோவை திறந்தால்... ஏதேதோ வாத்தியங்களை உருட்டி சோக கீதம் வாசித்தபடியே இருந்தார்கள். அப்போது இருந்த ஒரே சேனலான தூர்தர்சனிலும் இதேதான். எம்.ஜி.ஆர்., மரணத்தை நேரடியாக ஒளிபரப்பினார்கள்.

அப்போதெல்லாம் தெருவுக்கு இரண்டு சாலிடர், அல்லது டயனோரா டி.வி.தான் இருக்கும். தெளிவாக தெரிய ஒரு பூஸ்டரும் வைத்திருப்பார்கள். டி.வி.இருந்த வீடெல்லாம் ஒரே மக்கள் வெள்ளம். நானும் உட்கார்ந்து பார்த்தேன். எம்.ஜி.ஆரின் தலையருகே ஜெயலலிதா சோகமாக உட்கார்ந்திருந்தார். அப்போது எனக்கு தெரிந்ததெல்லாம் எம்.ஜி.ஆர்., கலைஞர், ஜெயலலிதா, ராஜீவ்காந்தி, திருநாவுக்கரசு ஆகிய அரசியல் தலை(வர்)கள் தான். அதிலும் திருநாவுக்கரசு எங்கள் தொகுதி எம்.எல்.ஏ,வாகவும் அமைச்சராகவும் இருந்தவர் என்பதால்தான் அவரையும் தெரியும்.

அவர்களில் அனைவரும் எம்.ஜி.ஆர்., மரணத்தின்போது வந்திருந்தார்கள். இடையிடையே ரஜினி, கமல், சிவாஜி என்று சினிமா பிரபலமும் வந்து அஞ்சலி செலுத்தினார்கள். ஹையா..ரஜினி...ஹையா கமல் என்று என்னைப்போன்று சிறுவர்கள் மத்தியில் ஒரே ஆராவாரம். இந்த ஆராவாரம் யாரையோ எரிச்சல் அடைய செய்தது போல...என் தலையில் ஒரு குட்டு...யாரென்று பார்த்தால் யார் வீட்டில் டி.வி.,பார்த்துக்கொண்டிருக்கிறோமோ அந்த வீட்டின் உரிமையாளர்...
என்னடா சத்தம் போடுறே....எந்திரிச்சு போடா...என்னமோ இவனுக்கு அரசியல் தெரிஞ்சதுபோல பார்த்துக்கு இருக்கான் என்று சொல்லி இல்லை..இல்லை திட்டி வெளியே அனுப்பிவிட்டார். அவமானத்துடனும், ஆற்றாமையுடனும் வெளியே வந்தேன்.

அப்போது முடிவு செய்ததுதான்...அரசியலை தேடி தேடி படிக்க வேண்டும் என்று....அதன்பிறகு 1989 தேர்தலில் சுவற்றில் நோட்டீஸ் ஒட்டும் அளவிற்கு வளர்ந்தேன்.இதில் இன்னொரு காமெடி என்னவென்றால்...யாரால் எனக்கு அரசியல் தெரியாது என்று வெளியேற்றப்பட்டேனோ அவரே இப்போது சில அரசியல் சந்தேகங்களை என்னிடம்தான் கேட்கிறார். அய்யோ மறுபடியும் கதை திசை திரும்பிருச்சே....மறுபடியும் விஷயத்திற்கு வருகிறேன்.

டி.வி.,பார்க்கமுடியாமல் வெளியேறிய நான் அப்படியே கடைத்தெருவிற்கு வந்தேன். அங்கே ஒரு கரண்ட் கம்பத்தில் போட்டோவாக சாய்ந்திருந்தார் எம்.ஜி.ஆர். ஒரு பூ மாலையுடன். திரும்பவும் வீட்டிற்கு வந்தேன். மதியத்திற்கு மேல் மீண்டும் கடைத்தெருவிற்கு சென்றேன். ஒரு கூட்டம் கூடியிருந்தது. கூட்டத்தின் ஆரம்பத்தில் ஒருவர் எம்.ஜி.ஆர்.,படத்தை கையில் பிடித்தபடி நடந்துகொண்டிருந்தார். மொத்தக்கூட்டமும் அவர் பின்னால் சென்றது. எதற்கு இப்படி என்று புரியவில்லை எனக்கு...
கூட்டத்தில் வந்த ஒருவரிடம் கேட்டேன்
அண்ணே...எதுக்குண்ணே இப்படி போறீங்க?

இன்னைக்கு எம்.ஜி.ஆர்.,செத்துப்போயிட்டாருல்ல அதான் அமைதி ஊர்வலம் போறோம்...என்றார்.

இப்போது நான் தெளிந்திருந்தேன் நடிகர் எம்.ஜி.ஆரும், அரசியல்வாதி எம்.ஜி.ஆரும் ஒருவர்தான் என்று.....

இன்றே கடைசி....

மேல் விபரங்களுக்கு

-------------------------------------------------------

சு.........னா.........மி - சில நினைவுகள்.......

2011-12-26T09:31:00.001+05:30

நான் அப்போது மலேசியாவில் சிரம்பான் என்ற பகுதியில் வேலை பார்த்துக்கொண்டிருந்தேன். டிசம்பர் 26- ஆம் தேதி காலை சென்னையிலிருக்கும் என் நண்பரிடம் பேசுவதற்காக போன் செய்தேன். அதுவும் எதார்த்தமாக.....

அப்போதுதான் அவர் அந்த விஷயத்தை சொன்னார். சென்னையில் கடல் கடுமையாக கொந்தளித்து விட்டது. மெரினாவிற்கு அருகிலிருக்கும் இடங்களிலெல்லாம் கடல் நீர் புகுந்துவிட்டது. எல்லாம் மிதக்கிறது என்றார். அப்போதெல்லாம் நமக்கு சுனாமி என்ற பெயர் பரிச்சயமானதில்லை என்பதால் கடல் கொந்தளிப்பு என்றே சொன்னார். சாதாரணமான விஷயமாகவே அதை எடுத்துக்கொண்டேன். நிலைமையின் வீரியம் அப்போது எனக்கு புரியவில்லை. எனக்கு மட்டுமல்ல பெரும்பாலான மக்களுக்கும் தான்.

அதன்பிறகு வந்த செய்தியெல்லாம் விபரீதமாகவே வந்துகொண்டிருந்தது. இது சென்னையில் மட்டுமல்ல....உலக அளவில் ஏறத்தாழ நிறைய நாடுகளில் இப்படி கடல் கொந்தளிப்பு ஏற்பட்டு அதிக உயிரிழப்பு ஏற்பட்டுவிட்டது என்று செய்திகள் வந்தவாறு இருந்தது. இதற்கு என்ன பிரச்சினை என்று பார்த்தபோது இந்தோனேசியாவிலிருக்கும் சுமத்ரா தீவில் சக்திவாய்ந்த நிலநடுக்கம் வந்ததன் தொடர்ச்சிதான் இது என்பதாகவும், அதற்கு சுனாமி என்றும் ஒரு விளங்காத பெயரையும் சொன்னார்கள். சுனாமியை ஆழிப்பேரலை என்று தமிழ்படுத்தியும் சொன்னார்கள்.

எனக்கு தெரிந்த இந்தோனேசியா நண்பர்களிடம் விசாரித்தபோது அங்கு அடிக்கடி இப்படி நிலநடுக்கம் நடப்பது வாடிக்கையான ஒன்று இந்த நிலநடுக்கத்தை ஒரு வழக்கமான நிகழ்வாகவே பார்த்தார்களே தவிர சீரியசாக எடுத்துக்கொள்ளவில்லை.சுனாமி என்ற பெயரையெல்லாம் அவர்கள் அறிந்திருக்கவில்லை. அதன்பிறகே அவர்களுக்கும் அது உரைத்தது. ஆங்காங்கே சீனர்கள் கூடி சுனாமியை பற்றி விவரித்தவண்ணம் இருந்தனர். சுனாமியை என்றால் என்னவென்று அவர்களுக்கு ஏற்கனவே தெரிந்திருக்கிறது. அனைத்து இடங்களிலும் சுனாமியை பற்றியே பேச்சாக இருந்தது. நேரம் கூட,கூட சாவு எண்ணிக்கை உயர்ந்துகொண்டே இருந்தது.
இந்தோனேசியாவில் அதிக உயிரிழப்பு என்று சொன்னார்கள் தொலைக்காட்சிகளில்...

சென்னை, வேளாங்கன்னி, நாகப்பட்டிணம் போன்ற தமிழக கடற்கரை பகுதிகள் கடுமையாக பாதிக்கப்பட்டிருப்பதாக சொன்னார்கள் தமிழக நண்பர்கள்.

மலேசியா ஒரு தீவாக இருந்தபோதிலும் சுனாமியால் அதிகம் பாதிக்காத அதிகம் உரியிழப்பு இல்லாத நாடாக இருந்ததில் மலாய்காரர்கள் முகத்தில் நிம்மதி.
அதேநேரம், மலேசியாவிலிருந்து இந்தோனேசியா உட்பட பல நாடுகளில் படிக்க, சுற்றுலா போனவர்களை பற்றிய கவலையும் அவர்களுக்கு தொற்றியது. அன்றைய பொழுதும் அதற்கடுத்த ஒரு வாரப்பொழுதும் மிகவும் கவலையாக கழிந்தது எனக்கு....

சுனாமி என்ற பெயரையே அறிந்திடாத மக்களின் மனதில் அந்தப்பெயர் அழிக்கவே முடியாமல் பச்சை குத்தப்பட்ட நாள் அது. சுனாமியின் கோரத்தாண்டவத்தை இன்னும் எத்தனை நாள் கழித்தாலும் மறக்கவே முடியாது. ஆற்றவே முடியாத ரணம் அது.

பாரிஸ் தமிழ் பரிசு போட்டி....

மேலும் விபரங்களுக்கு....

இந்த லிங்கை கிளிக்கவும்

எம்.ஜி.ஆரை ஏமாற்றிய இந்திரகாந்தியும், இ.காங்கிரசும்....

2011-12-24T11:56:00.003+05:30

முந்தைய பாகங்கள் 1, 2, 3, 4,

பாண்டிச்சேரியில் மைனாரிட்டி அண்ணா.தி.மு.க.,அரசு நீடிக்க இந்திராகாந்தியின் ஆதரவை நாடினார் எம்.ஜி.ஆர்., ஆதரவு தருவதாக கூறிய இந்திரா ஒரு நிபந்தனை விதித்தார். அதாவது....அசோக் லேலாண்ட் அதிபர் ரங்கனாதனை இ.காங்கிரஸ் சார்பில் மாநிலங்களவை எம்.பி.யாக்க விரும்பிய இந்திரா, அவருக்கு அண்ணா.தி.மு.க.,எம்.எல்.ஏ.,க்கள் ஆதரவு அளித்தால் பாண்டிச்சேரியில் இ.காங்கிரஸ் எம்.எல்.ஏ.,க்கள் அண்ணா.தி.மு.க.,ஆட்சி தொடர ஆதரவு அளிப்பார்கள் என்றார் இந்திரா. அதன்படியே எம்.ஜி.ஆரும் ஒத்துக்கொண்டார். அதன்படி ரங்கனாதன் ராஜ்யசபா எம்.பி.,யானார்.

ஆனால், பாண்டிச்சேரியிலோ.....
அண்ணா.தி.மு.க.,வளருவதை விரும்பாத இந்திராகாந்தி தன் கட்சி எம்.எல்.ஏ.,க்களை அண்ணா.தி.மு.க.,ஆட்சிக்கு எதிராக வாக்களிக்கவைத்து எஸ்.ராமசாமியின் ஆட்சியை கவிழ்த்தார். இந்திரா தன்னை ஏமாற்றி துரோகம் செய்துவிட்டதை எம்.ஜி.ஆர்., உணர்ந்திருந்தாலும் மத்தியில் சர்வ பலத்துடன் இருக்கும் அவரை எதிர்த்து ஏதும் செய்யமுடியாமல் அமைதியாகிவிட்டார்.

அதன்பின் தன் இருப்பை காட்ட எம்.ஜி.ஆர்.,ஆட்சியிலிருந்த தி.மு.க.,வை எதிர்த்து அவ்வப்போது போராட்டங்கள் நடத்திக்கொண்டிருந்தார். அப்போதுதான், கச்சத்தீவு பிரச்சினை வந்தது. 1974-ஆம் ஆண்டு அப்போதைய இலங்கை பிரதமர் சிறிமாவோ பண்டாரநாயகா இந்தியா வந்து பிரதமர் இந்திராவை சந்தித்து பேச்சு வார்த்தை நடத்தினார்.
பேச்சின் முடிவில் கச்சத்தீவை இலங்கைக்கு தாரைவார்க்க முடிவு செய்தார் இந்திரா.

இதையறிந்த முதல்வர் கலைஞர், டெல்லிக்கு சென்று கச்சத்தீவு இந்தியாவிற்கே சொந்தம். அதை இலங்கைக்கு கொடுக்கக்கூடாது என்று தகுந்த ஆதாரத்துடன் விளக்கினார். ஆனாலும், பிடிவாதமாக இருந்தார் இந்திரா. நிலைமை கைமீறிப்போவதை உண்ர்ந்த கலைஞர், அனைத்துக்கட்சி கூட்டத்தை கூட்டினார். அதில் அண்ணா.தி.மு.க.,சார்பில் அரங்கநாயகம் கலந்துகொண்டார்.

மத்திய அரசுக்கு எதிராக ஒரு தீர்மானம் தயாரானது. அனைத்துக்கட்சி தலைவர்களும் கையெழுத்திட்டபோது அண்ணா.தி.மு.க.,பிரதிநிதி அரங்கநாயகம் மட்டும் கையெழுத்திடவில்லை. மாறாக, இந்த பிரச்சினை தொடர்பாக தி.மு.க.,அரசு பதவி விலக வேண்டும் என்று எதிர்ப்புக்குரல் எழுப்பி வெளிநடப்பு செய்தார். ஆயினும் தீர்மானம் நிறைவேறியது.

அதன்பின் சென்னையில் அமைக்கப்பட்ட ராஜாஜி நினைவில்லத்தை திறந்து வைக்குமாறு ஜெ.பி.,என்ற ஜெயப்பிரகாஷ் நாராயணனை அழைத்தார் கலைஞர். இந்த அழைப்பை தனக்கு சாதகமாக பயன்படுத்த நினைத்த எம்.ஜி.ஆர்., ஜெ.பி.,அவர்கள் தமிழ் நாட்டிற்கு வந்து ஊழல் எதிர்ப்பு பிரச்சாரத்தை தொடங்கவேண்டும் என்று தென்னகம் நாளிதழ் மூலமாக ஒரு கடிதம் எழுதினார். அந்த கடிதத்தில் தி.மு.க.,எதிர்ப்பே பிரதானமாக இருந்ததை கவனிக்க தவறவில்லை ஜெ.பி.,

திட்டமிட்டபடியே சென்னை வந்து ராஜாஜி நினைவில்லத்தை திறந்துவைத்த ஜெபி., எம்.ஜி.ஆரின் கடித விஷயத்தையும் தொட்டார்.

எம்.ஜி.ஆரின் கடிதத்தில் இருந்த வாசகங்கள் மிகவும் தரம் குறைந்த கசப்பான வசைகள். தி.மு.க.,அரசு மீது ஊழல் குற்றச்சாட்டு கூறுவதால் மட்டும் அந்த அரசு ஊழல் உள்ள அரசு என்றாகிவிடாது. தன் மீது ஊழல் குற்றச்சாட்டு சுமத்தப்பட்டவுடன் அதற்கான பதில்களை அச்சடித்து சட்டமன்றத்தில் வைத்தவர் இந்திய முதல்வர்களிலேயே கலைஞர் கருணாநிதி மட்டும்தான். இது யாரும் செய்யாத முன்மாதிரி. குற்றம் சுமத்துவது சுலபம், அதை நிருபிப்பது கடினம் என்று பேசி எம்.ஜி.ஆரை சங்கடப்படுத்தினார்.

இது நடந்த ஒரு மாதத்திற்குள்ளாகவே இந்தியாவை உலுக்கிய எமெர்ஜென்ஸி பிரகடனப்படுத்தப்பட்டது.

இன்னும் வ(ள)ரும்.....

நேற்று படிக்காமல் விட்டவர்களுக்காக.....

ஜெயலலிதாவை காப்பாற்றிய நடராஜன்....

2011-12-23T13:20:00.003+05:30

அது 1989-ஆம் ஆண்டு, அண்ணா.தி.மு.க., ஜானகி அணி- ஜெயலலிதா அணி என்று இரு பிரிவுகளாக பிளவுபட்டு தேர்தலை சந்தித்தது. அந்த தேர்தலில்தான் ஜெயலலிதா முதன்முதலாக (போடி தொகுதியில்) போட்டியிட்டு வென்றார்.

அதன்பின் சில நெருக்கடிகளால் அரசியலிலிருந்தும், எம்.எல்.ஏ.,பதவியிலிருந்தும் விலக முடிவு செய்த ஜெயா அதை ஒரு ஒரு கடிதமாக எழுதினார். அந்தக்கடிதத்தை சபாநாயகருக்கும் அனுப்ப முடிவு செய்தார். ஜெயலலிதாவின் இந்த முடிவை அறிந்த சசிகலாவின் கணவர் நடராஜன் அவசரப்படவேண்டாம் என்று ஜெயலலிதாவை சமாதானப்படுத்தி அந்தக்கடிதத்தை தன் வீட்டில் பத்திரப்படுத்தினார்.

அதன்பின் சில நாட்களில் நடராஜன் வீட்டில் நடந்த சோதனையில் அந்தக்கடிதம் போலீசார் கைகளில் சிக்கியது. அடுத்த நாள் வெளிவந்த நாளிதழ்களில் ஜெயலலிதா ராஜினாமா பற்றிய செய்தி வெளிவந்தது. இதையறிந்த ஜெயலலிதா வழ்க்கம்போல் இது கருணாநிதியின் சதி என்று கண்டனம் தெரிவித்தார்.

அதற்கு அடுத்த நாள் கூடிய சட்டமன்றத்திலும் இது எதிரொலித்தது. தொடர்ச்சியாக கலைஞர் பட்ஜெட் உரையை படித்தபோது, அண்ணா.தி.மு.க., உறுப்பினர்களால் அந்தபட்ஜெட் உரை பறிக்கப்பட்டு கிழிக்கப்பட்ட சம்பவமும் நடைபெற்றது.

அன்று மட்டும் ஜெயாவின் ராஜினாமாவை நடராஜன் தடுக்காமல் விட்டுருந்தால், இப்போது ஜெயலலிதா அரசியலிலிருந்தே ஒதுங்கியிருப்பார். ஒருவேளை தன் சக நடிகைகளான வெண்ணிற ஆடை நிர்மலா, லதாவைப்போல் ஏதேனும் சினிமா அல்லது சீரியல்களில் அம்மா, அத்தை, வில்லி வேடங்களில் நடித்துக்கொண்டிருப்பார்.
அந்த வகையில், இன்று அரசியல்வானில் ஜெ., ஜொலிப்பதற்கு நடராஜனும் ஒரு காரணம்.

ஜெயலலிதா புனிதரா? கைப்பாவையா?... சில சந்தேகங்கள்.....

2011-12-22T12:26:00.001+05:30

சசிகலாவை அண்ணா.தி.மு.க.,விலிருந்து வெளியேற்றியதன் மூலம் ஜெயலலிதா புனிதமடைந்து விட்டார். இதுவரை நடந்த அத்தனை தவறுகளுக்கும் சசிகலாவே காரணம் என்பதுபோல் இந்த ஊடகங்கள் எழுதித்தள்ளி வருகிறது. இது எந்த அளவில் உண்மை? என்று பார்ப்போம்.

1) அத்தனை தவறுகளுக்கும் சசிகலா தான் காரணமா?

அப்படி சொல்லமுடியாது. சசிகலாவும் ஒரு காரணம். அண்ணா.தி.மு.கவிலிருந்து வெளியேறிவர்களும், வெளியேற்றப்பட்டவர்களும் வைக்கும் வழக்கமான குற்றச்சாட்டு அண்ணா.தி.மு.க.,வில் சசிகலாவின் ஆதிக்கம் அதிகமாகிவிட்டது என்பதுதான். அது அவர்களின் உள்கட்சிப்பிரச்சினை. ஆனால், பல லட்சம் மக்கள் வாக்களித்து ஆட்சிப்பொறுப்பை எற்ற ஜெயலலிதா, ஆட்சி,அதிகாரத்தில் சசிகலாவை நுழைத்ததை எப்படி ஏற்கமுடியும்?
கட்சியில் இரண்டாம் கட்டத்தலைவர்களுக்குக்கூட கிடைக்காத மரியாதை ஒரு சதாரணமான உறுப்பினரான சசிக்கு கிடைத்ததென்றால் அது ஜெயலலிதாவின் தோழி என்ற உரிமையில்தான்.
அந்த உரிமையில்தான் ஆட்சி, அதிகாரத்தில் அதிகமாக மூக்கை நுழைத்துள்ளார் சசி. அதை அப்போதே தடுத்திருக்கனும் ஜெயா. ஆனால், அப்போதெல்லாம் அனுமதித்துவிட்டு, இப்போது தனக்கு பிரச்சினை என்றதும் பழியை சசி மீது போடுவதை ஏற்க்கமுடியாது. இத்தனை தவறுகளுக்கும் சசிகலா மட்டுமே காரணம் என்று ஒத்துக்கொண்டால், ஆட்சிசெய்யத்தெரியாத, ஆட்சி செய்யமுடியாத, சசிகலாவின் கைப்பாவையாக செயல்பட்ட ஒருவரிடம் தான் 3 முறை ஆட்சி பொறுப்பை ஒப்படைத்துள்ளேம் என்பதையும் நாம் ஏற்றுக்கொள்ளத்தான் வேண்டும்.

2) இதை ஒப்பிட்டு ஒரு குட்டிக்கதை சொல்லுங்களேன்...
ஒரு ராஜா, ஆட்சியை விட்டு இறங்கும்போது புதிதாய் பொறுப்பேற்க இருக்கும் ராஜாவை அழைத்து, ஒரு பெட்டியை கொடுத்து இதை நீ வைத்துக்கொள், ஆட்சி செய்யும்போது நிறைய பிரச்சினைகள் வரும். அப்படி வரும் பிரச்சினையை உன்னால் சமாளிக்க முடியாதபோது இந்தபெட்டியை திறந்துபார். இதில் ஒரு கடிதம் இருக்கும். அதைப்படித்து அதன்படி நடந்தால் சமாளிக்கலாம் என்று சொல்லிவிட்டு சென்றார். புதிய ராஜாவும் ஆட்சிபுரிந்தார். சிலகாலத்திற்கு பின் பிரச்சினை வந்தது. அதை சமாளிக்க முடியாமல் தவித்தபோது பழைய ராஜா கொடுத்த பெட்டி நினைவுக்கு வந்தது. அந்தப்பெட்டியை திறந்து உள்ளே இருக்கும் கடிதத்தை பிரித்தான். அதில்,
எல்லாப்பிரச்சினைக்கும் காரணம் முந்தைய ராஜாதான் என்று என் மீது பழியைப்போட்டுவிட்டு நீ தப்பித்துக்கொள் என்று எழுதியிருந்தது. அதன்படி பழைய ராஜா மீது பழியைப்போட்டு தற்போதைய ராஜா தப்பித்தானாம்.

3)இப்போது சசி இடத்தில் சோ ராமசாமி வந்திருப்பதாக செய்திகள் வருகிறதே?

யார் வேண்டுமானாலும் வரலாம். ஆனால், ஆட்சி,அதிகாரத்தில் தலையிடாதவரை பிரச்சினையில்லை. அப்படி தலையிட்டு வேறு ஏதாவது பிரச்சினை வந்தால், இப்போது சசி மீது வைக்கப்படும் அதே குற்றச்சாட்டுதான் சோ மீதும் வைக்கப்படும் என்பதை மறுப்பதற்கில்லை. ஆனால், ஒவ்வொரு முறையும் ஒவ்வொருவரையும் குற்றம் சொல்வதை விடுத்து ஆட்சியையே அவர்களிடம் ஒப்படைத்து விடலாம்.

4) சசிகலா நடராஜனை ரகசியமாக சந்தித்த்தாக சொல்லப்படுகிறதே?

ரகசியமாக சந்திக்கும் அளவிற்கு நடராஜன் யாரோ அல்ல...சசியின் கணவர்.
தன் கணவரையே ரகசியமாக சந்திக்கும் அளவிற்கு நிலைமையை கொண்டுபோனது ஆட்சி அதிகார போதையில் இருந்த சசிகலாவின் தப்பு.

5) அப்படி சந்திக்கக்கூடாது என்பது கட்சியின் கட்டுப்பாடாக இருந்திருந்தால்?
கட்சிக்கட்டுபாடு என்பது கணவன் மனைவியையுமா கட்டுப்படுத்தும். அப்படி ஒரு கட்டுப்பாடு விதித்ததும் அதை எதிர்த்து அப்போதே சசி குரல் கொடுத்திருக்க வேண்டும். கணவரைவிட அதிகாரம்தான் முக்கியம் என்று அப்போது அமைதியாக இருந்ததால் தான் இப்படி. ஆனால் ஒன்று சசிகலா நடராஜனை மட்டுமல்ல
தாமரைக்கனிக்கு எதிராக அவர் மகன் இன்பத்தமிழனையே கொம்பு சீவி விட்டவர் ஜெயா....தாமரைக்கனி மறைவிற்கு பின் இன்பத்தமிழன் காணாமல் போய்விட்டார்.
அதுபோல சொல்லின்செல்வர் என்று அழைக்கப்பட்ட ஈ.வி.கே.சம்பத்தின் மனைவியான சுலோச்சனா சம்பத்தை தன்கட்சியில் வைத்துக்கொண்டு, அவர் மகனான ஈ.வி.கே.எஸ். இளங்கோவனுக்கு எதிராக பேச வைத்ததும் ஜெ.,தான். என் மகனுக்கு பைத்தியம் பிடித்துவிட்டது என்று சுலோச்சனா சம்பத் கூறினார். இப்படி கட்சி கட்டுப்பாடு என்ற முறையில் நிறையவே நடந்திருக்கிறது. அதேநேரம் கட்சிக்கட்டுப்பாடு குடும்பத்தை பிரிக்குமளவிற்கு பதவி சுகமும், அதிகார போதையும் அவர்கள் கண்ணை மறைத்துவிட்டது என்றும் சொல்லலாம்.

6) நடராஜனையும் நீக்கிவிட்டதாக சொல்லியிருக்காரே ஜெ?
இதுதான் எனக்கு புரியவில்லை. அவரை ஏற்கனவே நீக்கியதாக சொல்லியவர் ஜெ... மறுபடியும் நடராஜன் எப்போது கட்சியில் சேர்ந்தார் என்று தெரியவில்லை. நீக்கியவரையே இன்னொறு முறை நீக்கும் காமெடி இங்குதான் நடக்கிறது.

7)இனிமேல் யாரும் சசி குடும்பத்தோடு தொடர்பு வைத்துக்கொள்ளக்கூடாது என்று அறிவித்திருக்காரே?

அப்படின்னா டாஸ்மாக்கே இயங்காதே...சரக்கு சப்ளை செய்யும் மிடாஸ் நிறுவனம் சசிகலாவுக்கு சொந்தமானது என்றுதானே சொல்லுகிறார்கள்.

சசிகலா அப்ரூவராகிறார்- ஜெ.,க்கு ஆப்பு ரெடி.....

2011-12-21T10:33:00.002+05:30

அண்ணா.தி.மு.க.,விலிருந்து மன்னார்குடி குடும்பத்தை ஜெயலலிதா நீக்கினாலும் நீக்கினார். பத்திரிகைகளுக்கும், பதிவர்களுக்கும் நல்ல தீனி கிடைத்துள்ளது. ஆளாளுக்கு பரபரப்பான தலைப்பிட்டு யூகங்களின் அடிப்படையில் எதையாவது எழுதி வருகின்றனர். அதில் உண்மை இருந்தாலும், கற்பனையும் கலந்து இருக்கிறது.

இன்று காலை வெளிவந்த பத்திரிகைகளான
ஜூனியர் விகடனில், கார்டனில் சசிப்பெயர்ச்சி என்றும்
குமுதம் ரிப்போர்ட்டரில், சீற்றம் தணியாத ஜெ என்றும்
நக்கீரனில், வெளியேற்றப்பட்ட சசிகலா! போய்ஸ் தோட்டத்தில் பூகம்பத்தை உண்டாக்கிய பெண்!

என்றும் பரபரப்பான தலைப்புகளிட்டு தங்களது சர்க்குலேசனை உயர்த்திக்கொண்டுள்ளது. அட.....இது என்னங்க தலைப்பு? இன்னும் பரபரப்பான தலைப்புகளை நான் தருகிறேன்.

1)சசிகலா அப்ரூவராகிறார்- ஜெ.,க்கு ஆப்பு ரெடி.....

2) நடராஜன் சசிகலா கைது- ஜெ.,அதிரடி....

3) சசிகலா சின்னம்மா ஆனது எப்படி- ஒரு மினி தொடர்

4) சசிகலா முதல்வராக திட்டம்- முறியடித்தார் ஜெ.,

5) கலக்கத்தில் சசிகலா ஆதரவு எம்.எம்.ஏ.,க்கள்

6) பொதுக்குழு உறுப்பினர்கள் ஆதரவு எனக்கே- சசிகலா அறிவிப்பு

7) என் மனைவியை நீக்க ஜெயலலிதாவுக்கு அதிகாரமில்லை - நடராஜன் பரபரப்பு பேட்டி.

என்றெல்லாம் தலைப்பிட்டு செய்திவெளியிட்டால் பத்திரிகை விற்பனை இன்னும் உயரும்.

டிஸ்கி: நீ மட்டும் ஒரு மேட்டரும் இல்லாமல், மொக்கையை போட்டு அதற்கு பரபரப்பு தலைப்பு வைத்திருக்கியே உனக்கு ஒரு நியாயம்? பத்திரிகைகளுக்கு ஒரு நியாயமா?என்று ஒரு கேள்வி உங்கள் மனதில் எழுந்தால்... அதை அழித்துவிடுங்கள். காரணம், பத்திரிகைகளைப்போல பரபரப்பு தலைப்பு வைத்து நான் லட்சங்களை சம்பாதித்தவன் அல்ல....

படிக்காமல் தவறவிட்டவர்களுக்காக....

ஜரூராய் அரங்கேறிய ஜெயா-சசி நாடகமும், மொட்டை போடப்பட்ட ரத்தத்தின் ரத்தங்களும்....

ஜரூராய் அரங்கேறிய ஜெயா-சசி நாடகமும், மொட்டை போடப்பட்ட ரத்தத்தின் ரத்தங்களும்....

2011-12-20T11:22:00.002+05:30

நேற்றுவரை கட்சியிலும், ஆட்சியிலும், போயஸ் தோட்டத்திலும் கோலோச்சிய மன்னார்குடி + விளார் குடும்ப உறுப்பினர்கள் அத்தனை பேரையும் மொத்தமாய் துடைத்து கட்சியில் தன் பிடியை இறுக்கியிருக்கிறார் ஜெயலலிதா. ஜெயலலிதாவின் உறுதியான நடவடிக்கை இது என்றும், அடப்போங்கப்பா...இது ஒரு நாடகம்...சீக்கிரமே சசிகலா கட்சிக்கு திரும்பிவிடுவார் என்றும் இரு வேறு கருத்துக்கள் றெக்கை கட்டி பறக்கிறது. எனக்கும் இது நாடகமாகவே தெரிகிறது.

ஏற்கனவே 1996-ஆம் ஆண்டு இப்படிப்பட்ட ஒரு நாடகம் அரங்கேற்றப்பட்டு, ஒரு சில மாதங்களிலேயே அது சுபம் போடப்பட்டதை இப்போது நினைவு கூற விரும்புகிறேன். ஜெயா ஆட்சிக்கும் வந்தாலும், வராவிட்டாலும் ஒவ்வொரு காலகட்டத்திலும் மன்னார்குடி குடும்பத்தின் பிடி கட்சியில் சற்று அதிகமாகவே இருந்திருக்கிறது. அரசியல் பரமபதத்தில் அவர்களுக்கு சில ஏற்ற இறக்கங்கள் இருந்தாலும் சசிகலாவின் குடும்ப உறுப்பினர்களான தினகரன், சுதாகரன், பாஸ்கரன், திவாகரன் போன்ற கரன்களும் டாக்டர் வெங்கடேஷ், ராவணன் என்று உறவினர்களும் முன்னிலை பெற்றே வந்திருக்கிறார்கள். இது எல்லாவற்றிற்கும் காரணம் ஜெ.,க்கு இருந்த சசிகலாவின் (கூடா)நட்புதான்.

வேட்பாளர்கள் தேர்வு, அமைச்சர்கள் தேர்வு, அதிகாரிகள் தேர்வு, தலைமை,மாவட்ட, ஒன்றிய நிர்வாகிகள் தேர்வு என்று அனைத்திலும் சசிகலாவின் பங்கு இருந்ததை ஜெயா அனுமதித்ததும் அந்த நட்பின் உரிமையில்தான். அந்த நட்பே தனக்கு ஆபத்தாக வரும்போது சில அதிரடி நடவடிக்கைகளை விரும்பியோ விரும்பாமலோ எடுக்கத்தான் வேண்டியிருக்கிறது. ஆனால், இது நிரந்தரமான முடிவல்ல...இதயப்பூர்வமான முடிவாகவும் இருக்காது. வழக்குகளிலிருந்து தப்பித்துக்கொள்ளவோ, தற்காத்துக்கொள்ளவோதான் இந்த நாடகம் என்பது எல்லோருக்கும் தெரியும்.

தனக்கு ஆபத்து வரும்போது தன்னை தற்காத்துக்கொள்ள பல்லி தன் வாலை தானாகவே துண்டித்துக்கொள்ளும். அப்படி துண்டிக்கப்பட்ட வால் துடிப்பதை எதிரிகள் பார்த்துக்கொண்டிருக்கும் அந்த சில வினாடிகளில் பல்லி தப்பித்து போய்விடும். மீண்டும் சில நாட்களில் புதிதாய் வளர்ந்த வாலுடன் அந்தப்பல்லி சுவரில் வலம்வரும்.
அதுபோல்தான் சசி நீக்கமும். நாளையே சசி ஒரு மன்னிப்பு கடிதம் கொடுத்தால் மீண்டும் கட்சியில் இணைத்துக்கொள்ளப்படுவார். கண்கள் பனித்து இதயம் இனிக்கும் நாடகம் இங்கேயும் அரங்கேற்றப்படும்.

ஏற்கனவே ஜெயலலிதாவை கடுமையாக விமர்சனம் செய்து வெளியேறியவர்களெல்லாம் தாக்குப்பிடிக்க முடியாமல் மீண்டும் ஜெயாவிடமே அடைக்கலம் ஆகியிருக்கிறார்கள்.
அவர்களையே மன்னித்து ஏற்றுக்கொண்ட ஜெயாவிற்கு தன் உடன்பிறவா சகோதரியை, உற்ற தோழியை மன்னிக்க எவ்வளவு நேரமாகும்?

இது தெரிந்துதான் அந்தக்கட்சியின் இரண்டாம் கட்ட தலைவர்களெல்லாம் தன் தலைவியின் முடிவை ஆதரித்தோ எதிர்த்தோ கருத்துசொல்லாமல் மௌனமாக இருக்கிறார்கள்.(அதுசரி...அவர்கள் எப்போது கருத்துசொன்னார்கள். இப்போது சொல்வதற்கு?) மீண்டும் எப்படியும் சசிகலா உள்ளே வந்துவிடுவார். நாம் அவசரப்பட்டு விமர்சித்து எதற்கு மாட்டிகொள்வானேன் என்று அவர்களுக்கு நன்றாக தெரியும். அதனால்தான் அவர்கள் தெளிவாக இருக்கிறார்கள். ஆனால், தொண்டர்கள் தான் பாவம். ஜெயலலிதாவின் இந்த முடிவை உண்மையென நம்பி மொட்டையெல்லாம் அடித்து வரவேற்றிருக்கிறார்கள்.

சசிகலா மீண்டும் கட்சியில் புகுந்துவிடுவார். அப்போதும் ஒருமுறை மொட்டையடித்துக்கொள்ள தயாராக இருங்கள். அந்த மொட்டையில் சந்தனத்தையும், நெற்றியில் நாமத்தையும் ஜெயலலிதாவும் சசிகலாவும் இணைந்தே பூசுவார்கள்.

அண்ணாதி.மு.க.,விலிருந்து சசிகலா குடும்பமே நீக்கம்- ஜெ., அதிரடி-

2011-12-19T13:54:00.004+05:30

அதிமுகவில் இருந்து வி.கே.சசிகலா, ம.நடராஜன், திவாகர் (மன்னார்குடி), டிடிவி. தினகரன், வி.பாஸ்கரன், வி.என்.சுதாகரன், டாக்டர். எஸ்.வெங்கடேஷ், எம்.ராமச்சந்திரன், இராவணன், மோகன் (அடையாறு), குலோத்துங்கன், ராஜராஜன் உள்ளிட்ட 12 பேர் கழகத்தின் அடிப்படை உறுப்பினர் பொறுப்பு உட்பட அனைத்து பொறுப்புகளில் இருந்தும் நீக்கப்பட்டுள்ளனர் என்றும், அஇஅதிமுகவினர் யாரும் இவர்களுடன் எவ்வித தொடர்பும் வைத்துக்கொள்ளக்கூடாது என்றும் அஇஅதிமுக பொதுச்செயலாளரும், முதல் அமைச்சருமான ஜெயலலிதா அறிவித்துள்ளார்.

முன்பு ஒருமுறை அதாவது 1996- ஆம் ஆண்டு தேர்தலில் படுதோல்விகண்ட பின் இந்த தோல்விக்கு சசிகலாதான் காரணம் என்று குற்றம்சாட்டிய ஜெயலலிதா சசிகலாவை பிரிந்தார். பின்னர் சில மாதங்களுக்குள்ளாகவே மறுபடியும் அவரோடு இணைந்தார். இது இரண்டாம் முறை....
இது எத்தனை நாளுக்கு என்று பார்ப்போம். மன்னார்குடி குடும்பத்தை நீக்கியதன் மூலம் கட்சியை ~~கைப்பற்றி~~ காப்பாற்றியுள்ளார் ஜெ.

எப்படியோ....பத்திரிகை நிருபர்களுக்கும், பதிவர்களுக்கும் அவல் கொடுத்துள்ளார் ஜெயா.

ஈரோடு பதிவர் சந்திப்பு- ஒரு முழுமைபெறாத தொகுப்பு (ஹி...ஹி...)

2011-12-19T11:10:00.006+05:30

எப்படியும் இன்னும் ஒரு வாரத்திற்கு எல்லாப்பதிவர்களும் ஈரோடு பதிவர் சந்திப்பை பற்றியே எழுதப்போகிறார்கள். அதற்கு நான் மட்டும் விதிவிலக்கா என்ன? ஆனால் ஒரேயொரு வித்தியாசம்...
அவர்கள் பதிவர் சந்திப்புக்கு போய்வந்து எழுதுகிறார்கள். நானோ போகாமல் எழுதப்போகிறேன்.

நீதான் ஈரோடு போகவேயில்லையே....அப்புறம் எப்படி எழுதுவேன்னு யாரும் கேட்கவேண்டாம்....அதற்கு கைவசம் ஐடியா வச்சிருக்கேன்ல.....
எப்படின்னு கேட்டீங்கன்னா.... நேற்று இரவிலிருந்து இன்று காலை வரை ஈரோடு பதிவர் சந்திப்பை பற்றி பதிவர்கள் எழுதிய பதிவுகளை தொகுத்து வெளியிடுகிறேன். உங்களுக்கு தேவையானவற்றை நீங்களே அந்தந்த தலைப்பை கிளிக் செய்து படித்துக்கொள்ளுங்கள். (எப்படி.....பதிவர் சந்திப்புக்கு போகாமலேயே பதிவு தேத்திட்டோம்ல...)

நட்பு பாராட்டிய சங்கவியும், ஈரோடு தமிழ் வலைப்பதிவர்கள் குழுமத்தினரும்- ஆரூர் மூனா செந்தில்

ஈரோடு பதிவர் சங்கமம்: மெடிக்கல்ஷாப்க்கு ஒதுங்கிய பதிவரும், பல்பு வாங்கிய பதிவரும்...தமிழ்வாசி பிரகாஷ்

ஈரோடு பதிவர்சந்திப்பு - எனது மனக்குறை ஒன்று! ஷர்புதீன்

நல்ல நண்பர்களைத்தந்த ஈரொடு வலைப்பதிவர்கள் சந்திப்பு- வீடு சுரேஷ்குமார்

ஈரோட்டு சங்கமத்தை திட்டி எழுத பத்து தலைப்புக்கள்...! -பிலாசபி பிரபாகரன்

ஈரோடு பதிவர் சங்கமம் 2011 -சாமியின் மன அலைகள்

ஈரோடு பதிவர் சந்திப்பு - வெளிவந்த பல பதிவுலக ரகசியங்கள் பாகம் 1 -சி.பி.செந்தில்குமார்

ஈரோடு சங்கமம் 2011 - நடந்தது என்ன ? சாதாரண்மானவள்

ஈரோடு வலைப்பதிவர் சந்திப்பு - நினைவுத்துளிகள் -வேர்களை தேடி குணா

ஈரோட்டில் வரலாறு காணாத பதிவர்கள் சந்திப்பு...சங்கவி

ஈரோடு சங்கமம்- ஒரு டயரி குறிப்பு- வீடு திரும்பல் மோகன்குமார்

ஈரோடு சங்கமம் 2011ல் Geneva Yuva -ஆகாய மனிதன்

டிஸ்கி-1: இதுவரை வந்த பதிவுகளின் தொகுப்பு மட்டுமே இது...

இனிமேல், ஈரோடு பதிவர் சந்திப்பை பதிவிடும் பதிவர்களின் லிங்க் அடுத்தடுத்து சேர்க்கப்படும்....இதில் எந்த பதிவாவது விடுபட்டிருந்தால் பின்னூட்டத்தில் சுட்டியை கொடுக்கவும். இணைத்துக்கொள்ளப்படும்.

டிஸ்கி-2: பதிவர் சந்திப்பில் கலந்துகொண்டவர்கள் எழுதிய பதிவுகள் மட்டுமே தொகுக்கப்பட்டுள்ளது. மற்ற பதிவர்கள் பதிவுகளை சேர்க்கவில்ல. மன்னிக்கவும்

இதுதான் ஒரிஜினல் மம்பட்டியானின் கதை.....

2011-12-17T12:34:00.002+05:30

சந்தன கடத்தல்காரன் வீரப்பனைப்போல, 50 ஆண்டுகளுக்கு முன்பு போலீசாருக்கு சிம்ம சொப்பனமாக விளங்கி, மக்களிடம் பரபரப்பாகப் பேசப்பட்டு வந்தவன் மம்பட்டியான்.

இந்த மம்பட்டியானை கதாபாத்திரமாக வைத்து, "மலையூர் மம்பட்டியான்" என்ற பெயரில் சினிமாப்படம் வெளிவந்தது. தியாகராஜன்,சரிதா நடித்த இந்தப்படம் ஓகோ என்று ஓடி வசூலை வாரிக் குவித்தது நினைவிருக்கலாம். இப்போது அதே மலையூர் மம்ப்ட்டியான் கதையை தன் மகனை வைத்தே ரீமேக் செய்து வெளியிட்டுள்ளார் தியாகராஜன். இந்த நேரத்தில் மலையூர் மம்பட்டியான் என்றால் யார்? அவனின் நிஜமான கதை என்ன என்று இளையதலைமுறையினருக்காக இந்த வரலாற்றை மீள் பிரசுரம் செய்கிறேன்.

மம்பட்டியான் சாதாரண ஆள் அல்ல. 27 கொள்ளை, 9 கொலை வழக்கில் சம்பந்தப்பட்டவன். போலீஸ் கண்களில் மிளகாய்ப் பொடியை தூவி விட்டு காடுகளில் 5 ஆண்டு காலம் தலைமறைவாக வாழ்ந்தவன். ஆனால் காதல் மோக உருவில் எமன் அவனுடைய உயிரை பறித்துக்கொண்டான்.

சுருக்கமாக சொன்னால் மம்பட்டியானின் வாழ்க்கை, மர்ம கதைகளில் வரும் சம்பவங்கள் போல இருக்கும். மம்பட்டியானின் உண்மை பெயர் அய்யாத்துரை. சேலம் மாவட்டம் மேச்சேரி போலீஸ் சரகம் கொல்காரனூர் என்ற கிராமத்தைச் சேர்ந்தவன். தந்தை பெயர் மொட்டையன்.

மம்பட்டியானுக்கு 2 மனைவிகள். மூத்த மனைவியின் பெயர் சின்னப்பிள்ளை என்கிற நல்லம்மாள். இவளுக்கு நல்லப்பன் என்ற மகனும், பாப்பா என்ற மகளும் இருந்தனர்.

2_வது மனைவி மாந்தியம்மாள். இவளுக்கு 2 மகள்களும், ஒரு மகனும் இருந்தார்கள். அவனுக்கு சகோதரனும் இருந்தான். அவனுடைய பெயர் ஊமையன்.

மம்பட்டியான் நெடுஞ்சாலைத்துறையில் கூலி வேலை செய்து வந்தவன். எப்போதும் தோளில் மண்வெட்டியை சுமந்தபடியே திரிவான். அவனது முகத்தில் கீழ் தாடை பகுதியும், மண்வெட்டி போல குவிந்திருக்கும். இவற்றையெல்லாம் வைத்து அவனுக்கு நெருக்கமானவர்கள் "மம்பட்டியான்" என்று அழைத்தார்கள்.

நாளடைவில் அய்யாத்துரை என்பது மாறி மம்பட்டியான் என்ற பெயரே நிலைத்தது. போலீஸ் ரிக்கார்டுகளிலும் மம்பட்டியான் என்றே பதிவானது. மம்பட்டியானை சுற்றி எப்போதுமே இளைஞர் பட்டாளம் இருந்து கொண்டே இருந்தது. இதுவே அவனை கோஷ்டி தலைவனாக உயர்த்தியது.

தொடக்கத்தில் மனைவி, குழந்தை, குடும்பம் என்றிருந்த மம்பட்டியான் வாழ்க்கை, திடீரென்று தடம் புரண்டது. அடிதடி,மோதல், போலீஸ் வழக்கு என்று சிக்குண்டான். போகப்போக அவை கொலைகாரன், வழிப்பறி கொள்ளைக்காரன் என்ற நிலைக்கு கொண்டு போய்விட்டது.

மம்பட்டியான் வாழ்ந்த அதே ஊரில் மாரிமுத்துசாமி, முத்து சாமி என்ற மிராசுதாரர்கள் வாழ்ந்தார்கள். இருவரும் நெருங்கிய உறவினர்கள். இந்த இருவருக்கும் அடுத்தடுத்து நிலம் இருந்தன. அந்த பண்ணை நிலத்தில் வீடு கட்டி குடியிருந்தும் வந்தார்கள்.

அங்கிருந்து சுமார் ஒரு கிலோ மீட்டர் தூரத்தில் மேச்சேரி என்ற ஊர் இருக்கிறது. ஆடி மாதம் மாரியம்மன் கோவில் திருவிழா சிறப்பாக கொண்டாடப்படும்.

இந்த திருவிழாவில் "வண்டி வேஷம்" என்ற நிகழ்ச்சி விசேஷமாக இடம் பெறும். அலங்கரிக்கப்பட்ட மாட்டு வண்டியில், "ராமாயணம்", "மகாபாரதம்" போன்றவைகளில் வரும் கதாபாத்திரங்கள் போல வேடமிட்டு செல்வார்கள்.

இதற்கு மாரிமுத்துசாமி, முத்துசாமி இருவருமே ஒன்றாக இணைந்து ஏற்பாடு செய்வார்கள். திருவிழாவுக்கு சேர்ந்தே சென்று திரும்புவார்கள். கொஞ்ச நாளில் இருவருமே தனித்தனி ஏற்பாடு செய்தார்கள். ஆனாலும் ஒன்றாகவே மாட்டு வண்டி கட்டி திருவிழாவுக்கு செல்வார்கள்.

இந்த நிலையில் திருவிழா நடைபெறும்போது முத்துசாமி பெட்டிக்கடை போடுவார். அதில் நல்ல வியாபாரம் ஆகி பணம் குவிந்தது. இதனால் அவருடைய கை ஓங்கியது. இது இருவருக்கும் இடையே மனக்கசப்பை ஏற்படுத்தியது.

தனித்தனி கோஷ்டியாக செயல்படத் தொடங்கினார்கள். அப்போது மம்பட்டியானும், அவனது அண்ணன் ஊமையன், தந்தை மொட்டையன் ஆகியோர் மாரிமுத்துசாமிக்கு ஆதரவாக இருந்தனர்.

1956-ஆம் ஆண்டு திருவிழாவுக்கு முத்துசாமியும் ஆதரவாளர்களும் புறப்பட்டு சென்றபோது மாரிமுத்துசாமியின் கோஷ்டி வழி மறித்து கற்களை வீசி தாக்கியது. இதனால் அந்தப்பகுதியில் பதட்டம் ஏற்பட்டது. போலீசார் குவிக்கப்பட்டார்கள்.

திருவிழாவில் பெரிய மோதல் ஏற்பட்டுவிடக்கூடாது என்பதால் 144 தடை உத்தரவு பிறப்பிக்கப்பட்டது. வேடம் போட்டு ஆடுவதற்கும் இரு தரப்பினருக்கும் தடை போடப்பட்டது. இந்த சம்பவங்கள் குறித்து ஆர்.டி.ஓ. விசாரணை நடைபெற்றது. ஆனாலும் பகை புகைந்து கொண்டே இருந்தது.

முத்துசாமியின் மூத்த மகன் பழனி கவுண்டர் தென்னந் தோப்புக்குச் சென்று கொண்டிருந்தபோது தாக்கப்பட்டார். மம்பட்டியான் உள்பட 17 பேர் மீது வழக்கு தொடரப்பட்டது. இதில் அனைவரும் விடுதலையானார்கள்.

30-5-1957 அன்று கோர்ட்டில் இருந்து திரும்பும்போது மம்பட்டியானின் தந்தை மொட்டையன் மற்றும் உறவினர் பொன்னு கவுண்டர் ஆகியோர் சுட்டுக் கொல்லப்பட்டனர். இந்த வழக்கில் முத்துசாமி கோஷ்டியைச் சேர்ந்த 9 பேருக்கு தலா 3 ஆண்டு ஜெயில் தண்டனை கிடைத்தது. தந்தை கொலையுண்டதால் மம்பட்டியான் ஆத்திரத்துடன் திரிந்தான்.

இந்த நிலையில் 2-8-1959 அன்று முத்துசாமியும், அவனது மகன்களும் மேச்சேரியில் கடையில் உட்கார்ந்து வியாபாரம் பார்த்துக்கொண்டிருந்தனர். அங்கு திரளாக கூட்டம் இருந்தது.

காலை சுமார் 11 மணி இருக்கும். மம்பட்டியானும், அவனது கோஷ்டியும் பயங்கர ஆயுதங்களுடன் வந்தனர். கடையில் இருந்தவர்களை சரமாரியாக வெட்டினார்கள். இதில் முத்துசாமி, அவரது மகன்கள் வேலாயுதம், சின்னக்குட்டி, வைத்தி ஆகிய 4 பேரும் அதே இடத்தில் துடிதுடித்து செத்தனர்.

இன்னொரு மகன் பரமசிவம் வெட்டுக்காயங்களுடன் ஓடி அருகில் இருந்த வீட்டிற்குள் நுழைந்தார். அவரை மம்பட்டியான் கோஷ்டி விரட்டிச்சென்று தேடியது. அந்த வீடு முழுவதும் சோதனை போட்டது.

அந்த வீட்டுக்காரப்பெண் தந்திரமாக பரமசிவத்தை ஒரு பெரிய பாத்திரத்தை போட்டு மூடி வைத்துவிட்டாள். இதனால் பரம சிவம் கொலைகாரக் கும்பலிடம் இருந்து உயிர் தப்பினார். (இவர் பிற்காலத்தில் தாரமங்கலம் தொகுதி எம்.எல்.ஏ. ஆனார்.)

பிறகு மம்பட்டியான், அவனுடைய அண்ணன் ஊமையன் உள்பட 7 பேர் சொந்த ஊருக்கு திரும்பிச்சென்று முத்துசாமியின் உறவினர்களை வீடு வீடாக புகுந்து தாக்கினார்கள். சுப்பிரமணியம் என்பவரை தாக்கி கொன்றனர்.

அவர் இருந்த தறி கொட்டகையையும் தீ வைத்து கொளுத்தினர். பிணம் தீயில் எரிந்து கரிக்கட்டையானது. அயுண்டன், பச்சான் மேலும் 2 பேரும் படுகொலை செய்யப்பட்டனர்.

சுமார் ஒரு மணி நேரத்தில் 9 பேரை கொன்று மம்பட்டியான் பழிக்குப்பழி தீர்த்தான். கொலை படலத்தை முடித்ததும் மம்பட்டியான் கோஷ்டி காட்டுக்குள் தப்பி ஓடிவிட்டது.

இந்த படுகொலை சேலம் மாவட்டத்தையே உலுக்கியது. சம்பவ இடத்தை கலெக்டர் அம்புரோஸ், போலீஸ் அதிகாரி ஏ.சி.ஆதித்த நாடார் ஆகியோர் சென்று பார்வையிட்டார்கள். மம்பட்டியான் உள்பட 9 பேர் மீது வழக்குப்பதிவு செய்து தேடினார்கள்.

காட்டில் மறைந்து வாழ்ந்த அந்த சமயத்தில் மம்பட்டியான் கொள்ளைக்காரனாக மாறினான். மேச்சேரி, பெண்ணாகரம், கொல்லேகால் ஆகிய பகுதிகளில் ஊருக்கு வெளியே இருக்கும் வீடுகளில் புகுந்து கொள்ளையடித்தான். தனியாக வரும் ஆட்களை மிரட்டி வழிப்பறி கொள்ளை நடத்தினான்.

இப்படி 2 ஆண்டுகள் வரை மம்பட்டியானும், அவனது அண்ணன் ஊமையனும் ஒன்றாக காட்டில் திரிந்தனர். திடீரென்று அண்ணன் _ தம்பிக்குள் மோதல் ஏற்பட்டது. மம்பட்டியானை விட்டு ஊமையன் பிரிந்தான்.

இந்த தகவலை அறிந்த போலீசார் தனிப்படை அமைத்து தீவிர தேடுதல் வேட்டை நடத்தினார்கள். 6-3-1961 அன்று சப் இன்ஸ் பெக்டர்கள் தவுலத் அலி, நாகராஜன் ஆகியோர் தலைமையில் ஆயுதப்படை போலீசார் மேச்சேரி அருகில் காட்டுக்குள் நுழைந்து தேடினர். அங்கு பதுங்கி இருந்து ஊமையனைச் சுற்றி வளைத்தனர். அங்கு நடந்த துப்பாக்கி சண்டையில் ஊமையன் சுட்டுக் கொல்லப்பட்டான்.

மேட்டூர் பகுதியில் மம்பட்டியான் இருப்பதாக போலீசுக்கு தகவல் கிடைத்தது. 8-7-1963 அன்று சப்_இன்ஸ்பெக்டர் மயில் சாமி தலைமையில் போலீஸ் படை மேட்டூரில் இருந்து 20 கிலோ மீட்டர் தொலைவில் இருக்கும் தண்டைக்காய் மலைக்கு சென்றனர்.

அங்கு மம்பட்டியான் கோஷ்டி சமையல் செய்து கொண்டிருந்தனர். இரு தரப்பினருக்கும் இடையே கடுமையான துப்பாக்கி சண்டை நடந்தது. இதில் மம்பட்டியானின் கோஷ்டியைச் சேர்ந்த கண்ணு போயன், கோவிந்தன் ஆகியோர் கொல்லப்பட்டனர். சப்_இன்ஸ் பெக்டர் மயில்சாமி குண்டு பாய்ந்து காயம் அடைந்தார்.

மம்பட்டியானும், வேறு சிலரும் ஓடினார்கள். போலீசார் விரட்டிச்சென்று 2 பேரை பிடித்தார்கள். ஆனால் மம்பட்டியான் போலீசிடம் சிக்காமல் தப்பி விட்டான்.

மம்பட்டியான் விவகாரம் தமிழக சட்டசபை வரை எதிரொலித்தது. எம்.எல்.ஏ.க்கள் கேள்விக்கணைகளை வீசினார்கள். இதனால், "தேடுதல் வேட்டை" முடுக்கிவிடப்பட்டது.

காடுகளில் சென்று தேடும் விசேஷ பயிற்சியைப்பெற்ற மலபார் சிறப்பு போலீஸ் படை வரவழைக்கப்பட்டது. கோவை, சேலம் ஆகிய நகரங்களில் இருந்து சிறப்பு ஆயுதப்படை போலீசார் விரைந்தனர்.

மைசூர் போலீஸ் உதவியும் கேட்கப்பட்டது. இன்ஸ்பெக்டர் கிரி தலைமையில் இந்த அதிரடிப்படை செயல் பட தொடங்கியது. மம்பட்டியான் பற்றி துப்பு கொடுத்தால் ரூ.5 ஆயிரம் பரிசு கொடுக்கப்படும் என்று அறிவிக்கப்பட்டது.

பெண்ணாகரம் காட்டுப்பகுதிக்குள் மம்பட்டியான் சுற்றித்திரிந்து கொண்டிருந்தான். அப்போது சிக்கல்ராம்பட்டியைச் சேர்ந்த கருப்பண்ணன் என்பவன் மம்பட் டியானின் நண்பன் ஆனான். அவன் கள்ளச்சாராயம் விற்பவன். சில சமயம் அவனைத்தேடி அவன் வீட்டிற்கே மம்பட்டியான் சென்றான்.

கருப்பண்ணனுக்கு 2 தங்கைகள். மூத்த தங்கை, கணவனை இழந்த விதவை. அடிக்கடி ஏற்பட்ட சந்திப்பில் மம்பட்டியானுக்கும், அவளுக்கும் காதல் ஏற்பட்டது. இருவரும் ரகசியமாக சந்தித்து வந்தார்கள்.

இந்த சந்தர்ப்பத்தில் கருப்பண்ணனின் 2_வது தங்கை நல்லம்மாள் ஒரு நாள் மம்பட்டியானின் கண்ணில் பட்டுவிட்டாள். அவள் நல்ல அழகி. அவளையும் அடைந்துவிட வேண்டும் என்று மம்பட்டியான் ஆசைப்பட்டான்.

போலீசாரின் வேட்டை தீவிரம் அடைந்ததை உணர்ந்த மம்பட்டி யான், தன்னுடைய இருப்பிடத்தை மாற்றத் திட்டமிட்டான். நல்லம்மாளையும் தன்னுடன் அழைத்துச்சென்று விடவேண்டும் என்று நினைத்தான். தன்னுடைய இந்த விருப்பத்தை கருப்பண்ணனிடமும், அவரது தந்தை பொன்னப்ப கவுண்டரிடமும் கூறினான். ஆனால் அவர்கள் சம்மதிக்கவில்லை.

"ஏற்கனவே விதவைத் தங்கையுடன் தொடர்பு வைத்திருக்கிறாயே! அவளையே கல்யாணம் செய்து அழைத்துக்கொண்டு போ! 2_வது தங்கையை தரமாட்டேன்" என்று கருப்பண்ணன் அடித்துச் சொல்லிவிட்டான். இதனால் மம்பட்டியானுக்கு ஆத்திரம் ஏற்பட்டது.

"நல்லம்மாளைதான் திருமணம் செய்வேன். அவளை என்னுடன் அனுப்பு. ரூ.1,000 தருகிறேன். நீ சம்மதிக்காவிட்டால் அவளைத் தூக்கிக் கொண்டு போய்விடுவேன்" என்று கூறிவிட்டு மம்பட்டியான் காட்டுக்குள் சென்று விட்டான்.

தங்கைகளின் பிரச்சினையால் மனக்குழப்பம் அடைந்த கருப்பண்ணன், போலீஸ் உதவியை நாடினான். பெண் ணாகரம் போலீஸ் நிலையத்துக்குச் சென்று சப் இன்ஸ்பெக்டரிடம் நடந்த விவரத்தை தெரிவித்தான். அவர் மூத்த அதிகாரிகளிடம் தகவல் தெரிவித்து உதவி செய்வதாக உறுதி அளித்து அனுப்பி வைத்தார்.

அதன் பிறகு கருப்பண்ணனை சந்தித்த ஒரு அதிகாரி, "மம்பட்டியானுடன் மோதி உன்னால் ஜெயிக்க முடியாது. விஷத்தைக் கொடுத்து அவனைக் கொல்ல முயற்சி செய்" என்று ஆலோசனை கூறினார்.

27-3-1964 அன்று கருப்பண்ணன் கையில் துப்பாக்கியுடன் காட்டிற்குள் சென்று கொண்டிருந்தான். அப்போது திடீரென்று மம்பட்டியான் அவன் முன் வந்து நின்றான். இருவருக்கும் வாக்குவாதம் ஏற்பட்டது.

"நீ என்னை போலீசில் காட்டிக் கொடுக்கப்போவதாக சொன்னாயாமே! எங்கே காட்டிக்கொடு பார்ப்போம்" என்று கூறிக்கொண்டே, மம்பட்டியான் கருப்பண்ணனை நோக்கி துப்பாக்கியால் சுட்டான். ஆனால், குறி தவறியது.

உடனே கருப்பண்ணன் தனது கையில் வைத்திருந்த நாட்டு துப்பாக்கியை எடுத்து மம்பட்டியானை நோக்கி 2 முறை சுட்டான். மம்பட்டியான் வயிற்றில் ஒரு குண்டும் இடுப்பில் ஒரு குண்டும் பாய்ந்தன.

மம்பட்டியான் கீழே விழுந்தான். கருப்பண்ணன் ஓடிப்போய் மம்பட்டியான் கையில் இருந்த துப்பாக்கியைப் பிடுங்கிக்கொண்டு மீண்டும் ஒரு முறை சுட்டான். மம்பட்டியான் அதே இடத்தில் செத்தான். இதுவே அதிகாரபூர்வ தகவலாகும்.

இது தவிர அதிகாரபூர்வமற்ற முறையில் மற்றொரு தகவல் உலவியது. நல்லம்மாளை கூப்பிடுவதற்காக மம்பட்டியான் சம்பவ தினத்தன்று கருப்பண்ணன் வீட்டிற்கு சென்றான். மம்பட்டியானுக்கு வீட்டில் விருந்து கொடுத்தான்.

அந்த சமயத்தில் தர்பூசணியில் விஷத்தை ஏற்றி கொடுத்தான். அதை சாப்பிட்ட மம்பட்டியான் சிறிது நேரத்தில் மயக்கம் போட்டு விழுந்தான். உடனே மம்பட்டியானை கருப்பண்ணன் துப்பாக்கியால் சுட்டு கொன்றுவிட்டான். இவ்வாறு பரவலாக பேசப்பட்டது.

எது எப்படியோ, மம்பட்டியானை கருப்பண்ணன் தீர்த்து கட்டிவிட்டான்.

தகவல் கிடைத்ததும் மாவட்ட போலீஸ் அதிகாரி கிருஷ்ணராஜ், உதவி சூப்பிரண்டு வி.பொன்னையா, பெண்ணாகரம் சப் இன்ஸ்பெக்டர் ஆறுமுகம் ஆகியோர் சம்பவ இடத்துக்குச் சென்று விசாரணை நடத்தினார்கள்.

மம்பட்டியானுக்கு வயது சுமார் 30 இருக்கும். 5 அடி உயரத்தில் கம்பீரமான தோற்றத்துடன் இருந்தான். முறுக்கு மீசை வைத்திருந்தான். ராணுவ வீரரை போல உடை அணிந்திருந்தான். இடுப்பில் பெரிய `பெல்டு' கட்டியிருந்தான். அதில் துப்பாக்கி தோட்டாக்கள் இருந்தன.

அவன் கையில் 2 அடி நீள பெரிய கத்தி இருந்தது. கையில் கடிகாரம் கட்டியிருந்தான். கழுத்தில் தங்கச் சங்கிலி அணிந்திருந்தான். அதில் புலி நகம் கோர்க்கப்பட்டிருந்தது.

ஒரு கட்டுச்சோறு மூட்டையும் வைத்திருந்தான். அதில் மான் கறி குழம்பும், சோறும் கலந்த சாப்பாடு இருந்தது. மம்பட்டியானின் உடல் பரி சோதனைக்காக தர்மபுரி ஆஸ்பத்திரிக்கு அனுப்பி வைக்கப்பட்டது. மம்பட்டியான் உடலைப் பார்க்க பெரும் கூட்டம் கூடியது.

பிரேத பரிசோதனைக்குப்பிறகு மம்பட்டியான் உடல் பொதுமக்கள் பார்வைக்காக ஆஸ்பத்திரியில் ஒரு மணி நேரம் வைக்கப்பட்டது. மம்பட்டியான் உடலை வாங்க உறவினர்கள் யாராவது வருவார்கள் என்று போலீசார் எதிர்பார்த்தனர். ஆனால் யாரும் வரவில்லை.

இதனால் உடலை போலீஸ் லாரியில் ஏற்றி தர்மபுரி குமாரசாமிபேட்டை சுடுகாட்டுக்கு கொண்டுபோய் தகனம் செய்தனர். அங்கும் பல்லாயிரக்கணக்கான ஆண்களும், பெண்களும் கூடியிருந்தார்கள். மம்பட்டியான் பற்றி துப்பு கொடுத்தால் பரிசு வழங்கப்படும் என்று ஏற்கனவே அறிவிக்கப்பட்டிருந்தது.

இதன்படி மம்பட்டியானை கொன்ற கருப்பண்ணனுக்கு பரிசு வழங்க போலீஸ் அதிகாரிகள் சிபாரிசு செய்தனர். இதனை தொடர்ந்து கருப்பண்ணனுக்கு ரொக்கப்பணம் 2 ஆயிரமும், 5 ஏக்கர் நிலமும் வழங்கப்பட்டது. அதோடு தற்காப்பிற்காக அவனுக்கு லைசென்சு (அனுமதி) பெற்ற துப்பாக்கியும் கொடுக்கப்பட்டது.

மம்பட்டியான் கோஷ்டியை சேர்ந்த 2 பேரை போலீசார் கைது செய்தனர். 3 பேர், கோர்ட்டில் சரண் அடைந்தனர். இந்த 5 பேர்களில், சுப்பிர மணி, சாமியண்ணன், சின்னண்ணன், நல்லப்ப கவுண்டர் என்ற 4 பேருக்கு தூக்கு தண்டனை விதிக்கப்பட்டது.

ஒருவன் சிறுவனாக இருந்ததால், சீர்திருத்தப்பள்ளிக்கு அனுப்பப்பட்டான்.

நன்றி: மாலைமலர்

அண்ணா.தி.மு.க.,வில் வடிவேலு- ஜெயாவை சந்தித்தார்.

2011-12-16T14:30:00.003+05:30

தமிழக முதல்வர் ஜெயலலிதாவை சந்திப்பதற்காக போயஸ் தோட்ட வரவேற்பறையில் காத்திருக்கிறார் நடிகர் வடிவேலு...
அப்போது அங்கு வருகிறார் அமைச்சர் ஓ.பன்னீர்செல்வம்.

ஓ.பி: வாங்க..வடிவேலு, இப்பவாவது அம்மாதான் எல்லாம் என்று தெரிஞ்சுக்கிட்டீங்களே...சந்தோசம். இன்னும் கொஞ்ச நேரத்துல அம்மா வருவாங்க. உங்களுக்கு 15 நிமிசம்தான் அப்பாயிமெண்ட். அதுக்குள்ள எல்லாத்தையும் பேசிடனும். இன்னொரு முக்கியமான விஷயம்...

வடிவேலு: சொல்லுங்கண்ணே

ஓ.பி: அம்மா வருவதற்கு முன்னால் சொல்லிடுவோம். பட்டுன்னு எந்திரிச்சிடனும். அப்புறம் அம்மா உட்கார்ந்த பிறகுதான் நீங்க உட்காரனும். உட்காரனும்ன்னு சொன்னதும் உங்க வீட்டில உட்கார்ரது மாதிரி ஹாயா சாஞ்சுக்கெல்லாம் உட்காரக்கூடாது. ஒரு திகில் படம் பார்க்கும்போது எப்படி கலவர முகத்துடன், சீட்டுக்கு நுனில உட்காருவோமோ அப்படி உட்காரனும். மேலோட்டமா பார்த்தா உட்கார்ந்த மாதிரியே தெரியக்கூடாது. அப்புறம்....கைய கட்டிக்கே உட்கார்ந்திருக்கனும். எடுத்தறக்கூடாது. குறிப்பா...குளோசப் விளம்பரத்துல வர்ர மாதிரி பல்லெல்லாம் தெரிய சிரிக்கக்கூடாது. லேசா புன் முறுவல்தான். அம்மா சிரிச்சாங்கன்னா நீங்க சிரிக்க தடையில்லை.

வடிவேலு: அண்ணே...எனக்கொரு சந்தேகம்? இப்ப நான் அம்மாவை பார்க்கப்போறேனா? கடவுள பார்க்க போறேனா?

ஓ.பி: என்ன வடிவேலு,சின்னப்புள்ளத்தனமா கேட்கறீங்க?...அம்மாவும் கடவுளும் வேறு வேறா? எங்களுக்கு ரெண்டுமே ஒண்ணுதான். இதை அறியாதவன் இருக்கவேண்டிய இடம் ஜெயிலு...அம்மான்னா சும்மா இல்லேடா....அவங்க இல்லேன்னா நாங்க இல்லேடா....என்று பாடுகிறார்.

அப்போது ஜெயலலிதாவின் உதவியாளர் வருகிறார்....
அம்மா வாராங்க....அம்மா வாராங்க....

(வடிவேலு மனதுக்குள்....அடேங்கப்பா நம்ம புலிகேசி படமே தோத்துடும் போல...)

ஜெயலலிதா வருகிறார்.

ஜெயலலிதா: வாங்க வடிவேலு....எப்படி இருக்கீங்க?

வடிவேலு: எங்கேம்மா நல்லாஇருக்கேன். உங்க ஆட்சி வந்ததிலிருந்து நான் நல்லாவே இல்லைம்மா

ஜெயலலிதா: என்ன முட்டாள்தனமா பேசறீங்க?....என் ஆட்சியில மக்கள் எல்லோரும் நல்லாத்தானே இருக்காங்க?

வடிவேலு: அய்யய்யோ.... நான் அப்படி சொல்லலேம்மா....உங்க ஆட்சியில் உங்களுக்கு பயந்து ஒருத்தரும் என்னை நடிக்க கூப்பிடலேன்னு சொல்லவந்தேன்.

ஜெயலலிதா: அதானே பார்த்தேன். நீங்க அந்த கருணாநிதிக்கு ஆதரவா பேசும்போதே இதையெல்லாம் யோசிச்சிருக்கனும்.

வடிவேலு: நான் கலைஞருக்கு.....

ஜெயலலிதா: ஸ்டுப்பிட்....கருணாநிதின்னு சொல்லுங்க

வடிவேலு: சாரிம்மா.... நான் கருணாநிதிக்கு ஆதரவா பேசலம்மா....விஜயகாந்துக்கு எதிராத்தான் பேசினேன்.

ஜெயலலிதா: அந்த ஒரு காரணத்துக்காகத்தான் நீங்க இப்ப வெளில இருக்கீங்க. இல்லேன்னா இப்ப களிதான் திண்ணுக்கு இருந்திருப்பீங்க...

வடிவேலு: அய்யய்யோ அப்படிலாம் செஞ்சுடாதீங்கம்மா நான் புள்ளை குட்டிக்காரன். இப்ப என் தவற உணர்ந்திட்டேன். இனிமே நீங்கதான் என் தெய்வம்.

ஜெயலலிதா: ஓகே...ஓகே...இப்ப உங்களுக்கு என்ன வேணும்?

வடிவேலு: என்னை உங்க கட்சியில சேர்த்துக்கிட்டீங்கன்னா ஒரு பேச்சாளரா காலத்தை ஓட்டிடுவேன். நல்லா எம்.ஜி.ஆரு பாட்டெல்லாம் பாடுவேன்மா...

ஜெயலலிதா: எங்கே பாடுங்க கேட்கிறேன்.

வடிவேலு தொண்டையை செருமியபடி......

பதவி வரும்போது பணிவு வரவேண்டும். துணிவு வரவேண்டும் தோழா....என்று பாடுகிறார்.

ஜெயலலிதா: ஓகே...இந்த பாட்டுக்கு அர்த்தம் தெரியுமா உங்களுக்கு?

வடிவேலு: அது வந்தும்மா....

ஜெயலலிதா: சரி நானே சொல்றேன் கேட்டுக்கங்க....அதாவது எனக்கு முதலமைச்சர்ங்கற பதவி வரும்போது, மத்தவங்களுக்கு என்னை பார்த்தவுடன் பணிவு வரவேண்டும். அதைப்பார்த்த எனக்கு பால் விலை, பஸ் டிக்கெட்டுன்னு எல்லாத்தையும் உயர்த்தற துணிவு வரவேண்டும்ன்னு அர்த்தம். என்னைப்பற்றி எப்படி ஒரு தீர்க்கதரிசனமா அன்னைக்கே மிஸ்டர் எம்.ஜி.ஆர்., பாடியிருக்கார் பாருங்க..

வடிவேலு: ஆமாம்மா.....

ஜெயலலிதா: அதுசரி வடிவேலு, என் கட்சியில நிறைய பேச்சாளர்கள் இருக்காங்களே? உங்களுக்கு வேலையே இல்லையே?

வடிவேலு: அம்மா...அப்படி சொல்லாதீங்கம்மா...அவங்க பொதுவான பேச்சாளரா இருக்கட்டும். நான் அந்த விஜயகாந்த திட்ட்ற பேச்சாளரா இருந்திட்டு போறேன்.

ஜெயலலிதா: அந்தாள் யாரும் திட்டக்கூடாதுன்னு நான் சொல்லிருக்கேன்.

வடிவேலு: அம்மா.... எதிரியக்கூட திட்டாத உங்க நல்ல மனசு யாருக்கு வரும்?

ஜெயலலிதா: நல்ல மனசுலாம் இல்லை. எதுக்கு அவர திட்டி பெரியாளா ஆக்கனும்? சரி...ரொம்ப கெஞ்சி கேட்கறதால ஒரு வேலை தாறேன். ஜெயா டி.வி.,யில புதுசா ஒரு புரோக்ராம் செய்யலாம்ன்னு இருக்காங்க...

வடிவேலு: ஜெயா டி.வி.யிலா?

ஜெயலலிதா: என்ன வடிவேலு? மரியாதை இல்லாம பேரெல்லாம் சொல்றீங்க... நான் மட்டும்தான் ஜெயா டி.வி.ன்னு சொல்லுவேன். மத்தவங்க அம்மா டி.வி.ன்னுதான் சொல்லனும்..சரியா?

வடிவேலு: மன்னிச்சிடுங்கம்மா...

ஜெயலலிதா: ஜெயா டி.வி.ல சோல்ஜரான கேப்டன்னு ஒரு புரோக்ராம் செய்யறாங்க...அதுக்கு நீங்க தொகுப்பாளரா இருங்க...சும்மா இருக்கற உங்களுக்கும் பொழுதும் போகும். வருமானமும் கிடைச்சமாதிரி இருக்கும்...சரியா?

என்னை வாழவைத்த தெய்வம் அம்மா வாழ்க...என்ற படி காலில் விழுகிறார் வடிவேலு

பிரபல பதிவர்களும் கூகுள் பஸ்சும்

2011-12-15T13:43:00.002+05:30

நாங்கள் பிரபல பதிவர்கள் என்று தாங்களாகவே ஒரு வட்டம்போட்டுகொண்டு கூகுள் பஸ்(buzz)ஸில் ஒரு வரியும் ரெண்டு வரியும் எழுதிக்கொண்டிருந்தவர்களுக்கு கூகுள் ஆப்படித்திருக்கிறது. ஆம்...பெட்ரோல், டீசல் விலை உயர்ந்து விட்டதால் இனி பஸ் ஓட்டி பயனில்லை என்று கூகுள் பஸ்சை மூடிவிட்டது அந்த நிறுவனம். நிறைய பதிவர்கள் மீண்டும் பதிவுலகத்தின் பக்கம் தன் பார்வையை திருப்புவார்கள் என்றே நினைக்கிறேன். ரெண்டுவரியில் எழுதாமல் பிளாக்கிலாவது நிறைய எழுதுங்க.

நீங்கள் பிரபல பதிவர்கள் என்பது உங்கள் தலைமுறை பதிவர்களுக்குத்தான். இந்த ஒரு வருடத்தில் புதிதாய் நிறைய பதிவர்கள் வந்துவிட்டார்கள். அவர்களுக்கு நீங்கள் புதுமுகமே. அடிக்கடி பதிவு எழுதிய பதிவர்களை தவிர வேறு யாரையும் அவர்களுக்கு தெரியாது. நீங்களாகவே சொன்னாலும் நம்பமாட்டார்கள். புதிய பதிவர்களின் பதிவுக்கு போய் அவர்களின் பதிவை படித்துவிட்டு பின்னூட்டம் போட்டு, வாக்களித்து உங்கள் இருப்பை காட்டுங்கள்.

இல்லை நாங்கள் பிரபல பதிவர்கள், நாங்கள் யாருக்கும் பின்னூட்டம் போடமாட்டோம் என்று சொன்னீர்களானால் உங்கள் பதிவுகளும் சீண்டப்படாது என்பதை நினைவில் வையுங்கள். இன்னொரு முக்கியமான விஷயம், மறுபடியும் பஸ் மாதிரி கார், ஆட்டோன்னு ஏதாவது வந்தால் போயிடாதீங்க...அதையும் மூடிட்டா மறுபடியும் இங்கதான் வரனும்.

------------------

இந்த பிரச்சினைகளுக்கு மத்திய அரசுதான் காரணம். எனவே முல்லை பெரியாறு அணை விவகாரத்தில் மத்திய அரசு தீர்வு காண வேண்டும் மேலும். இது தொடர்பாக தமிழகத்தை சேர்ந்த 39 எம்.பி.க்களும் உடனடியாக ராஜினாமா செய்ய வேண்டும். நான் என் பதவியை ராஜினாமா செய்யத்தயார். என் கட்சி எம்.எல்.ஏக்களும் தங்களது பதவியை ராஜினாமா செய்யத்தயாராக இருக்கிறார்கள் என்று அதிரடியாக அறிவித்திருக்கிறார் கேப்டன். கேப்டன் இன்னும் உங்களுக்கு அரசியலே புரியலே..... நீங்க ராஜினாமா செய்தால் எதிர்கட்சி தலைவர் பதவிதான் போகும், ஆனால், அவர்கள் ராஜினாமா செய்தால் கோடிக்கணக்கான வருமானம் போய்விடுமே? அதை செய்வாங்கன்னு நினைக்கறீங்க...

மு(தொ)ல்லைப்பெரியாறும் கையாலாகாத அரசும்......

2011-12-14T14:07:00.001+05:30

அடடே....வாப்பா உளறுவாயா....எங்கே கொஞ்ச நாளா ஆளையே காணாம்?

கொஞ்சம் வேலையா போச்சுப்பா....அதான்

சரி...சரி...இந்த முல்லைப்பெரியாறு பிரச்சினை பத்திக்கு எரியுதுபோல?

ஆமாப்பா...இந்த கேரளாக்காரனுங்கள நினைச்சா கடுப்பா இருக்குப்பா.... நல்லா இருக்கிற அணையை உடைச்சு புதுசா கட்டப்போறாய்ங்களாம்...

இப்ப அதுக்கென்ன அவசரம்?

அதைத்தான் எல்லோரும் கேட்கறாங்க.... நல்லாருக்கற அணையை ஏண்டா உடைக்கப்போறீங்கன்னு...அதுக்கு புயலு பூகம்பம்ன்னு கதை சொல்றாய்ங்க அந்த நாதாரிங்க...

புதுசா கட்டிட்டா மட்டும் பூகம்பத்தை தாங்கிடுமா? மொத்தமா எல்லோரும் சேர்ந்து தமிழ்நாட்ட வஞ்சிக்கற வேலையை செய்யிறாங்க....

ஆமாம்....முல்லைப்பெரியாறு தொல்லைப்பெரியாறு ஆகிடுச்சு....

மலையாளிகள் மட்டும்தான் நமக்கு தொல்லையா இருக்காங்களா என்ன?

அவங்க மட்டுமில்ல....ஏற்கனவே, கர்நாடகாக்காரன் காவிரி பிரச்சினை பன்றான். இந்தப்பக்கம் இலங்கைக்காரன் மீனவர்களுக்கு பிரச்சினையா இருக்கான். எல்லாப்பக்கமும் தமிழன் அடி வாங்குறான்.

மத்திய அரசு என்னதான் செய்யுது?

ஆமா...செய்யறாங்க பானையும் சட்டியும்.... அவங்கள்லாம் சும்மாப்பா....மத்தியில எந்த அரசு வந்தாலும் தமிழ்நாட்டை வஞ்சிக்கற வேலையை மட்டும் கரக்டா செய்றாங்க.

ஏப்பா... எனக்கொரு சந்தேகம்? நாம இந்தியாவுலதான் இருக்கோமா? இல்லை தனி நாடா இருக்கோமா?

என்ன இப்படி ஒரு கேள்வியை கேட்டுட்ட.... நாம இந்தியாவுலதான் இருக்கோம்...

பார்த்தா அப்படி தெரியலியேப்பா....பக்கத்து நாட்டிலிருந்து, பக்கத்து மாநிலம் வரை எல்லோராலையும் நம்ம வஞ்சிக்கப்படறோம்...அடி வாங்குறோம். இதையெல்லாம் இந்த கையாலாகாத மத்திய அரசு பார்த்துக்குத்தான் இருக்குது. இப்ப சிங்கப்பூரை எடுத்துக்க....அது மலேசியாவுல ஒரு மாநிலமா இருந்து, வலுக்கட்டாயமா தனி நாடா பிரிக்கப்பட்டுச்சு. அப்படி இருந்தும் மலேசியாவுக்கான குடிதண்ணீரை சிங்கப்பூர்தான் சப்ளை செய்யுது. ஆனா, நாம ஒரே நாடா இருந்தும் ஒரு மாநிலத்திலிருந்து இன்னொரு மாநிலத்துக்கு தண்ணீர் கொடுக்க மாட்டேன்னு சொல்றாங்க...இதுக்கு பேசாம நாம தனி நாடாவே இருந்திடலாம்.

உஷ்...அப்படி பேசாதே....அப்புறம் பிரிவினை, இறையாண்மைன்னு சொல்லி உள்ளே பிடிச்சு போட்டுட போறாங்க...

என்ன இறையாண்மையோ....என்ன எலவோ? இதுக்கு வேற வழியே இல்லையா?

சுப்ரீம் கோர்ட்தான் ஒரே ஆறுதல்....இப்பக்கூட அணையை 120 அடியா குறைக்கக்கூடாதுன்னு கேரளா அரசுக்கு தடை போட்டுருச்சு சுப்ரீம் கோர்ட்...

என்னவோ போ.....இப்ப தமிழ்நாட்டு கவர்மெண்டையும், கேரளா கவர்மெண்டையும் கோர்ட்டுதான் நடத்துது போல...

சரியாத்தான் சொல்றே....அதுதான் உண்மை.

உங்களுக்கு இலவசமாக ஆப்பிள் ஐ போன், லேப்டாப் வேண்டுமா?

2011-12-13T19:37:00.002+05:30

பாரிஸ் தமிழ் நடத்தும் போட்டியில் கலந்துகொண்டு ஆப்பிள் ஐ போன், லேப்டாப் போன்றவற்றை இலவசமாக வெல்லுங்கள்.

இந்தப்போட்டியில் கலந்துகொள்வது மிக சுலபம். உங்களின் மின்னஞ்சலை கொடுத்து பதிவுசெய்து கொண்டாலே போதும். நீங்கள் போட்டியில் கலந்துகொள்ளும் தகுதி பெற்றுவிடுவீர்கள்.

மேலும் விபரங்களுக்கு இந்த லிங்கை கிளிக் செய்யுங்கள்.

அல்லது கீழிருக்கும் url- ஐ கிளிக் செய்யவும்.

http://www.paristamil.com/contest/share-ref-10178-fed-ta82.htm

தமிழக அரசும் சிக்கனமும்.............

2011-12-07T18:29:00.002+05:30

நிதித் தட்டுப்பாடு காரணமாக வரும் ஆண்டு பொங்கல் பண்டிக்கைக்கு மக்களுக்கு இலவசப் பொருட்கள் ஏதும் வழங்கப்படாது என்று அறிவித்துள்ளது தமிழக அரசு.

கடந்த திமுக ஆட்சியில் 2009ம் ஆண்டு முதல் இலவச பொங்கல் பொருட்கள் வழங்கப்பட்டன.

பச்சரிசி 500 கிராம், வெல்லம் 500 கிராம், பாசி பருப்பு 100 கிராம் மற்றும் முந்திரி-திராட்சை 20 கிராம் அடங்கிய பைகள் ரேசன் கடைகள் மூலம் வழங்கப்பட்டன.

இந்தத் திட்டம் ஆரம்பிக்கப்பட்டபோது, அதற்கு ரூ.80 கோடி செலவிடப்பட்டது. பின்னர் விலைவாசியும் உயர, இந்த ஆண்டு இத்திட்டத்துக்கு கூடுதல் நிதி செலவானது.

இந் நிலையில் ஆட்சிக்கு வந்துள்ள அதிமுக அரசு, மாநிலம் கடும் நிதித் தட்டுப்பாட்டில் உள்ளதாகக் கூறி சமீபத்தில் பால் விலை, பஸ் கட்டணத்தை உயர்த்தியது. மின் கட்டணத்தையும் உயர்த்தவுள்ளது.

இதே நிதித் தட்டுப்பாட்டை காரணமாகச் சொல்லி, மக்களுக்கு இந்த முறை பொங்கல் இலவச பொருள்களை வழங்குவதில்லை என்று அரசு முடிவு செய்துள்ளதாகத் தெரிகிறது.

சிக்கன நடவடிக்கையாம். இது சரிதான் என்றாலும், இன்னும் பொங்கல் வைக்ககூட இலவசங்களை எதிர்பார்க்கும் நிலையில்தான் எல்லா அரசும் மக்களை வைத்துள்ளது என்பது எத்தனை பெரிய கேவலம். மக்களின் வாழ்க்கை தரத்தை உயர்த்துவோம் என்று சொல்லியே ஒவ்வொருமுறையும் ஆட்சிக்கு வரும் ஆட்சியாளர்கள், அவர்களின் வாழ்க்கத்தரத்தை மட்டும் ஐந்து வருடங்களில் கண்ணாபிண்ணாவென்று உயர்த்திக்கொண்டு மக்களை தெருவில் நிறுத்திவிடுகிறார்கள்.

சரி...சிக்கன நடவடிக்கைகளை ஏழைகளிடமிருந்துதான் துவங்கவேனுமா?

மக்கள் பிரச்சினை பற்றி பேசாமல், சும்மா சட்டசபைக்கு போய்வருவதற்காக மட்டும் சம்பளமாக ரூபாய் 55,000 பெற்றுக்கொள்கிறார்களே எம்.எல்.ஏ.,க்கள் அவர்களின் சம்பளத்தில் கொஞ்சம் குறைத்து நடவடிக்கை எடுக்கலாம்.

சட்டசபை மாற்றம், நூலக மாற்றம் என்று ஆட்டைத்தூக்கி குட்டியில் போட்டு, குட்டியை தூக்கி ஆட்டில் போடும் வேலையை நிறுத்தினால் இன்னும் கொஞ்சம் நிதி மிச்சமாகுமே....

தொட்டதற்கெல்லாம் ஹெலிகாப்டரில் பறந்து மக்கள் வரிப்பணத்தை வீணடிப்பதை விட்டுவிட்டு ரயிலில் செல்லலாமே...அதுகூட சிக்கன நடவடிக்கைதான்.

அடப்போங்கப்பா..... நம்ம ஆட்சியாளர்கள் கண்ணுக்கு யானை போவதெல்லாம் தெரியாது. பூனை போவது மட்டும் பளிச்சென்று தெரியும் போல.....

.

கனிமொழிக்கு இதுதான் சரி......

2011-12-05T14:27:00.002+05:30

தன் சகோதரர்கள் அழகிரி, ஸ்டாலின் போல் நேரடியாக அரசியலில் ஈடுபடாமல், தன் சகோதரி செல்வியைப்போல் குடும்பத்தலைவியாகவும், தன் தந்தை கலைஞரை போல் கவிஞராக மட்டுமே அடையாளம் காணப்பட்ட கனிமொழியை காலம் அரசியலுக்கு அழைத்து வந்தது இல்லை...இல்லை...இழுத்துவந்து திணித்தது.

கனிமொழியின் அரசியல் பிரவேசத்தை ஒரு திட்டமிட்ட விபத்து என்றும் சொல்லலாம். தினகரன் சர்வேயால் தயாநிதியின் பதவிக்கு ஆபத்து வந்ததும், அந்த இடந்தை நிரப்ப கனிமொழி எம்.பி.,யாக்கப்பட்டார். கடந்த நாடாளுமன்றத் தேர்தலுக்குப்பின் மத்திய அமைச்சரவையில் இடம்பிடிப்பார் என்று பரவலாக எதிர்பார்க்கப்பட்டு ஆனால், அது நடக்காமல் எம்.பி.யாகவே தொடர்ந்தார்.

கலைஞர் டி.வி.,க்காக ஸ்பெக்ட்ரம் பணத்தை முறைகேடு செய்ததாக குற்றம்சாட்டப்பட்டு ஜெயிலுக்கும் போனார். புதுமாப்பிள்ளையான தன் மகன் ஸ்டாலினை எமெர்ஜென்ஸியில் கைது செய்தபோது கூட கலங்காத கலைஞர், கனிமொழியின் கைதின்போது கலங்கித்தான் போனார். கனிமொழியின் கைதுக்குமுன்னே அந்தக்கட்சியின் கொ.ப.செ.,யான ஆ.ராசா கைதுசெய்யப்பட்டபோது கவலைப்படாமல் இருந்த கலைஞர் தன் மகள் விஷயத்தில் தான் ஆடாவிட்டாலும் தன் சதை ஆடும் என்று காட்டினார்.

இப்போது நீண்ட சிறைவாசத்திற்கு பின் கனிமொழி சுதந்திரக்காற்றை சுவாசித்தப்பின் மகிழ்ச்சியாக இருப்பதுபோல் காட்டிக்கொண்டாலும் கலைஞர், தன் மகளுக்கு என்ன பதவி கொடுப்பது என்று குழப்பமாகவே இருப்பார்.

கனிமொழிக்கு கட்சிப்பதவி ஏதும் கொடுக்கப்படுமா என்ற கேள்விக்கு பதிலளித்த கலைஞர் அதை கட்சி முடிவுசெய்யும் என்றார். கட்சி என்றால் செயற்குழு பொதுக்குழு என்று அர்த்தம். எந்த ஒரு கட்சியின் பொதுக்குழுவும், செயற்குழுவும் கட்சித்தலைமையின் எண்ணத்தைதான் பிரதிபலிக்கும். அதற்கு தி.மு.க.,மட்டும் விதிவிலக்கல்ல....
கலைஞர் மனதில் இப்போது என்ன ஓடுகிறது என்று அந்தக்கட்சியின் இரண்டாம் கட்டத்தலைவர்கள் ஓரளவு யூகித்திருப்பார்கள். அதாவது, கனிமொழிக்கு பதவி கொடுப்பதுதான் அவரின் எண்ணமாக இருக்கும். தன் துனைவியார் ராஜாத்தியம்மாளை திருப்திபடுத்தவாவது இப்படி சிந்தித்திருப்பார்.

தலைவரிடம் நல்லபெயர் எடுக்க கனிமொழிக்கு பதவி என்ற விஷயத்தை ஒட்டியே செயற்குழு, பொதுக்குழு உறுப்பினர்கள் பேசுவார்கள் என்பது எல்லோருக்கும் தெரியும். அதன்பிறகு கனிமொழிக்கு ஏதாவது கட்சிப்பதவி வழங்கப்படும்.

கலைஞரே....உங்கள் மகள் ஒன்றும் தியாகியல்ல....எமெர்ஜென்சி போன்றவற்றில் கலந்துகொண்ட எத்தனையோ தி.மு.க.,தொண்டர்கள்,இன்று எந்தப்பதவியும் இல்லாமல் மிசா என்ற பெயரைமட்டும் தன் பெயருக்கும் முன்னால் போட்டுக்கொண்டு தெருவில் நிற்கிறார்கள். அவர்களுக்கு ஏதாவது செய்ய எத்தனிக்காமல், ஊழல் குற்றம் சாட்டப்பட்ட ஒருவர் ஜெயிலுக்கு போய்வந்த ஒரு தகுதியை மட்டும் வைத்துக்கொண்டு பதவி கொடுப்பதென்பது அநியாயம். இன்னும் சொல்வதென்றால், கனிமொழிக்கு அரசியலே தேவையில்லை.

அரசியலில் உங்களுக்கு பிறகான வெற்றிடத்தை நிரப்ப உங்களின் மகன்கள் இருக்கிறார்கள். ஆனால், எழுத்துலகில்தான் உங்கள் இடத்தை நிரப்ப ஆளில்லை. அதற்கான தகுதியை வளர்த்துக்கொள்ளட்டுமே கனிமொழி. எதற்காக தேவையில்லாமல் கனிமொழியை அரசியலில் திணித்து கோஷ்டிகளில் ஒன்றை கூட்டுகிறீர்கள்?
கனி இனி தொடரட்டும் அரசியல்வாதியாக அல்ல....கவிதாயினியாக......

எதுக்கெல்லாம் டிவோர்ஸ் கேட்கறதுன்னு ஒரு விவஸ்தை இல்லை?

2011-12-02T12:14:00.005+05:30

அந்த விவாகரத்து வழக்கு விசாரனைக்கு வந்தது. முதலில் மனைவியை விசாரனை செய்தார் வக்கீல்....

உங்கள் கணவரிடமிருந்து விவாகரத்து கேட்கறீங்களே.... ஏன் அவரை உங்களுக்கு பிடிக்கலியா?

அப்படிலாம் இல்லை. எனக்கு அவரை ரொம்ப பிடிக்கும்.

அப்படின்னா....தினமும் உங்களை அடிச்சு...உதைக்கிறாரா?

இல்லேங்க....கல்யாணம் ஆன நாளிலிருந்து இன்றுவரை கோபமா அவரு விரல் நகம் கூட என் மேல் பட்டதில்லை.

சரி... வேலைக்கு போகமாட்டேன்னு சொல்றாரா அவரு?

நல்ல வேலையில் இருக்கார். கை நிறைய சம்பளம்.

உங்களை சந்தோசமா வச்சுக்கலியா?
சந்தோசத்திற்கு குறையே இல்லை எங்களுக்கு

அப்படியா....சரி... நகை, நட்டு வாங்கித்தரலியா?
நிறையவே வாங்கித்தந்திருக்காரு

புடவை?

மாசத்திற்கு ஒண்ணுன்னு பீரோ நிறைய அடுக்கி இருக்கு.

சினிமா, கினிமான்னு உங்களை கூட்டிட்டு போகலியா?

வாரா வாரம் ஞாயிற்றுக்கிழமையானா தியேட்டர்தான்.

உங்களுக்கு அவரிடம் எந்தக்குறையும் இல்லை. சரி...இது கடைசிக்கேள்வி....வெளில ஏதாவது அப்படி இப்படின்னு இருக்காரா?

அய்யய்யோ அவரு சொக்கத்தங்கம் சார்

ஏம்மா...உனக்கும் அவருக்கும் எந்தப்பிரச்சினையும் இல்லைங்கறே. அப்புறம் எதுக்கும்மா டிவோர்ஸ் கேட்கறே?

இருக்கு சார்....

அப்படின்னா சொல்லும்மா?

அவரு தினமும் அஞ்சு தடவை குடிக்கறாரு சார்

என்னது குடிக்கறாரா? எத்தனை நாளா இந்த குடிப்பழக்கம்?

சின்ன வயசிலேர்ந்து குடிக்கறாரு

ஏம்மா...சின்ன வயசிலேருந்து குடிக்கிறாருன்னு சொல்றே.. இத்தனை நாளுக்கு அப்புறம் இப்ப வந்து புகார் சொல்றே?

இவ்வளவு நாள் ஒன்னும் தெரியலே....இப்பத்தானே விலை ஏறிப்போச்சு

என்ன விலை ஏறிப்போச்சா? ஆமா உன் கணவர் என்னத்தை குடிக்கறாரு பீர்?

இல்லை...

பிராந்தி, விஸ்கி

அதெல்லாம் இல்லை.

வேறு என்னதான் குடிக்கறாரு?

ஒரு நாளைக்கு அஞ்சு வேளை டீ, காபின்னு ஏதாவது குடிச்சுக்கே இருக்காரு.... நீங்களே சொல்லுங்க...இப்ப பால் விற்கற விலையில இது ரொம்ப ஓவருங்க... இப்படி இருந்தா எப்படிங்க அவரோட குடும்பம் நடத்தறது?

-----------------------------------------

நேற்று படிக்காமல் தவற விட்டவர்களுக்காக...

டீ,காபி,பால் ஜோக்ஸ்......சூடாகவும்....சுவையாகவும்....

2011-12-01T10:51:00.002+05:30

அந்தக்கடையில மட்டும் எதுக்கு அவ்வளவு கூட்டம்?
1000 ரூபாய்க்கு மேலே பொருள் வாங்கினா ஒரு லிட்டர் பால் இலவசமாம்....

அவரு குடிச்சு...குடிச்சே ஏழையா போனவரு...
அப்படியா?...அவரை பார்த்தா குடிகாரன் மாதிரி தெரியலியே?
குடிச்சு..குடிச்சுன்னு சொன்னது டீ, காபியை

அந்தக்குடும்பம் பணக்கார குடும்பம்ன்னு எப்படி சொல்றே?
பின்னே...ஒரு நாளுக்கு மூணு தடவை டீ குடிக்கறாங்களே...

சி.பி.ஐ.,வந்து விசாரிக்கற அளவுக்கு அப்படி என்னதான் அந்தக்கடையில திருட்டு போச்சு...
வேறென்ன...பால்தான்

உன் பொண்ணை கல்யாணம் செய்ய வசதி இல்லைன்னு புலம்பிக்கே இருந்தியே? அப்புறம் எப்படி கட்டிக்கொடுத்தே?

பேப்பர்ல ஒரு விளம்பரம்தான் கொடுத்தேன். என் பொண்ணை கட்டிக்க நான் நீன்னு ஒரே போட்டியா போச்சு

அப்படி என்ன விளம்பரம் கொடுத்தே?

என் பொண்ணை கல்யாணம் செய்துக்கிறவங்களுக்கு வரதட்சணையா ரெண்டு பசுமாடு இலவசமா தரப்படும்னு....

என் கொலைவெறி பதிவு இதோ.....

2011-11-30T11:34:00.002+05:30

தனுஷ் புண்ணியத்தில் கொலைவெறி...கொலைவெறி என்று கொலைவெறியில் தமிழகமே தகித்துக்கொண்டிருக்கிறது. இனையத்தின் வழியாக இதுவரை 50 லட்சத்திற்கும் மேற்பட்டவர்கள் இந்தப்படலை கேட்டு ரசித்ததாக சொல்லப்படுகிறது. நிறைய பதிவர்கள்இந்தப்பாடலை அலசி ஆராய்ந்து போஸ்ட் மார்டமே செய்துவருகிறார்கள் என்றும் சொல்லலாம்.

சரி...அப்படி என்னதான் இருக்கிறது இந்தப்பாடலில்? கேட்டுத்தான் பார்ப்போமே என்று நானும் கேட்டேன். அந்தப்பாடலில் பெரிய சமுதாயக்கருத்துக்கள் என்று ஒன்றுமே இல்லாவிட்டால் கூட, ரசிக்கவே வைக்கிறது. யாருக்கோ செக் வைக்கிறார் தனுஷ் என்பது மட்டும் விளங்குகிறது. நிச்சயம் இந்தப்பாடல் இன்னும் சில காலத்திற்கு யூத்களின் எழுச்சிகீதமாக இருந்து, அவர்களின் ரிங் டோனையும், காலர் ட்யூனையும் அலங்கரிக்கப்போவது மட்டும் நிச்சயம்.

தன் மனைவி ஐஸ்வர்யா இயக்கத்தில், சுருதிஹாஸனுடன் சேர்ந்து தனுஷ் நடிக்கும் 3 என்ற படத்திற்காக தனுஷே எழுதி, பாடிய இந்தப்பாடலை நீங்களும் கேட்டுப்பாருங்களேன்.

நாய் நக்கிய இலை.......

2011-11-29T12:20:00.001+05:30

ஹோட்டல் ஒன்றில் நானும் என் நண்பர் ஒருவரும் சாப்பிட்டுக்கொண்டிருந்தோம். இலையில் கொஞ்சம் சாப்பாட்டை மிச்சம் வைத்துவிட்டு எழுந்துவிட்டார் அந்த நண்பர்.

ஏன் சாப்பாட்டை மிச்சம் வைத்துவிட்டீர்...பிடிக்கலியா? என்றேன் நான்

இல்லை. இப்போது நாம் சாப்பிட்ட எச்சில் இலையை பக்கத்தில் இருக்கும் குப்பைத்தொட்டியில் போடுவர்கள் இல்லையா....அப்போது மிச்சமிருக்கும் சாப்பாட்டை ஏதாவது ஒரு நாய் சாப்பிடவரும்.....என்றார் நண்பர்.

ஓ.... நாயிக்கு கொஞ்சம் சாப்பாடு கிடைக்கட்டுமேன்னு நல்ல எண்ணத்தில் மிச்சம் வச்சிட்டீங்க....அப்படித்தானே? என்று கேட்டேன் நான்

அதுதான் இல்லை. அப்படி நாய் சாப்பிட வரும்போது நாம் கொஞ்சம் கூட மிச்சம் வைக்காமல் சாப்பிட்டு விட்டு இலையை சுத்தமாக வைத்திருந்தால் நாய் என்ன நினைக்கும்ன்னு தெரியுமா? என்று கேட்டார்.

என்ன நினைக்கும்? என்றேன் புரியாமல்....

இதுக்கு முன்னாடி இந்த இலையை எந்த நாய் நக்குச்சோன்னு நினைக்குமாம்....இதுக்கு முன்னாடி நம்ம தான அந்த இலையில் சாப்பிட்டோம்...எதுக்கு நாயிட்ட நாம நாயின்னு பேரு வாங்கனும்? அதான் கொஞ்சம் மிச்சம் வச்சுட்டேன் என்றார் நகைச்சுவையாக....

அதுசரி என்றேன் சிரித்துக்கொண்டே....